دندنات جولانية

[أنا الغالية]

دندناتٌ هي تخط الاحساس عشقا
تروي ظمأ الاحبة في الليل السرمدي
فتنيره بريشة تحركها اناملك برقه

لتجعل الحروف اسيرة احساسك العذب

سلمت انامل لمست قلما ارتوى باحاسيس دندناتك

الأخ,, أأأأحلى جولان

حضور خلاب يأسرالعيون

ورد يضاهي الموضوع بجماله

لك من حدائقي أأأجمل الورود

دمت بتألق وحب

[فادي عرمان]

شكر لكما
orman wbs

[أحلى جولان]

يا غالية بهالأيام الدرّ والذهب غالي

ومن فكارك تسطرت حروف بتلالي

وزغردي عمّان بزهورك والعطور

بتفوح وقمارها بتسطع بالسما العالي

========================

وفادي ع درب المجد دروبك سهول

وراياتك العالية بالنصر بدق الطبول

ومن ربى الجولان ببعثلك شارة نصر

وباقة زهور من شموخنا ما الها ذبول

==============================

ويا سمرا ذاب قلبي بالعيون السود

وصارت تهب النار تارة وتارة برود

وطيور تدمع عا نواحي والصخر يذوب

وصارت حروفي عصفحاتي تحفر اخدود

============================

[فادي عرمان]

لكي يا جولان

طعنوكِ يا حبيبتي بأسيافهم السامة
و صوبوا رماحهم و نبالهم على قلبكِ الطيب
جولان ما أحلى وجهكِ
عيناكِ أحوراً و أدعجاً من عيني النبي
أرضكِ كريمتاً كيد النبي الكريم
جولان ألبستني حريراً من الفخرِ
جولان ألبست كارهيها جمراً من الذلِ
أخذت شبابها غربة مغصبة عليها
فكل محباً لها يقول
لماذا أحببتكِ أنتِ
لاأنكِ ذات يوماً ستشطبين على جراحكِ
بمناديل عزاً و فخراً
تفتحين أبوابكِ بوجه كل ظالمٍ عاش فيكِ
و تفتحين ذراعيكِ لأبنائكِ
الذين تغنوا بكِ
ووقفوا مبايعين و معاهدين لكِ
بأنكِ سيدة سوريا
مدى الحياة
بالله عليكم ما أستاهل عضو مميز

[فادي عرمان]

حياك يا عرمان حياك
السلام عليكم و رحمة الله و بركاته هذه تحية الاسلام أحي الجميع بها

[أحلى جولان]

قلتو المنتدى راكد ونعسان === وأخوان متل الزهر مش عبتفوح

وزوايا الضحك بتكثر والجد مش مسموح== وصعوبة الرد بالهوا مش عبتلوح

يا أهل الجود ومنكن الفكر وفيكن طموح=== دخلو مرة عا منتدى عرمان

======= بتصيرو متل الشعب النجي بسفينة نوح==========

[فادي عرمان]

منتدى عرماني مانو نعسان في الضحك وفي الروح المرينه

[أحلى جولان]

يا شام شربت من نبعك الرقراق=== وصرت وانا فيكي عا طول مشتاق

وبنطر شهر ايلول تايطلّ عالجولان=== لأنو فيه عا أرض العزّ بيصير التلاق

ويا 16 ايلول يا الكلّك حب وحنان === جاي تاشم أرض الوطن هو ترياق

وكحّل عيوني بِشعب كلّو أمان=== وكلّو محبّة وشهامة وتضحية ووفاق

شعبك يا شام بالجولان مو نسيان=== فضل سوريا وشعبها والقائد كمان

=========== بشرايني وعا قلبي متل دمّي دفّاق =========

[أحلى جولان]

قالت الي ليش عم بتتغزل بالعيون السود

وعيوني بلون البحر زرقا ما الها حدود

قلتلها يا حلوي انا بحار ما بعرف بغوص

بعيونك لأنو الخطر فيهن على طول موجود

===================
هذا إهداء خاص

[أحلى جولان]

زرتك بقلبي ودموع جالت بالعيون

وسمعت منو عنّة عبتقول ممنون

وخيال لاح متل المراية عالفكر صورة

ياريت من المراية بيطلع خيالك المسجون
=================

البوظة ذابت من شفاف برِقة الياسمين
وصارت تسيل متل دموع خجلانين
وعيونك عبتحاكي البحر بنغمات تسكر الموجات
والشط عبيصفق طرب بنسمة الحلوين