اخر انتاج الحماصنة 2009

[اسير]

اربع حماصنة حرابيق طالعين بتكسي. الشوفير كمان حمصي, بدّن ياكلوا الاجرة عالشوفير قام اتفقوا انو ينزلوا بسرعة بس توقف السيارة وفعلا وقفت السيارة قام فتحوا الابواب بسرعة واشتغل الركض رجليهم تدق بضهرهم من السرعة وفاتوا ببناية عالعظم وطلعوا اول طابق....تاني طابق....تالت.....هيك حتى وصلو لاخر طابق لزقوا بالحيطان ولا حِس ولا نفس,

بعدين واحد منهم لكش اللي جنبو وقال له: يا ترى شو صار بالشوفير؟؟؟

قال له: لك انا الشوفير بس قلي شو القصة؟!

حمصي احترق محلّه ...سألوه : انشالله ما خسرت كثير ؟؟قال : لأ .. كنت عامل تنزيلات

حمصي فـتـح حـسـاب فـي الـبـنـك .... اعـطـوه بـطـاقـة صـراف الـكـتـرونـي .... راح غــلـّـفـهـا

حمصي يقول لأبوه: يابا، بدّي اكمّل دراستي برّا ...

قال له أبوه: ما عندي مشكلة يابا، هلأ بخلـّي امك تفرشلك بالجنينة، بس انتبه من البرد

وحدة حمصية ضاعت شنطتها راحت تبلغ الشرطه قالولها ولا يهمك روحي البيت و إحنا بنطلع الشنطة من تحت الارض.

وهي رايحه شافت بالشارع عمال البلدية يحفرو، قالت لهم: شدّوا حيلكم يا شباب، الشنطة لونها بني

واحد حمصي حشاش ركب تكسي و قال للشوفير خدني عالقمر، قام الشوفير ما كذب خبر وكبس فيه على شط البحر وكبوا للحمصي عالشط، لما صحصح اخونا الحمصي ما شاف حدا حواليه الا وحدة متسطحة على بطنها قرب عليها ولكشها، قالتلو دخيلك انا محروقة من الشمس

قال لها: اهلا، انا احمد من حمص

آخر حـِكـَم الحماصنة

'إذا لم تكن ذئبا ً ....... فأنت حيوان آخر'

حمصي مسطول حامل كرتونة بيض شاف قشرة موز بالشارع قال يا حبيبي راحو البيضات

[ابو نجم]

مشكور يا غالي على المعلومات
بس هي وحدة كمان


( ليش الحمصي الصغير أذكى !!!!!!
من الحمصي الكبير؟؟؟؟؟؟ )


لأنو لسا ما اكتمل عقلو


تقبل مروري

[اسير]

ههههههههه هلا حلوة ابو نجم بس بعرف انو الحماصنة بكبرو بلعكس سلامي الك

[رواد قماش]

ذكرتني بشريكي (( معلوماتك حلوين متلك اسيروو )) تقبل مروري حب

[حاتم العطواني]

هههههههههههههههههههه حلوين اسير حلوين شكرا الك يا غالي



الي جواب ثاني على حزيرة خيي الغالي ابو نجم

( ليش الحمصي الصغير أذكى !!!!!!
من الحمصي الكبير؟؟؟؟؟؟ )


لانو ما صرلو زمان حمصي


هههههههههههههههههه



تقبلو مروري