الصاحب اللي ما كسبت ..محبته ما تخسره

[أنا الغالية]

إي بالله أخطوا والخطا اللي جابهم عين الصـواب
مبطي وأنا أشوف الطمع يكشف رداهم وأستـره
.
مايملي عيون الحسـود بهالزمـن غيـر التـراب
ومن لايتوب من الخطـا تحـرم عليـه المعـذره
.
اللي من أولهـا خـراب أكيـد تاليهـا خـراب
والبنـدق اللـي ماتثـور فـي هدفهـا تذعـره
.
ودك اليا من جاتك الغلطه مـن النـاس القـراب
الصاحب اللي ما كسبـت محبتـه مـا تخسـره
.
مشكلتي إني ماعرفت أحسب لصدتهـم حسـاب
قلّطتهم صدري على ذكرى قصيـد وحنجـره
.
صوت ٍ يصول بمنبره وخطاب مامثلـه خطـاب
والطيبه اللي زعزعت صوت الخطيـب ومنبـره
.
مافيه دمع ٍ صوبـوه أحبابـي بوجهـي وخـاب
ولا زرق حزنـي علـى غالـي ولا فـج انحـره
.
كل الزهاب اللي معي ذكرى من أصحاب الزهاب
واللي بقالي من عذاب اشرس طريقـي وأخطـره
.
لأني تجنبت الغرق.. عديت من فـوق السحـاب
لأن أكثر أصحابي ورق..ماشفت للطيـب اثمـره
.
والله ماحطيت بيـن الحقـد والخـوه حجـاب
حتى غدوا ربعي يحدوني علـى الضيـق أشكـره
.
البارحه ثارت علـي رقـاب و آوتنـي رقـاب
البارحـه ياثقـل دم البـارح ويــا محـقـره
.
أهب يا وجه الحسد وشلـون جمعهـم وغـاب
كيف السنيـن اللـي عطتنـي بعثرتهـم بعثـره
.
أثر المصايب ماتجيـك إلا مـن النـاس القـراب
وبهالزمن حتى الخوي اللـي تثـق فيـه أحـذره
.
لابارك الله فـي رفيـق ٍ تزعلـه كلمـة عتـاب
ولاجمـع الله الرجـال اللـي تفرقهـم مــره
.
عو ّدت نفسي كل ماشـددت لليمّـه ركـاب
ما صد وجهي عن طموح إلا ليا جبـت خبـره
.
الصاحب اللي مايجي من صحبته غيـر العـذاب
نذر ٍ علي إن ماهجرني وإلا أنا اللـي بـأهجـره
.
من يفتح لفرقاي باب أفك لـه عشريـن بـاب
و إذا خويـي مايقـدر خوتـي مــا أقــدره
.
أن روّحوا فأنـا بـري منهـم ليـوم الحسـاب
وإن جرحوا قولوا لهـم ماحركـوا فـيّ إشعـره
.
شفهم لهم حول السنه ولا خذوا منـي جـواب
أحسـن دوا للـي يحـاول يستفـزك تحـقـره
.
انا جمعت أوراقهم بكتاب وأغلقـت الكتـاب
يا وقت لـم اللـي تلمـه وأنثـر اللـي تنثـره
.
ماكنت أحاتيهم صغير ..عـاد أحاتيهـم شبـاب
ان ما ذخرني صاحبي لليوم الأسود ما أذخـره
.
عقب أكتئاب البارحه ماعاد انـا حمـل إكتئـاب
الطيب جرجرني وانـا مانـي بناقـص جرجـره
.
اللي يخاف من الظما يترك لنـا طـرد السـراب
واللي ماهو بقد الظـلام ووحشتـه لا يسهـره
.
انا تجرعت الظما ليـن أحتـرق وجهـي وذاب
انا كسرت بخاطـري قبـل الصداقـه تكسـره
.
انا خسرت اللي غيابه غير عـن كـل الغيـاب
انـا غفـرت لعـالـمٍٍ ماتستـحـق المغـفـره
.
انا أكثر أنسان تعلم من كثر ما أخطأ واصـاب
انا أخر لسـان يتكلـم فـي زمـان الثرثـره
.
انا القصيد اللي فزع من دفتـره مليـون نـاب
وانا الوحيد اللي جمـع مليـون نـاب بدفتـره
.
جفني وجرّحه السهر ، حيلي وهدّتـه الصعـاب
دمعي هدر ، ضحكي ندر ، عمري وضيعت أكثره
.
شيّبت بعقـول العرب..هيبـت روس ٍ ماتهـاب
جمهـرت نـاس ٍ عمرهـم مايعرفـون الجمهـره
.
ماصرت ذيـب إلا لأن اللـي حواليني ذيـاب
ما كنت أغيـب إلا لأن العفـو عنـد المقـدره
.
ترى حلاتك لاحملت لصاحبـك كلمـة عتـاب
أن مانطقـت بهـا بوجهـه ماتذمـه بظـهـره
.
في هالزمن مايملي عيـون الحسـود إلا التـراب
والا الحظيظ.. الطلقه اللـي ماتصيبـه تذعـره
.
ودك اليا من جاتك الغلطه مـن النـاس القـراب
الصاحب اللـي ماكسبـت محبتـه مـا تخسـره

........................
ان شاء الله تنال على اعجابكم
ku1ykuk

[حاتم العطواني]

مايملي عيون الحسـود بهالزمـن غيـر التـراب
ومن لايتوب من الخطـا تحـرم عليـه المعـذره

رائعة أخت انا الغالية


قصيدة جميلة ومعاني عظيمة فعلا

نورتي المنتدى ونشوفك على طول مميزة ومتألقة وبخير


تقبلي مروري

[سحر الشرق]

انا أكثر أنسان تعلم من كثر ما أخطأ واصـاب
انا أخر لسـان يتكلـم فـي زمـان الثرثـره


جميله جداًً وواقعيه

تسلم الايادي يا غاليه

تقبلي تحياتي >>!

[أنا الغالية]

تحياااتي وودي لكم وشكرااا جزيلاااا لمروركم .ku1ykuk

[maher-hsn]

ماصرت ذيـب إلا لأن اللـي حواليني ذيـاب
ما كنت أغيـب إلا لأن العفـو عنـد المقـدره

ترى حلاتك لاحملت لصاحبـك كلمـة عتـاب
أن مانطقـت بهـا بوجهـه ماتذمـه بظـهـره

في هالزمن مايملي عيـون الحسـود إلا التـراب
والا الحظيظ.. الطلقه اللـي ماتصيبـه تذعـره
موضوعك رائع وحساس تقبلي مروري اليه
maher

[ام الريان]

جميلة خدا بس من الشاعر تحياتي الحارة لكي ياغالية

[jalal]

رائعة من روائع الشاعر حامد زيد......والأروع الانتقاء
مشكورة على الذوق المميز

[أنا الغالية]

حامد زيد من الشعراء المفضليين عندي ..
شاعر رااائع ..
نورتواااا بمروركم أصدقائي ...
teto_65

[فادي عرمان]

قصيده ممتازة تسلم الايادي يا غالية
زملائي الجالسين معي اعجبو بقصيدتك

[أنا الغالية]

أهلين فيك أأخي فادي ...
أسعدني مرورك وإإعجابك بالقصيده ..
آآآرق التحيااات لك ...