ما أصعب أن تعشق شخصاً .... وأن تعلم أنك لن تكون له !!! ....

[حازم صيموعة]

أول شي تحية للجميع وبشكرك يا وسام على إثارة الموضوع بهالطريقة .....
ردي الأول على الموضوع كان عبارة عن رأيي بس بطريقة أدبية بس هلق رح اعطي رأيي بشكل مبسط أكثر .....

أول شي الحب هو شعور ما بيقدر الإنسان يتحكم فيه ..... يعني ما بيقدر يختار شخص ويقول أنا بدي حب هذا الشخص....
والحب اللي حكى عنه الموضوع اسمه الحب المجرد يعني هو حب لمجرد الحب ...... وهو أصدق حب....
ما بيعترف لا بظروف ولا بحواجز ولا مسافات ......

وسام سأل سؤال كثير حلو..... كيف بتحب الشخص وانت عارف انو مش الك ...؟؟؟؟
طبعا هذا أصعب شي بالموضوع ..... أصعب شي اذا بيمر فيه الشخص ....
وصعب كثير يفهمه اللي ما مر فيه .....
وبالنهاية منرجع لأول شي حكيته انو مش بايدك تختار اللي بتحبه ......

ورأي غادة كمان بحترمه وبقدره .... بس بدي ضيف شي .....
مش ضروري الشخص إذا ما كان الك معناها انو متزوج أو حتى انو لغيرك .....
ممكن الشخص يكون مش الك لأنو أهله هني الحاجز أو المسافة أو الدين أو أو أو ....

طبعا كلامي هو رأيي وبكل صراحة .... ممكن يكون صح وممكن يكون غلط ....
بشكركن جميعا وكل الشكر للغالية لأنو فعلا موضوع حلو وحساس ......