رسالة خاصة هام للجميع

[WiSaM R]

اقتصادي ما تخاف من هوني وطالع من تاريخ اليوم راح بنحذف اي رد مو مناسب للموضوع والي بدو عدد مشاركات يبعثلي وانا والله راح زدلو 1000 مشاركة لو بدو المهم ما حدا يرد بكلمة شكرا فقط للموضوع (راح ينحذف بسرعة)

هلا فراس بو مغضب
عجبني كل شي قلتو بس هي لا ابدا

بعرف اني كثرت حكي وما بتبدا على الأخ وسام رشيد وبعض الأعضاء لا حدا يزعل مني كلنا هون اخوة و اصدقاء

ومين بدو يزعل ولو قلي من ردك او نقاشك وما في داعي تقول كثرة حكي لانو انت ما عمتحكي يعني دردشة او شي بالعكس بلعكس كل ما كان ردك كبير كل ما كان احسن
ويخي الي بدو يزعل من الصراحة ومن النقاش مع بعض يزعل والله مع دواليبو

اريج

ومن شان النقاش بالموضوع في مواضيع مثل الشعر مابد نقاش ومنشان نحكي بلغتنا في كلمات صعبي شوي

لا يا عمي بيتناقش بمواضيع الشعر اكثر شي
لك في واحد منكن رد بأي رد انو لمين هالكلمات؟او من امتى القصيدة او الشعر هذا شعر نبطي اوجاهلي او.....ما حدا عميسال ابدا بس بتردو عليه بكلام شعر ثاني من موقع ثاني بـgoogle
نسخ+لصق
ومنشان كلامانا بلهجتنا ليش في كلمات صعبة؟
بدي اسالك سؤال لما تروح علبلد فيكي تنادي لجارك مثلا او اي حدا
اخ فلان؟
راح تناديلو خي فلان عطين كيلو سكر مثلا
----------------------

Ghada Saymoua

بتشكرك خيي وسام

وبالمواضيع الثاني عمتقوليلي اخ وسام يا ريت خي بلغتنا بتكون احسن من اخ

بس بعد ازنك ياريت نزلت شرط الا وهو
نحن كاعضاء لانستطيع تنزيل عدد من المواضيع في الاسبوع

ولا يهمك غادة ما عاد حدا بينزل اكثر من موضوع لانو راح اظطر احذفو وعلى فكرة اي موضوع ما بيحتوي على فكرة او نقاش كمان راح احذفو
------------
انا الغالية
اهليي فيكي معنا وبكل اهل الاردن
وجهودك وتنسقك لقسمك انا ملاحظو وما عمتقصري والله كلك ذووق
-----------

اولا بحب اشكر كل الاعضاء و القيمين على هذا المنتدى الي بدعيلو من كل قلبي بالنجاح اكثر و اكثر , بس انا بحب قول شي :انا مقيم بلبنان و اول مرة اشتركت بالمنتدى كتير حبيتو و حنيت لبلدي عرمان و اهلها بس بعد فترة مليت من المواضيع المتشابهة الي قال عنها الاخ وسام و من يومها ما رجعت فتت على المنتدى و حتى نسيت كلمة المرور مع الزمن و هلق عجبتني هالقوانين الجديدة. بتمنى من الاخ وسام او احد القيمين على المنتدى انو يتواصل معي على الاميل حتى اعرف كيف بدي ارجع فوت كعضو بالمنتدى و شكرا كتير للجميع و اكبر سلام لاغلى تراب عرمان و

يالله حيك وميت هلا فيك معنا وبكل اهل لبنان
وانا هلق راح ضيف اميلك ونزبطلك الاسم ولا يهمك

----------------

هادي سلمان رشيد

اولا :مشكور اخ وسام على الطرح الرائع
وعلى متابعتك الدائما للمنتدى

شو قلنا ولو خي
ما شفت البند 3
ممنوع ينقال طرح او من هالعبارات!!!
انا ما عماطرح شي انا عماكتب موضوع لناقشو كلنا سوا
وما فهمت شي من ردك !!والله.. بس ما بقدر احذف هالرد
--------

حازم صيموعة

وبالنسبة لآخر بند بكلامك يا وسام ..... طبعا مهم كثير انو نحكي (بلهجتنا) الجبلية ..... بس كمان الفصحى مش غلط

اي انا معك الفصحى حلوة بس ما بعتقد بمنتدانا
ولك والله الاستاذ اللغة العربية ما بيناقش باللغة الفصحى
بشرفك في اجمل من ردك هذا بلغتنا
طيب اتخايلو انو بالفصحى صدقني يا ابو الزوز اني ما كنت بقراه غير هيكي مرور الكرام مثل ما بيقولو

أنا عطيت وجهة نظري وبتمنى تكون فكرتي وصلت متل ما بدي...... والنقاش مهم .... مش هيك اتفقنا .....

اكيد اتفقنا ومن زمان كمان
وصدقني ردك هذا على العين والراس وعلى فكرة لو انك رديت برد صغير يعني مو مثل هذا ما كنت استفدت انا شي
يعني لازم يكون الرد كبير بنقاشو وكل الي بقلبك قولو
والله هيك اجمل
وما راح اشكرك لانك رديت
لانو هذا واجبك بمنتداك
---------------------

فادي angel

واسمحلي وجه دعوة للكل لمناقشة موضوعي(أفكار شباب) بالمنتدى العلم لابداء الاراء البناءة

اكيد خي فادي راح تشوف من هون وطالع مناقشات وبس
والرد الي ما فيه نقاش راح احذفو
وما حدا راح يزعل اكيد
وشكرا للكل لتفهكم
orman wbs

وســــــــــام رشـــــيـــــــــد