قصة الكمبيوتر (5) و الأخيرة

[عمر عادل صياغة]

الله يجعل أوقاتكن كلها خير
اليوم بآخر جزء من هالسلسلة رح نحكي عن الفترة (1980- لحد اليوم) :
بعدم شفنا بالجزء الماضي إنو الحواسيب من ناحية الأنظمة والسوفت وير بلشت وتتسارع بالتطور
بس ظل مشكلة الحجم الكبير اللي شفتو بكل الصور الماضي هذا الحججم ناتج عن إنو الدارات و الأجزاء
الإلكترونية ( و في بعض الأحيان كان في أجزاء ميكانيكية ) كان حجمها هائل فقام اشتغل قانون السوق
اللي بيحكم تصرفاتنا اليومية و صار التنافس كيف بدن يخلو هالحجم يصغر و يصير الكمبيوتر شخصي بكل معنى الكلمة
بعدما ما كان حكر على الشركات و المؤسسات ( وعلى أصحاب البيوت الواسعة اللي بتستغني عن غرفة أو غرفتين
منشان تجيب كمبيوتر يلعبو علي الولاد ) المهم بلش التطوير بالدارات الإلكترونية وعلى تصغير حجم مكوناتها (الترانزستورات )
وصار في عنا الدارات المتكاملة (IC) وصار في الدارات المطبوعة ( يعني فرضا عندي دارتين أو أكثر مترابطين مع بعضن
صرت بدمجهن مع بعضهن و بطبعهن دفعة وحدة على بطاقة وحدة) وبتقدرو تشوفوها على اللوحات الأم و أي كرت جوات الجهاز
فصار في عنا الديسكتوب بعدين لاقو إنو الديسكتوب بيقدر يشتغل علي أي واحد بالعيلة فخصصوا أكثر وعملو اللابتوب
كمان منشان الناس اللي رايحة راجعة ما يروح وقتها بالباصات هيك وتقدر تتابع شغلها ووين ماكنت ( إلا عنا ) بتقدر
تفوت عالإنترنت عبر ال(Wireless) وما اكتفو فبلشت صناعة الموبايلات على التوازي وصايرة وصايرة
مع لاقط الاتصالات بالموبايل حطو منصات صغيرة( اتفقنا إنو المنصة هي جهاز الكمبيوتر بالمعنى العام ) فبتلاقي معالج وذواكر
وهاردات(كرت الميموري ) جوات الموبايل وأكيد بتعرفو إنو في أجهزة خليوية صرت قادر تنزل عليها ويندوز ( طبعا
ويندوز خاص بالموبايل ) يعني نظام تشغيل وبرامج و(wireless) واللي بدك يا والله يجيرنا من الأعظم.
مش رح إقدر جيب شي جديد لأنو هالشغلات صارت معروفة واعتيادية عند الكل وصارت من ضروريات الحياة عند البعض.
بعتذر للشباب المختصين بالالكترون عن التخبيص بهذا الجزء
وبعتذر للجميع إذا مليتو أو مالقيتو شي يفيد بهالسلسة وبرجع بذكر إنو القصد منها إنو نستذكر
شوي عن هالأجهزة اللي بين إيدينا صارت شغلة أقل من عادية ونعرف أصلها وفصلها
وماندخل بمتاهاتها التقنية
آسف على الإطالة وأني جاهز لأي سؤال أو استفسار بأي نقطة
وممكن نتعمق بأي شي للبيحب
شوفو الناس شو ساوت هذا اللي بالصورة اليوم حاسوب مش أقلام ورح سوي موضوع شرح عنو انشالله وحط الرابط هون بس يجهز
وإلكن تقارنو بينو وبين IBM3090 مثلا
وتواخذوناش....
أخوكم

[Lama]

شكرا لك اخى الكريم ع المجهود الرائع اللى بتقدمه


تحياتى لك

[عمر عادل صياغة]

شكرا لكي عالمتابعة
وهذا أقل من الواجب

[غريب]

الموضوع هام جدّا

وقدّمته بطريقة جميلة

أشكرك عمـــر جزيل الشكر




,,,,,