دندنات جولانية - الصفحة 2 - منتدى قرية عرمان السويداء جبل العرب الأشم

أحلى جولان · 08-03-2009, 10:14 AM

اقتباس:

المشاركة الأصلية كتبت بواسطة أنا الغالية

قلتلها يا شعر بلون سنابلنا الصفر

وعيون سرقت من مروجنا كل السحر

وسيفين فوق الرموش عبيحموا العيون

وبياض ثلوجنا هالة قمر لعيونها الخضر

&&&&&&&&&&&&&&

الله الله .. كلمات حلوةة كتير.. وبدي شوف حالي بالعيون الخضر ..
تسلم إيدك ..ويعطيك ألف عافيه

teto_65تحياااتي لك ..

شو عرفتينا يالغالية انو عيونك خضر؟؟؟؟؟؟؟؟؟؟؟؟؟؟؟؟؟؟؟؟؟

على كل حال شكراً كثير لمرورك الكريم والرائع

أحلى جولان · 08-04-2009, 02:29 PM

كيف بتغار شمس الكون من طلة بدر

وأنتي الأصل بالنور وبتعطي ضو القمر

وعيونا الخضر مش متل عيونك الحلوين

والياسمينة ما متلها زهور وبتعطي سحر

أنا الغالية · 08-07-2009, 02:25 AM

يسلموااا ديااااتك ( أحلى جولان )
للكلماااات الحلوةة والجميلة يلي بتمتعناااا فيهاااا بجد ..

تقبل مروري .. ودمت بعطاء
teto_65

أحلى جولان · 08-09-2009, 10:19 AM

قلبك يا حلوة مجروح بسهام الهوى

وقلبي بهوى الحلوة بجمرو انكوى

يا ريت بشوفك عالمكبر او بالوجود

وياريت نقضي احلى ايامنا سوى

=============================

عمرك يطول وتبقي عالمدى

زهرة بنفسج عليها قطر الندى

وتفتحي بقلب انسان يقدّر الجمال

وما يضيّع عمرو بلاكي سدى

==========================
تعتبت النجمات عا غيبتك من قبالها

وصار الأفلاك تحاكي حالها

واني سهران عبدور عليكي بينهن

قالو الحلو غايب بغيبة هلالها

أحلى جولان · 08-09-2009, 10:35 AM

كل ما خيالك ببالي عبر

بتهلّ بفكري ابيات بصورة شعر

يا ملهمة بفكري وقلبي والكيان

حاجي دلع وغنج وبعاد وجكر

أنا الغالية · 08-13-2009, 03:03 PM

تسلم إيدك .. دندنات حلوةة
ننتظر منك المزيد ..
أشكرك .. ودمت بودي

أحلى جولان · 08-18-2009, 01:57 PM

مبارح التقيتها وقديش كانت ملبكي

وصافحتها وصارت ايدها التانية تشتكي

ولمن قعدنا على مقعد قبال البحر

صارت النظرات تنقل حكي من غير حكي

=================================
عيونها الزرق خالطو لون البحر

وصارت الإيد تغيب بجدايل شعر

وسرقت الزهرة اللون من خجلةخدودها

وغبت فيها ساعات عن عين البشر

أنا الغالية · 09-24-2009, 07:53 PM

بوح جميل وساحر .. كلمات كتير حلوةةة

مشكور .. وما تغيب علينا hoh_55

أحلى جولان · 10-30-2009, 01:23 PM

غبت وبغيبتي عبيت من الشعر جرار

ورجعت افلش عالمنتدى من الزهر زرار

واشتقت ل ربع مجربين بساح الوغى

أهل عرمان بالنفس والروح بيحمو الجار
========================

يا قلب بعدك عبُعد الولف عبتذرف دموع

وزاد الجفا وبتنطر عا أمل يحصل رجوع

خبيت عنك يا قلب انهن باعوك برخص التراب

وصارو لغيرك وبقيت حسرتك ما بين الضلوع

==========================
jytj6u

أنا الغالية · 10-31-2009, 11:04 AM

كتلةُ مشاعر نثرتها على خدود الورق..

إرتوت منها أفئدتنا ..

وخاضت لجّتها مداركنا بدندناتك الجميله..

دمت بهذا العطاء والبهاء

تحيتي إليك على نسائم الودّ..