عرمان عالبال

[سمير غالب فليحان]

يارايح على عرمان
سلم ع ز ينة الاوطان
سلم وزيد السلام
ع جبلها والوديان
==========
بأولها ياخيي
وقف خاشع بإجلال
مشهد رمز الحميه
حييلي البطل كمال *
مثلو في ألف وميه
حموها من الإحتلال
من دور العثمانيه
قريه بتشهدلا الأجيال
بإذن الله محميه
بزنود رجالا الشجعان
==========
شواهد عالحضاره
مباني تحفة نظار
روعة فن العمارة
معلمين كبارا وصغار
شوارعها مناره
ترحب بكل الزوار
بأزهارا وأشجارا
محلى عجنابا المشوار
هدوا بيت الاماره
وعلوا للحريه شان
==========
بكروما أطيب عنبات
مثلن بالدنيا مافي
ما أحلى هالديارات
يلي عنقودا وصفي
والأحلى هالتفاحات
طعم ومنظرها تحفي
جبلنا نبع الحياة
خيِِِِِِر من أول قطفي
منو شربنا هالميات
ومنو سقينا الجيران
==========
يا سائل عن الخراب *
يوم العزه والفداء
رجالا وقفوا كالأطناب
يتحدوا جيش الأعداء
جيش بتعدادوا منهاب
جاي وناوي عالفناء
خلوا عليهن الغراب
ينعي ويوصل أنباء
حلمن ببلدنا خاب
انذلت تركيا بعرمان

------------------------------
*كمال:الشهيد كمال نصر.
*الخراب:منطقة على تخوم القرية
سميت المعركة بإسمها