سجل دخولك للقسم بنكته ..

[Ghada Saymoua]

في طالب بالجامعة كان عندو مادة من المواد اللي بيدرسها مختصة بعالم الطيور

..ولما قرب امتحان المادة آخر السنة .. الطالب راجع وراجع لحد ما شقف حالو من
الدرس.



المهم.. دخل الامتحان وهو واثق مليون بالميه إنو جاهز ورح ينجح وبتفوق كمان..



المفاجأة انو الأستاذ سأل سؤالاً واحداً بس..



السؤال كان عبارة عن صور لأرجل بعض الطيور..



والمطلوب معرفة أسماء الطيور من شكل أرجلها بس!!



صاحبنا عصّب وضرب راسو وما عرف يحل السؤال.. قام من الكرسي وراح لعند الأستاذ
وسلم ورقته فاضية وقله: تضرب إنـت ومادتك >



رد عليه الإستاذ ببرود وقلّه: اعتبر نفسك رسبان بالمادة ياحبيب..



بعد شوي.. لاحظ الأستاذ أنه الطالب ما كتب اسمه على ورقة الإجابة..



قله بنرفزة : وين اسمك على الورقة يا ولد ؟



قام الطالب رفع بنطلونه لفوق لعند رُكبه وقلّه:



بحياة أمك بتقدر تعرف اسمي من شكل رجليي!!