مقال بلهجة العامية للتعبير الاكبر

[اسير]

مساء الخير للجميع اولا بتمنى انو كون ضيف خفيف الظل عليكم انا قررت اكتب بلعامية لكسر حاجز المنتدى واسف لهشي بس السبب الرئيسي هوي طبيعة الموضوع . انا بدي اتكلم عن موضوع شاغل اهالي السويداء جميعا والي بيكون متابع من الخارج بيشوف هشي موضوع مو مخبى على حدى وممكن يكون مني انا اول شخص موجود فيي ونحنا طالعين ( المظاهر العمياء ) للاسف الموجود بكمية كبيرة طبعا حلو التطور وحلو الواحد منا يكون بلمقدمة من ناحية الاريحية المادية بس وقت تكون عمياء هي الكارثة, بحكم الاقامة بدمشق زيارتي للسويداء قليلة جدا كل سنتين مرة او مرتين بتنصدم بمظاهر قل وجودها بلحمرا او باب توما معاكم من الاعراس الى .............. الخ وفهمنا كفاية . للاسف مشكلة عم يدفع ضريبتها الشباب عنا قبل ما يفكر الشب انو يجيب بنطال او كنزة بيفكر بشنتاية السفر والغربة , الطلبات كثيرة والامور نحو التعقيد مابدي فصل كثير بلموضوع هادا لان مافي بيت والحمدالله الا وبستقبل اتصال من الخارج واحصائية قريتها حلوة كتير انو مقسم الهاتف لمدينة السويداء من افضل المقاسم لجودة الصوت الي عم توصل لحد فنزويلا وكوستريكا الى الخليج طبعا شي بيرفع الراس , امور ا بأمور ما بتنتهي ما بنا ندخل بموضوع العمل بلبد وعدم توفرو بس راعو ظروف بعضنا لنعيش متل العالم والناس بس بنهي قولي بكلمة وامنية انو لو نبدى نصحح مجتمعنا الي بدى ينهار بيعز علي وبيعز على كل شب من السويداء هشي انا دفعت الضريبة واتغربت وبعد الدور جاي على كل الشباب