شوية نكت .............

[فادي 001]

اثنين مجانين دخل عليهم الدكتور لقى واحد فيهم متعلق بالسقف ويصرخ: أنا لمبه أنا لمبه
قال الدكتور للمجنون الثاني: ما تنزل صاحبك
رد عليه: لا والله و نقعد بالعتم

+++++

باب الحارة الجزء 14



معتز صار يمشي بالشقلوب من كتر ما هو زكرت وبيشتري كيا سيفبا اتوماتيك بالتقسيط مشان يشفط ويخمّس بالحارة


أبو غالب صار يبيع بطاقات شحن للموبايلات زين و أمنية وأورانج وجوّال وسيلكوم كمان وبصرخ:


الصبح اشتروكي وعالسهرة خلصوكي.


عصام بكمل دكتوراه طب وبشتغل بمستشفى الضبع وبعد الدوام بيفتح كوافير نسواني


أبو النار بروح يعمل شوية عمليات تجميل عشان يشيل تشطيبات أبوشهاب عن وجهه وبيفتح ورشة حدادة و تجليس سيارات


أبو حاتم بفتح بدال القهوة إنترنت كافيه و بفتح جنبها صالة بلياردو.


وكل نسوان الحارة بيكبوا الببور الأخرس وبيجيبوا فرن أبو خمس عيون


والثوار بجيبلهم ابو شهاب اسلحة نووية من ايران وكوريا لشمالية.


أبو بشير بقلب المخبز تبعه آلي وبفتح جنبه مطعم معجنات شامية وشاورما.


فريال بتتعرف على واحد من حارة الماوي عالأنترنت(عالتشات) وبيحبوا بعض والعرس بالجزء القادم


أبو شهاب بينمسك وهو يهرب شاشات سامسونج وكروزات دخان ع طريق العقبه وبينحط بسجن قفقفه 15 سنة وبيعمل تاتو على كتفوا وبيكتب الشام شامك ولو الزمن ضامك


أبو حسن بيشتري 50 موتور سنفور وخمسين موس كبّاس لشباب الحارة لتحرير أبو شهاب


أبوقاسم بوّسع الحمّام وبعمله حمّام مغربي وبفتح فرع للعائلات المستورة لوول

النمس بموت متسمم لانه بصحى بالليل عطشان وبشرب من علبة رش الناموس بفكرها مي من كثر ماهو مسطل


أبو الحكم بستشهد عند معبر الكرامة وهو راجع من فلسطين ومهرب معه قطع سيارات مسروقة عشان محل أبو النار

إم زكي بتفتح عيادة توليد وبتشغل معها بنت ابوحاتم مرت الدكتور

**************

حمصي كان ياخد دواه قبل نص ساعة من الفطور
لما اجا رمضان صار ياخدو قبل نص ساعة من المغرب


تعريف الزوجة
هى غلطه، ورطه
وطول العمر ربطه
يا تصيب يا تخيب
يا تجيب جلطه

مطمطرق بتختك ونايم ومطفي الضو ومتغطي .. و على وشك تغفا

بيجي واحد من أهلك بيفتح الباب ويقول :شو نايم ؟؟
لأ !! عم ارقص.. بس الوضع بيوحي إني نايم*


معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه أجيتوا ؟؟؟
لا والله لساتنا عالطريق، في عجقة بشارع الغوطه الشعراني

لابس أحلى تياب ومتعطّر وشايل مفاتيح السيارة وجزدانك ورايح على شي مطعم ،
بيجي حدا من أهلك بيسألك، شو رايحلك شي مشوار !!؟؟

لا والله طالع عالأسطوح أتشمس**


حامل سماعة التلفون وعم تبلش تدق بالأرقام،شوي شوي حتى ما حدا يحس من أهلك بيجيك عنصر مفاجئة من أهلك وعلى
وجه علائم الإستغراب والدهشة: بدك تحكي بالتلفون؟
لأ شو إحكي !!! بس كنت عم جرب صوت طنة الأرقام*


حاطت راسك ونازل أكل بهالكتب والدراسة، بيجي أبوك أو امك...: عم تدرس؟؟*
لا والله ...!! عم غير زيت للسيارة*


مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي
بتجاوب: شو بتساوي اول يوم العيد ؟ أكيد بتروح بتزور الأهل والقرايب *
لا والله بالعادة بفكر إلعب طميمة وماروح لعندهم*
******
نفس المذيعة بشوف ولد بالشارع وبتساله؟ حبيبي بتحب بابا وماما؟*
لا مابحبهم , بحب بنت الجيران*
*****
واحد فايت ع جماعة وشايف الوضع بالشارع معتم والمكتوب مبين من عنوانه:* شو
مقطوعة الكهرباء؟
لأ حبيبي بس هيئتك بدك تعمى*


أشّر بأصبعته الكريمة لتكسي، وفعلاً وقفلو العينتين، *بيسأله: فاضي؟*
لأ ... عندي 10 طلبيات، بس وقفت حيونة

**********

بدك تنزل من السيرفيس: عاليمين اذا بتريد.... بتتلقى الرد: نازل ؟؟*
لا والله بس عم جرب صوتي
*************


حمصي بالجيش اسمه ثابت
كل ما يصرخ الضابط ثابت يقول : نعم سيدي !!!
الضابط يقول للحمصي: يابابا ما انتي ,أنا قصدي اثبتوا .
علم الضابط ان الوزير بيزورهم وقال : أكيد ثابت بيفضحني قدام الوزير ، فأحسن لي أطلعه اجازه .
يوم وصل الوزير صرخ الضابط : ثابت
صرخوا الحماصنة كلهم : مانو هون طلع اجازه .


تم مؤخراً دمج وزارة الكهرباء مع المديرية العامة للأطفاء تحت اسم جديد ( المؤسسة العامة لأطفاء الكهرباء )




زوروا مهرجان حمص السياحي الدولي بعنوان ( حمص أذكى ) اعتباراً من بدايه الدراسه .


مرة واحد حمصي من كتر ما خسر بالبورصه مرض و راح لعند الدكتور
الدكتور و هو عم يفحصو قلو ياالهي ضغطك صار 70
فقلو المريض : اي لكن بيع بيع بيع


حمصي عم يحكي لاحفاده
والله ياجدو بسنة من السنين من زمان هجموا علينا قطاع طرق وسرقو كل اموالنا واملاكنا وقالولنا اللي بدو يضل عايش لازم نغتصبه
قالولو اي جدو وشو صار بعدين
قلن يا جدو ليكنا عايشين والحمد لله

تنين محششين قلو الاول للتاني
لعمى لك قال طلع التدخين محرم لكان شو بدو يطلع التحشيش لكان
قلو التاني احتمال يكون ذي القعدة

[أنا الغالية]

_2_2_2_2_2
jjjjjj

كتير كتير كتير حلووووين .. بجنننوااااا والله
فطسوني ضحك .. حششت عليهم خاصه تبعين باب الحااااااااااره
_2_2_2_2
_2_2_2
_2_2
يعطيك ألف عافيه .. والله يسلم هالديات يا رب