|
رسالة خاصة هام للجميع
 مرحبا شباب وصبايا منتدى قرية عرمـــانواحلى تحية لزوار المنتدى من جميع الدول راح نناقش فكرة لازم تكون موجودة بالمنتدى منشان نحصل على منتدى كبير ومواضيع ناجحة وردود فخر للمنتدى اكيد الكل ملاحظ برودة المواضيع مش راح قول متقاربة من بعض لا.. بدي قول انو يخي المواضيع كلها نفس الشي وفكرتها نفسها والردود يا حبيبي .. كلها عبارات شكررر وغيرو وبقص ايدي اذا حدا بيقرا شي موضوع بردو بكلمة شكرا ومنغير ما يردو..معليش بدون زعل من الجميع هذا موضوع للصديقة المنى البشر والفرق بينهم شوفوه ما اكبر هالموضوع طيب مين بيقدر يقرا هيك موضوع!!كثير كبير يا المنى  لانو هذا الموضوع عملته انا بناء على طلب الاعضاء لانو كل واحد عميرسلي ويقلي ليش ما في ردود على مواضيعي؟ شو يعني مواضيعي مو معاجبتكن؟!!! يا جماعة انا هلق راح حط شروط ومنشان المنتدى يشتعل بالردود والمواضيع الساخنة الي مثل النار راح تكون:icon_razz: وانتو احكمو وخلينا نتناقش بهالموضوع واذا شي بند ما عجبكن ناقشوني فيه:  الشرووط:
ناقش وبعدين قول شكرا مو مشكلة :icon_razz: راح احذفو بسرعة ودون اي تردد هي للكل موجهة grttr54
يعني ما في اجمل من انو نحكي مع بعض هيكي بالعامية وبلغتنا خلونا نهتم شوي بهالموضوع ونتبتعد عن التصنع في الردود . اخوكم وســـــــــام رشــــيـــــــد |
بتشكر فيك خي وسام الحرص على المنتدى وبتمنى من الجميع أنو يخففوا من الردود بهدف يزيدوا المشاركات مثلا بيكون الواحد كاتب موضوع بتميز بقوتو بلاقي ردود غريبة عجيبة متل حلوة ،والله برافو عليك ، ... الخ بيطر يرد شكرا
يعني في ناس قوية بابداع المواضيع لازم تندعم وحتى إذا في ردود ترجع تنطرح وبتمنى أنو أنو مواضيع قوية للأعضاء ما خذت حقها ترجعوا تطروحها ومشكور على الاهتمام |
والله خيي وسام تعبك و جهدك و حرصك على المنتدى و تميز المواضيع المطروحة كثير كبير و ما بيتقدر و كلامك صحيح بس خلينا نحط حل للمشاكل و نطبق الشروط لانها كثير سهلة بس ما حدا فينا عبيدور على الحل و كثير من الاعضاء بيعتمدو على نقل الموضوع من منتدى ثاني طبعاً هي مو غلط بس يكون في تنسيق للنص الشرط الاول :ممنوع كتابة مواضيع مشابهة لفكرة موضوع ثاني.(لانو راح ينحذف) اذا اي عضو بدو ينزل موضوع جديد بكفي انو يبحث بالمنتدى عن كلمة بتخص الموضوع (من بحث) وبعدين شوف الموضوع اذا موجود او لأ الشرط الرابع : يعني اي ردود بتحوي كلمة شكرا للموضوع وبدون نقاش راح ينحذف بسرعة ناقش وبعدين قول شكرا مو مشكلة راح احذفو بسرعة ودون اي تردد هي للكل موجهة هي منيحة منشان الكل يناقش و يصير في تفاعل وبنفس الوقت بيكبر الموضوع وبصير الواحد يقرأ حتى الرد على اي موضوع .........؟؟؟؟ ومش غلط انو ينزل الواحد موضوع بالرد او يخلي الموضوع متجدد وما ينزل موضوع واحد ( مثل موضوع تنزيل النغمات ) الشرط الأخير : يا شباب هذا البند الاخير والله اهم شي يعني ما في اجمل من انو نحكي مع بعض هيكي بالعامية وبلغتنا خلونا نهتم شوي بهالموضوع ونتبتعد عن التصنع في الردود مثل ما قلت خلينا نبتعد عن التصنع و نحاول نكتب بلغتنا وما نعتمد على نقل الموضوع مثل مهوي موجود بمنتدى ثاني على الاقل يكون فية تنسيق للنص والكلام يكون صحيح وما في تداخل ودمج بعرف اني كثرت حكي ا65thا65th وما بتبدا على الأخ وسام رشيد وبعض الأعضاء لا حدا يزعل مني كلنا هون اخوة و اصدقاء |
اخ وسام اني راي انو بيدخل العضو وبيكتب اكثر من موضوع وما بينرد على الموضوع طيب يكتب موضوع واكيد راح يلاقي ردود على الموضوع واني اسف بس ماحد عبيشتيكي من قلت الردود الا لعبيكتب اكثر من موضوع ومن شان النقاش بالموضوع في مواضيع مثل الشعر مابد نقاش ومنشان نحكي بلغتنا في كلمات صعبي شوي( وبتمنى تحط شرط ممنوع كتابة اكثر من موضوع باليوم )وشكرا الك لانو المنتدى بيكبر بلي مثلك
ونشالله ماكون كثرةحكي |
