مزودات الأنترنت في سوريا

[EHAB ALHALABI]

كلنا منعرف انو الانترنت عنا يمكن اسوأ من اي مكان تاني في العالم من كل النواحي مثلا :

البطئ القاتل

كثرة انقطاع الاتصال

صعوبة الدخول خاصة بين الساعة 9 مساء حتى 1 بعد منتصف الليل
استحالة عمل -upload- للملفات الكبيرة

المحادثة الصوتية عبر المسنجر تعبانة والمرئية غير موجودة بتعطيك لقطة من الصورة كل ساعة

و انا جربت كل المزودات يلي عنا و مافي فائدة كلن نفس الشي و عندن نفس الميزات و نفس الأسعار تقريبا
بس في بعض المزودات عندن خدمات مميزة شوي
و هي مقارنة بين أهم المزودات في سوريا

الأولى
-دعم فني ممتاز(صراحة الشركة محترمة)
-سهولة الدخول في جميع الأوقات حتى بين الساعة 9 مساء و 1 بعد منتصف الليل
-السرعة جيدة بس مو أسرع الموجود
-سهولة في الاشتراك لأول مرة(بالنسبة للحسابات مسبقة الدفع)
-صعوبة في الاشتراك بالخدمات الاضافية(كل ما بدك شغلة بدك تروح عالمقر تبعن يلي ما بعرف وينو بالسويدا ..
-صعوبة في الدفع و التعامل مع البطاقات لانو كل نوع اشتراك الو بطاقة
-السعر مرتفع بالمقارنة مع باقي المزودات
-المحادثة الصوتية عبر المسنجر تعمل بشكل جيد
-خدمة رفع الملفات عبر ftp جيدة

190
-دعم فني جيد(من غير المتوقع)
-سهولة الدخول في جميع الأوقات حتى بين الساعة 9 مساء و 1 بعد منتصف الليل( لانو قليل الي بيدخلو عليها )j
-السرعة تعبانة كتير وزفت
-الاشتراك لأول مرة كتير صعب(لانو بدك تروح على الكفي نت الي جنب مديرية الاتصالات بالسويدا وتضل ساعة ليشرف الموظف الي هنيك لانو دائرة حكومية بيكون الموظف عم يشتغل على تكسي الصبح)hmnt طبعا إلا إذا جبت يوزرنيم و باسورد من شي واحد و هاد يلي عميصير دائماويلي بدو يقلي انا بعطيه ..
-ما عندن خدمات إضافية بالأصل 67i
-سهولة بالدفع (لانو بتفع مع فاتورة الهاتف)
-السعر مرتفع كتير بالنسبة لباقي المزودات(24 ل. س عالساعة )
-المحادثة الصوتية عبر المسنجر تعبانة (اذا فتح الماسينجر )
-خدمة رفع الملفات عبر ftp مو شغالة

سوا
-دعم فني ممتاز
-صعوبة كبيرة في الدخول إلى الانترنت بين الساعة 9 مساء و 1 بعد منتصف الليل
-السرعة جيدة و تقريبا اسرع الموجود
-سهولة في الاشتراك (اي بطاقة ممكن تفتح فيها اشتراك)
-سهولة في الاشتراك بالخدمات الاضافية
-سهولى في الدفع و التعامل مع البطاقات لانو كل بطاقة ممكن تستعملها لاي خدمة
-السعر جيد جدا (أرخص الموجود)
-المحادثة الصوتية عبر المسنجر تعمل بشكل جيد
-خدمة رفع الملفات عبر ftp جيدة
-يتميز هالمزود بالكرم j (كل ما صار عندن مشكلة بالسيرفر أو صارت مناسبة معينة بيعطو لكل مشترك شي 10 ساعات مجانا او بساوو الانترنت مفتوحة كم يوم مجانا لكل المشتركين )
-خدمة حجب المواقع السيئة متميزة(و هو يلي اخترع هالفكرة عنا بسوريا قام طبقوها باقي المزودات)


آية
-دعم فني تعبان كتير(كانو حاطين ناس ما بيعرفو شو هاد الكمبيوتر)
-صعوبة كبيرة في الدخول إلى الانترنت بين الساعة 9 مساء و 1 بعد منتصف الليل
-السرعة جيدة
-سهولة في الاشتراك
-سهولة في الاشتراك بالخدمات الاضافية
-سهولى في الدفع و التعامل مع البطاقات (خاصة خدمة التوطين المصرفي و الصراف الآلي)
-السعر جيد
-المحادثة الصوتية عبر المسنجر تعمل بشكل جيد
-خدمة رفع الملفات عبر ftp جيدة
-خدمة تحويل الساعات من حساب لحساب تاني حلوة كتير
-انا بحترم هالمزود لانو هو يلي فتح باب الاشتراك بالانترنت عن طريق البطاقات و ساوا بطاقات دخول بدون اشتراك بعد ما كانو الأولى و ال 190 محتتكرين الانرنت

عالمي
دعم فني جيد
و الباقي كلو تعبان
صراحة ما بنصح حدا يجربو

الكم
-أول شي اسمه ما عجبني -ما حبيته- hy56
-الدعم الفني مو بالمستوى المطلوب
-صعوبه في الدخول بين الساعة 9 مساء و 1 بعد منتصف الليل
-السرعة جيدة
-سهولة في الاشتراك لأول مرة
-سهولة في الاشتراك بالخدمات الاضافية
-سهولة في الدفع
-السعر جيد
-المحادثة الصوتية عبر المسنجر تعمل بشكل جيد
-خدمة رفع الملفات عبر ftp لا تعمل (انا جربته اول ما فتح و كان ال ftp ما بيشتغل ووقت سألت الدعم الفني عن هالشغلة فاتو بالحيط ما عرفو شو يعني بس ما بعرف إذا هلق بتشتغل ولا لأ)

اكسترا أو ميغا نت .. 198999

- دعم فني ماشي حالو

-مستحيل الدخول بين الساعة 9 والساعة 1 .. ( يعني اذا فصل معك النت وانت سهران احسن شي روح نام)

- وباقي الخدمات شغالة

تيرا نت أو سبيد نت 198777

- دعم فني فايت بالحيط .. مرة حكيت معن قلتلو عندي هيك مشكلة .. قلي وأنا كمان عندي نفس المشكلة .. قلتلو صرنا عشرة _2

- وكمان مستحيل تدخل بين الساعة التاسعة والساعة الواحدة ..

- باقي الخدمات شغالة متلها متل غيرها


يعني بالنهاية كلو متل بعضو بس غيير اسمو وهاتو

ولاحول ولا قوة وانا لله وانا إليه راجعون

[الاميرة هادية]

والله تسلم على موضوعك الاكثر من روعةj
بس هيك الحال ياايهابوووووووووووووو انت حطيت الملح على الجرح
والأنترنت صار مرض العصرمالنا غنى عنه
في شي حل اسرع من نت البطاقات بصراحة مافي غير نروح على الكافي نت نسهر لصبح هونيك اسرع شي تقبل مروري

[EHAB ALHALABI]

هدهد هذول لازم يكون شعارن ... لسنا الأفضل لكننا الوحيدين _2

منورة الموضوع هدهودة