وبعدين - منتدى قرية عرمان السويداء جبل العرب الأشم

عمر عادل صياغة · 01-15-2011, 12:34 AM

الله يجعل أوقاتكم كلها خير
الموضوع اليوم في شوية مفردات قديمة عالشباب اللي من برات البلد
مثل الـ(dial up) ومصطلح بطاقات الانترنت
نحنا بعدنا محافظين على التراث وعمنستخدمهم وياريت عبيقومو بوظيفتهن و يفوتو عالشبكة
يعني لإضافة هذا الموضوع (طبعا كتبتو بملف نصي أوف لاين قبل )أني قاعد تقريبا ساعة لفتحت صفحة المنتدى وقدرت ضيف الموضوع
وعبتجنب أي تنسيقات بالنص لأنو بكون عندي إجا الفرج إذا بيفتح صندوق النص وإذا بدي أصبر
ليتفعل كل شي بالصفحة أو حدث الصفحة بدي ساعة زيادة إذا مشي الحال
صرلي يومين عبحاول حمل محاضرة حجمها كبير شوي (700 كيلو بايت ) يوصل 20% ويقطع الاتصال
قلت أني عبزودها عالشبكة وجيت حملت محاضرة ثانية بحجم (300 كيلو بايت) وشوفوا الصدف كمان وصل 20% يعني حمل
70 كيلو بايت وقطع وكأنو مصمم يقعدني نص ساعة قدامو ( و طبعا مابسترجي حتى افتح صفحة منشان ما اضغط عالشبكة)
كل هالحكي يمكن يكون تبلي مني أو الجهاز عندي أو خط التلفون فيهن عطل
بس بدي أطلب من شباب الاتصالات الأعضاء بالمنتدى بعد ماوجهلن أحلى تحية وهن إخوتنا وغاليين علينا يوضحولنا شو عبيصير
وشو ممكن يصير بعدين
والله عرمان بتستاهل أكثر من هيك ياجماعة والمنطقة اللي حوليها تقريبا كلها صار فيها انترنت سريع بأنواعه على حد علمي
وإذا غلطان ياريت تصلحولنا وتسامحونا
يعني بعد إذن خينا حازم صيموعة
لو نزار قباني عبيشتغل عالانترنت بعرمان كان عدل قصيدتو وقال :
هل عندك شك
أن دخولك عالشبكة
هو أكبر حدث في التاريخ
وأعظم خبر في الدنيا
أخوكم

غريب · 01-15-2011, 01:07 AM

هههه

بصرااحة الموضوع مضحك مبكي

لم أعرف غايتك من الموضوع حتى وصلت للقسم الهام منه

ومعك كل الحق وما فينا إلّا نقول

الله بيعين

أنا الغالية · 01-15-2011, 01:18 AM

أخي عمر ...
فعلا متل ما حكى غريب شي بضحك وشي ببكي ...
عنجد الله يكون معكم .... وإن شاء الله بتنحل هالمشكله بـــ عرمان
أنا حبيت أعدلك بالخط واللون ولا يهمك بالتنسيق من هون وجاي أنااااا وراك ع الدعسه ع قولتهم عنا بالأردن هههه.
وإن شاء الله تكون حبيت اللون بس
وأي تعديل تكرم عينك ..
تحيااتي واحتراامي

hend · 01-19-2011, 06:53 PM

معك حق أخ عمر..
بس المشكلة مو بس ب عرمان بكل المناطق غالباً عم يكون في ضغط على الشبكة
أنا عم يصير معي نفس الشي لما حمل محاضراتي يعني اذا مشي الحال بياخد معك على الأقل
3/4 ساعة اذا كان الحجم ب kb فما بالك mb؟؟؟ ومنيح اللي عم يوصل بس لل 20%و ما عم يوصل لل90% ويقطع شو كنت رح تعمل... ؟؟

__ لا تزعل عم امزح هه hoh_55
على كل حال ما بنقول غير انشالله بيتحسن الوضع
بالتوفيق

عمر عادل صياغة · 01-25-2011, 08:36 AM

أولا آسف على التأخير لأنو وقت امتحانات وياعالم بالحال
وثانيا شكرا على مروركم الحلو
وثالثا اني رح طنش عالتنسيقات من هون ورايح لأنو في مين يساويهن
مثل مابدي واحسن بكثير مع كل الشكر و الاحترام ومفوضة مثل مابيقولو عنا بالسويدا
ولا تواخذونا
أخوكم