بتشكرك خيي وسام ويعطيك العافية على كل شي عم تقدموا لمنتدانا الغالي ويلي اكيد هو بقلب كل واحد فينا لانو نحنا عم نحكي بااسمو وهوي فخر النا موضوعك اجا بالوقت المظبوط بس بعد ازنك ياريت نزلت شرط الا وهو نحن كاعضاء لانستطيع تنزيل عدد من المواضيع في الاسبوع وانت بتقدر عددها لانو في اعضاء كل يوم بينزلو شي ٧ أو ٨ مواضيع خلي يكون كل موضوع ياخذ حقو ومتل ماقال اقتصادي في مواضيع لاعضاء ماأخذو حقهن بالرد ياريت نرجعها ونقوم كلنا بالردود عليها الشروط سهلة والقوانين حلوة بس بدنا نكون كلنا ايد وحدة مع بعض شكري الكبير على جهودك اخ وسام وتحياتي واحترامي للجميع |
أأخي وسام ... اهتمامك وحرصك بقلوبنا وعيونا أكيد ... هالمنتدى غالي ع الجميع وأكيد كلنا بنحب انوااا يكون من أجمل وأنجح المنتديات ... إن شاء الله الكل يلتزم بالقوانيين الجديده ... وتطبيئهاااا أبدااا مش صعب .. يسلم إديك .. ومنور من جديد :icon_razz: تحياااااتي واحترااامي لك ولكل اخوتي وأخواتي ببيتناااااا العزيز ... (منتدى قرية عرمان )teto_65 |
a_h_L39@hotmail.com
اولا بحب اشكر كل الاعضاء و القيمين على هذا المنتدى الي بدعيلو من كل قلبي بالنجاح اكثر و اكثر , بس انا بحب قول شي :انا مقيم بلبنان و اول مرة اشتركت بالمنتدى كتير حبيتو و حنيت لبلدي عرمان و اهلها بس بعد فترة مليت من المواضيع المتشابهة الي قال عنها الاخ وسام و من يومها ما رجعت فتت على المنتدى و حتى نسيت كلمة المرور مع الزمن :) و هلق عجبتني هالقوانين الجديدة. بتمنى من الاخ وسام او احد القيمين على المنتدى انو يتواصل معي على الاميل حتى اعرف كيف بدي ارجع فوت كعضو بالمنتدى و شكرا كتير للجميع و اكبر سلام لاغلى تراب عرمان و شكرا a_h_L39@hotmail.com
|
رد:رسالة خاصة هام للجميع
اولا :مشكور اخ وسام على الطرح الرائع
وعلى متابعتك الدائما للمنتدى ثانيا : انت معك كل الحق بالشروط الي وضعتها . بس ياريت الكل يطبقها لأنه وبكل صراحة عم نفقد كثير من المواضيع المهمة والأكثر من هيك عم نفقد أعضاء من المنتدى كلمة أخيرةتحلّق كلماتنا وعباراتنا بين أقلامنا و أفكارنا .. و معها نرسم معا ً لوحة تعكس جانب آخر من حياتنا الإجتماعية والثقافية .. بأقلامكم نرتقي .. و بأفكاركم ننشد الكمال |
مرحبا يا جماعة .....
موضوع مهم .... وبتمنى على طول يكون في مواضيع نناقش فيها أوضاع المنتدى ومشاكله..... أكثر مشكلة عمنعاني منها هلق هي العدد الهائل من المواضيع وبالمقابل ما في ردود.... أو الردود عبتكون مش بمستوى الموضوع ..... وبتقلل من قيمته...... طبعا الحل سهل و وسام بهالموضوع اللي نزله عطى وبشكل تقريبي حل متكامل للمشكلة..... بيظل عنا موضوع الالتزام اللي منتمناه من الكل .... ولازم كمان يكون في تدقيق من قبل كل عضو على نوعية المواضيع اللي بيشارك فيها..... يعني مش مهم نزل موضوع وامشي .... المهم شو قيمة الموضوع اللي نزلته..... يعني أي شخص فينا بدو ينزل موضوع إذا كان نقل أو شغله هو ..... يعتبر هالموضوع انطرح من قبل شخص ثاني ...... ويقيمه على هالأساس وما في داعي نزل موضوع إذا ما كنت بالبداية أنا مقتنع بانو هالموضوع خرج ينزل وينرد عليه بشكل جيد...... ولازم كمان ننتبه لشغلة ..... انو العضو اللي بينزل موضوع لازم على طول يتابع هالموضوع ويشوف شو الردود اللي صارت عليه ويرد على الأشخاص اللي شاركوه بموضوعه...... يعني مش معقول لوم الناس ليش ما بتردلي على مواضيعي وأنا أصلا ما عم رد عليها..... وبالنسبة لآخر بند بكلامك يا وسام ..... طبعا مهم كثير انو نحكي (بلهجتنا) الجبلية ..... بس كمان الفصحى مش غلط ..... وفي مواضيع لازم يكون الرد عليها بالفصحى ..... طبعا فصحى بدون أخطاء أو بأخطاء بس بنسبة معينة..... مش هات ايدك والحقني....... هلق صار فيني قلك شكرا يا وسام ...... أنا عطيت وجهة نظري وبتمنى تكون فكرتي وصلت متل ما بدي...... والنقاش مهم .... مش هيك اتفقنا ..... تحياتي للجميع.... |
مؤازرة
أنا بشد على أيدك وبضيف أنو هالمنتدى ما بيكبر غير بمواضيعه المميزة بمعالجة المشاكل أو الثقافة أو بالاحرى أنه يكون هو صلة وصل بين أفكار الشباب والمجتمع وكل واح مننا بهالمنتدى بيعكس مدى غيرته على وطنو وابناء وطنو
واسمحلي وجه دعوة للكل لمناقشة موضوعي(أفكار شباب) بالمنتدى العلم لابداء الاراء البناءة والله يقويكن جميعj7j7 |
| الساعة الآن: 10:29 PM |
جميع الحقوق محفوظة موقع بلدة عرمان