رسالة خاصة هام للجميع

[WiSaM R]

مرحبا شباب وصبايا منتدى قرية عرمـــان
واحلى تحية لزوار المنتدى من جميع الدول

راح نناقش فكرة لازم تكون موجودة بالمنتدى منشان نحصل على

منتدى كبير ومواضيع ناجحة وردود فخر للمنتدى


اكيد الكل ملاحظ برودة المواضيع مش راح قول متقاربة من بعض
لا..
بدي قول انو يخي المواضيع كلها نفس الشي وفكرتها نفسها
والردود يا حبيبي ..
كلها عبارات شكررر وغيرو وبقص ايدي اذا حدا بيقرا شي موضوع
بردو بكلمة شكرا ومنغير ما يردو..معليش بدون زعل من الجميع
هذا موضوع للصديقة المنى البشر والفرق بينهم شوفوه ما اكبر هالموضوع طيب مين بيقدر يقرا هيك موضوع!!كثير كبير يا المنى

لانو هذا الموضوع عملته انا
بناء على طلب الاعضاء
لانو كل واحد عميرسلي ويقلي ليش ما في ردود على مواضيعي؟ شو يعني مواضيعي مو معاجبتكن؟!!!

يا جماعة انا هلق راح حط شروط ومنشان المنتدى يشتعل بالردود والمواضيع الساخنة الي مثل النار راح تكون
وانتو احكمو وخلينا نتناقش بهالموضوع واذا شي بند ما عجبكن ناقشوني فيه:

الشرووط:

• ممنوع كتابة مواضيع مشابهة لفكرة موضوع ثاني.(لانو راح ينحذف)

• اذا كتبت موضوع وفيه صور والصور مو طالعين (سيحذف مباشرة)

• اي رد بيحوي هالردود والكلمات هذه مثلا:(((شكرا للادراج,شكرا للطرح, شكرا لمرورد,تقبل مروري,تقبل راي, ودمتي بحب,دمتي بعطاء..وووو....الخ))).

• يعني اي ردود بتحوي كلمة شكرا للموضوع وبدون نقاش راح ينحذف بسرعة

ناقش وبعدين قول شكرا مو مشكلة
راح احذفو بسرعة ودون اي تردد
هي للكل موجهة

• اي رد ما اله علاقة بالموضوع راح ينحذف بسرعة
• هذا منتدى عرمان ونحنا ابناء هالقرية يعني لازم يكون ردودنا بلغتنا نحنا اللغة الجبلية الي كلنا منعرفها بجمالها وسهولتها يعني الكل برد باللغة العربية الفصحى واغلبو بيطلع غلط!طيب ليش؟خلينا نتناقش ونرد على بعض بلغتنا رجاااااااااءorman wbs

يا شباب هذا البند الاخير والله اهم شي
يعني ما في اجمل من انو نحكي مع بعض هيكي بالعامية وبلغتنا
خلونا نهتم شوي بهالموضوع ونتبتعد عن التصنع في الردود .

اخوكم
وســـــــــام رشــــيـــــــد