غريب في حارات الشام

[مالك الجرمقاني]

شامــــيـــــــة
مره واحد كان عايش بضيعة ضايعة سمع عن الشام وقرر يزورها
وبيوم من الايام نزل عالشام و بلش يتفتل فيها
بين الاسواق والمحلات و هون و هون
وهو بالطريق فات بوحده من حارات الشام القديمة
و من كثر ما مشي حس بالعطش
فكر انو يدق باب شي بيت بيطلب منهم يشربوه
بس بينو وبين حالو كان عم يفكر و يقول
والله بيحكو عن اهل الشام انو بخلا ء واكيد ما حدا رح يشربني المهم بعد حوار طويل مع نفسو قرر انو يدق على واحد من البواب
دق الباب فتحتلو وحده< بتشبه فريال حماتو لعصام
قلتلو خير يا اخي شو بدك جايينا بطئة الشوب
قلها الله يوفقك انا غريب عن الشام وعطشت
ودقيت عليكم الباب وقلت بلكي بشربوني
قالتلو اي ولو مو تكرم عينك والله فاتت على البيت
وجابتلو زبدية لبن باردة
هدا اخونا ما صدق على حالو حط الزبدية على تمو
وبدي يغب بهاللبن يغب لحتى خلص اللبنات
قلها يسلمو ايديكي بس< بصراحة ما كنت متوقع انو تشربيني
قلتلو اوف ليش بئا ؟؟؟
قلها لانو بيحكو انو انتو بخلا

قلتلو ولا يهمك بس هدول اللبنات جابون جوزي من شي جمعه وسلتت فيهم فارة ئلت لحالي منسئيك ياهم احسن ما نكبهن
هدا لما سمع هيك من قهرو طبش الزبدية بالارض

قلتلو ولييييييييي عليك شو ما فيك خير
فوق ما شربناك لبن
بتكسر النونية تبع الولد ؟!؟!؟



لك والله حتى ولو مجرد نكت بس والله ما في أحلى من عادات وتقاليد الجبل أهل الكرم

[أنا الغالية]

ههههههههههههههههههههه
مسكين شربهااااااااا ورااااااااح فيهاااااااااا ... :D
بس كنوو فيه ظلم ع أهل الشام أنا بشوفهم غير هيك ... يا قلبي ما أطيبهم ..

[مالك الجرمقاني]

وأديكي أختي الغالية
وأهل الشام كثير كويسين وطيبين لكن مو الكل وهيي مجرد قصة فكاهية
ولكن ما بيخلا الأمر من بعضهم . وأكيد مو الكل
لكن أكيد أكيد ما في مثل عادات أهل الجبل ولا أطيب من أهب الجبل
شكرا الغالية

[سفير الجبل]

الشوام فيهن عادة أنن ما بيعزموا على بيتن مهما كانت علاقتك قوية بالشخص إذا عزمك بيعزم على مطعم أو حديقة بس الشام شامة الدنيا احلى بلد و ما في أحلى من عادات وتقاليد الجبل أهل الكرم معك مالك

[أنا الغالية]

وأديكي أختي الغالية
وأهل الشام كثير كويسين وطيبين لكن مو الكل وهيي مجرد قصة فكاهية
ولكن ما بيخلا الأمر من بعضهم . وأكيد مو الكل
لكن أكيد أكيد ما في مثل عادات أهل الجبل ولا أطيب من أهل الجبل

أكيد أكيد ما في مثل عادات أهل الجبل ولا أطيب من أهل الجبل..

لك الله يحييك ويحيي أهل الجبل كلهم ... ع راسي والله
ولو ما بحبكم وانتووو بالقلب ما بكون معكم هوني ...
تحياااااااتي واحترااااماتي للجميع .... hoh_55