لماذا يتباهى الشباب بتعدد علاقاتهم العاطفيه

[فادي 001]

لماذا يتباهى الشباب بتعدد علاقاتهم العاطفيه

في ظل الانفتاح الاجتماعي الذي تعيشه المجتمعات العربية تغير الكثيرمن العادات والمفاهيم والممارسات في حياتنا .

فبعد ان كانت العلاقة بين الشاب والفتاة مرفوضة بشتي أنواعها أصبح أمراً عادياً ومألوفاً ان الشباب ينتقلون من علاقة الي أخرى .

وأصبحت كلمة أحبك من أسهل الكلام وليس أسهل منها الا التنصل منها بحجة عدم القدرة علي الزواج للأسباب الاقتصادية والاجتماعية المعروفة والخطير في الموضوع استسهال العلاقات العاطفية وتعددها ما يلجأ الية بعض الشباب في التباهي أمام أصدقائه وأقاربه بحب الفتيات له ليثبت نفسه محبوباً .

* لماذا يتباهى الشاب بتعداد علاقاتة العاطفية ؟

* هل هي محاولة لاثبات الذات ؟

* أم أنها عادة تبدأ في سن المراهقة وتبقي ملتصقة بالشاب الى ما بعد المراهقة ؟

* هل المجتمع هو المسئول عن هذه المشكلة ؟

* هل التلاعب في مشاعر بنات الناس أصبح منطقياً ؟

اطرح رأيك بصراحة وموضوعية وتقبلوا مني هذا الحوار المهم حسب رأي وتقبلوا احترامي............

[WiSaM R]

يعني هذا موضوع كثير حلو نقاشه وكان فيه بس رد واحد وانا حذفتو كونو ما الو معنى بالموضوع

خلينا نشوف رايكم يلااا

[Ghada Saymoua]

شكرا الك اخ فادي طرحك في غاية الاهمية هي الظاهرة منتشرة كتير في مجتمعاتنا بعض الشباب مش كلهن بيفتخرو قدام رفاقهن انو بيعرفو بنات اكتر وانا بعتقد انو كل واحد بيتصرف هيك عندو نقص وضعف شخصية وباعتقادي انو المجتمع ماالو علاقة هي بترجع للتربية الاسرية و البنات اعراض وهوي ممكن يكون عندو اخت واذا ماعندو بيكون عندو بنت عمو او بنت خالو او الخ .
وانا برأي انو الغلط على الشباب والبنات مع بعض مافي غلط من جهة وحدة الاتنين غلطانين .
واذا أهلنا عطونا الحرية هي تعتبر ثقة ولازم نحافظ عليها ليس بمعنى انو كل يوم مع بنت او كل يوم مع شب .
وانا بدي اسألك سؤال ياهل ترى انتو الشباب بتتزوجو وحدة كان الها علاقات سابقة.
تحياتي

[حاتم العطواني]

موضوع جميل فعلا وحلو ومن واقعنا اللي عم نعيشو

تعليقا على كلامك خي فادي نحنا هلق بمجتمع سلاحو الوحيد اللي شاطر فيه هو الكلمة واساليب تناقلها وكل ما انتقلت الكلمة من شخص لشخص بيرشلا مواد كيماوية بحث بعد عشر او عشرين شخص بتصير الحبة قبة على قولة المثل .. هذا بعيدا عن موضوعك
اما بخصوص الموضوع الرائع فأني بوافق اختي غادة بالفكرة اي شب بيحاول يتباهى بعلاقاتو ومحاولاتو فعندو مشكلة هي نقص بالشخصية وبدو يحاول يضهر بمضهر البطل قدام رفقاتو وانو زير او هالشب كانت كل محاولاتو فاشلة لوجود حب صادق فتحولت الحالة النفسية عندو لامر معكوس

بدي نوه لشغلة انو نحنا ما منرفض العلاقة بين شب وبنت على شرط ان تكوت علاقة صادقة وهادفة وطموحة وسر العلاقة هو حلاوتها لانو الجهر بها صار غاية للتباهي والعرض ...

جوابا على سؤال الاخت غادة اني حابب جواب عليه للسؤال وهذا طبعا رأي الشخصي
ليش البنات بيفكرو انو الشاب بيرفض يتجوز وحدة عندها علاقة سابقة علاقة برئية طبعا
بالعكس اني بالنسبة الي ما عندي اي مشكلة طبعا متل ما ذكرت انو اذا كانت العلاقة بريئة لانو اني بحاسب زوجتي على الفترة اللي عرفتها فيها مش على فترة اساسا اني ما كنت موجود فيها
اما اذا البنت في عندها شي خمسين ستين علاقة اكيد صار الموضوع بيختلف







تحياتي الكن يا جماعة ويعطيكن العافي على الموضوع الحلو ....