قصة حب مؤلمة بحاجة لحل (ساااااااااااعدوني بحلها)

[ابن شقا]

بدي حدا يساعدني بمشكلتي لان ما عم لاقي حل للموضوع
والموضوع بالبداية اني كنت بالصف العاشر وطبعا شب باول طلعتو حبيت بنت (م)كثير ولدرجة وبعد محاولات كثير لوافقت يمكن المرة الثامنة بحكي معها وافقت وهيك ومشي الحال وحبتني كثير وكانت اول مرة بترتبط مع شب وبقينا سوى لمدة سنة وبالفترة هذي عرف ابن خالتها وهو صديقي ولما حكينا بهذا لموضوع قلي انو هوي بحبها وبدو يخطبها تفاهمنا على الموضوع انا وهو وقال انو غض النظر وبأول سنة الحادي عشر لما التقينا بعد الصيف وبعد 3شهور من الاشتياق ولما شفتها ل(م) كانت غير متل انها ما بدها تشوفني ولما حكيتها قال انو اهلها عرفو بعلاقتنا ولما سألت عن الموضوع طلع ابن خالتها الي حكى لأهلها وبعد ما بلشت المدرسة بعشرين يوم اهلها نقلوها على مدرسة ثاني برا البلد ومضت فترة ما كانت تتصل او تعلم حتى على الموبايل وبالفترة هذي ما حسيتها قريبي مني متل قبل فجأة ما عرفت شو صرلي حبيت بنت ثاني (س) كانت اكبر غلطة بحياتي بس مش متل حبي الها ل(م) وبعد فترة سنتين اكتشفت اني بعدني بحبها ل (م) ومتعلق فيها لدرجة الموت حكت معي مرتين (م) بفترة انفصالنا انا و اياها بعد ما عرفت انو انا بدي ارجعلها قالتلي انو ما بتصدق شو عم بصير معي اوقات بفيق من النوم الساعة 3 الصبح واسمك على راس لساني بفيق ما بدي اي شيء بس اسمك على راس لساني يا (ر) قلتلها انا انو انا بحبك وبموت فيكي وبدي اياكي ترجعيلي قالتلي (م) انو بحسك شايف حالك .
انا نهيت علاقتي ب(س) بعد ما اكتشفت انو (س) عم تخرب صورتي قدام اهلي والناس واكتشفت انو (م) اغلى ما عندي بالدنيا ونادرا ما يمر يوم الا ما فكر فيها او احلم فيها و (م) قالت ما بقدر ارجعلك هيك احسن بس اتأكد انا بحبك كثيررررر وخلينا اصدقاء احسن الي والك وصدقني وحياة الايام الي قضيناها سوا انو ما ارتبطت ولا عبفكر ارتبط بس هيك احسن .
انا حاولت كثير احكيها بس ما عم ترد وبتظل تقلي خلينا بعاد عن بعض واني مو قادر ابعد عنها انا من بلد وهي من بلد قريبة من بلدنا .
بالنهاية بدي قلكن بدي اياها ترجعلي وتكون الي ومو لغيري وشو ممكن تنصحوني او تعطوني حل لمشكلتي وبكون ممنون الكن طول عمري اذا ساعدتوني وبشكركن كثير ....................................

[خالد الخماسي]

إذا (م) بدا اياك وبتحبك و إنت بدك اياها اتقدملها و اطلوب ايدا من أهلها
ولا تيأس إذا واجهتك أي صعوبات
الحب الحقيقي هو الحب الذي يتغلب على كل الصعوبات التي تواجهه
ولا تفقد الأمل والله يوفق

[haidarjamileddin]

اخي الكريم

انا بحب اشكرك على صدقك واخلاصك
وهذه مش قصة حب مؤلمة بالعكس هذا حلاوة الحب وان كنت

متاكد بحبك ل (م) فانا بشجعك وبقلك روح اتقدمله بشكل رسمي

وان كنت خايف من الصعوبات الي رح تواجهك فلا تياس وبدك تواجه الصعوبات والمشاكل الي رح تواجهك وبالاخير رح ينتصر الحب اكيد والله يوفقك

ويقدم الي فيه الخير

بس بدك ما تياس

ku1ykuk

[WiSaM R]

اهلين فيك ابن شقا وبحييك على صراحتك للكل عن موضوع بخصك

بالنسبة الي وبحسب احتكاكي بالحب والصداقات والبنات..

اول شي خليني خبرك انو هالبنت ما بتحبك ابدااااااا

انت قلت انو بفترة الصف العاشر وخلينا نقول انو من جيلك البنت(م) فهي يعني ما بتعرف اصلن شو يعني كلمة (حب)

وانت قلت انو هي (م) اول مرة بترتبط مع شاب وبتحكي معه

وهذا بدل على انو البنت كانت عمتمر بفترة فراغ عاطفي وضغوطات نفسية فشافت انو الحل يكون مع الارتباط معك وبالفترة هي البنت محتاجة لحدا يفهما وهي بعيدة بتكون بعقلها كل البعد عن الارتباط او الحب او او او... لانو البنات بالاخص بحبو المدرسة والدراسة وبيحسبو ميت حساب للارتباط بمثل هالعمر

خلاصت الموضوع

صارت تقلك

ما بقدر ارجعلك هيك احسن بس اتأكد انا بحبك كثيررررر وخلينا اصدقاء احسن الي والك وصدقني وحياة الايام الي قضيناها سوا انو ما ارتبطت ولا عبفكر ارتبط بس هيك احسن .

وهذا بدل على انو البنت تخلصت من فراغها لعاطفي وما عاد بحاجي للارتباط بحدا وصارت تقلك هيكي للحفاظ على صورة وجهها هي لـ(م)
وما كان همها ابدا عواطفك وحبك الها وصدقك الكبير اتجاها


نصيحة مني

اتركها وما عاد تفكر فيها ابدا والبعد جفا واكيد راح تنساها
وعفكرة الحب بهالوقت لو ظليتو مع بعض وصار نصيب وخطبتها والله عمبحلف انا
لانو واثق من هالشي انو ما راح تكملو مدة شهر او شهرين وبعدين الانفصال

طبعا كلامي هذا مو قاصد لـ(م) الاساءة او شي
بس عمبشرحلك الوضع كيف كان

انشالله كون وصلت الفكرة بشكلها الصحيح الك..teto_65

[عاشقة الزهور]

بشكرك أخي على صدقك وصراحتك
أنا برأيي ما في شي مطلق بالحياة يعني ما فينا نعطي أحكام مطلقة لهيك قصص لانو هيك أمور ما الها قوانين لانها بتختلف حسب الضروف
مثلا في بنات عن جد ما عندها تجارب ولما تجرب وتنصدم او تفشل بتندم وبتقرر ما تجرب مرة تاني حتى لو حبت هاد الشخص
وهون بيجي دورك انك تبرهنلها هاد الحب بفعل مو بالحكي
وفي بنات بيتأثرو بكلام أهلهن وبيتصرفو مسيرين مو برغبتهن
وفي وفي............ وأنا برأيي اذا بتحبها عن جد بتضل متمسك فيها لانو طبيعة مجتمعنا الشرقي بيفرض هاد الشي
وهي اذا بتحبك ما رح تكون لغيرك وانت لازم تتقدملها وتعمل كل شي فيك تعملو لتبرهنلها حبك
بتمنالك التوفيق وربنا يحقق حلمك ويكون معك

[عاشق نزار قباني]

أني قبل ما رد على الموضوع قريت القصة أكثر من مرة
وقريت ردود الأعضاء

وأكيد كل واحد رأيو لأنو في تناقض بالآراء
واللي رح أحكي رح أكيد كمان يكون رأيي

أنا اتعرضت لنفس المشكلة وطرحتها بالمنتدى
كنت مع بنت ولدرجة الهيمان
وكل يوم أحكي معها ست أو سبع ساعات بدون مبالغة

غير حكينا على النت وغير الطلعات اللي كانت بشكل متكررة يعني تقريبا ثلاث مرات بالأسبوع

وفجأة وبدون مقدمات قررت هي أنها تنهي العلاقة .!!!!!!!
ليش قال أحسن إلي وإلها ...؟؟؟

أخي الكريم في بالدنيا شي أسمو قسمة ونصيب

وإذا في إلها خبزة عندك رح تاكلها وإذا ما إلها لو بتطوبلها الصين بإسمها مش رح تكون إلك

أني بقترح أقتراح وجرب إذا بينفع

خلي حدا غيرك يوصللها إنو أنت رح تخطب غيرها
وشوف إذا بتتأثر للموضوع
وبس تفاتحك بالموضوع إذا هي بادرت بالسؤال معناها في حب صح بس تحت الضغط قررت الإنفصال
وإذا ما جابت سيرة الموضوع معناها اتبع المثل القائل

اللي ببيعني بمال الدنيا ببيعو بقشرة بصلة لأنو بالأخير باعني حتى لو الثمن غالي

كلنا أخي منتعرض لهيك مواقف ولا تخلي موقف مثل هذا يعمي بصيرتك

في بدل البنت ملايين بنات بيوت ومربايين

ما بدك وحدي كل يوم برأي وإي اليوم بحبك وبكرة خلينا ننفصل

هذا حكي بنات يا بكونو كثير فهمانين العلاقات يا بنات بعدن مش فاقسين من البيضة
نصيحتي جربها لأنك بدك أي طريقة تثبتلك إذا بتحبك أو لأ
وأكيد بدعيلك بالآخر أنو الله ينولك اللي ببالك وإذا جد بتحبو بعض
أنكم ما تكونو غير لبعض

[ابن شقا]

اولا بشكركن الجميع على مساعدتي وشكرا كثير عنجد والحمدلله انو اني و(م) رجعنا لبعض واكتشفت اني انو (م) كثير بتحبني بس سبب الانفصال كان مني اني والحمدلله اسا رجعنا وكثير بتحبني وبحبها موووووووت وبشكر خالد وحيدر ووسام كثير صحيح اني مش معك يعني ايطالي بس جد كثير شكرا الك وبشكر عاشقة الزهور كثير على المساعدي وشكر خاص ل عاشق نزار قباني ألمانية برتغال الكاميرون وبس وأهم شي ألمانية والله يعطين العافي جميع واني كثير سعيد لاني عضو بالمنتدى العظيم والجميل *

[ابن لبنان]

ايه ايهـ والله قصتك لسة اسهل من قصة واحد بعرفوا
حب بنت مش من دينو ولهلأ بموت فيهآ
الله يعينو ..
وانا بأيدك تضل معا ولو زعلتك روح انت راضيها مش هي تراضيكـ
خلي قلبك وسيع اووكـ حبيبي
بس خليكـــ معها ولاتتركآ وانشاللهــ هالحب ابدي ..
ونيآلك عليهآآآ يآآآآ مآن
وتقبل مروري
^ ^