المنسف الأردني .. - منتدى قرية عرمان السويداء جبل العرب الأشم

أنا الغالية · 09-26-2009, 11:17 PM

اليوم جبتلكم طريقة عمل المنسف الاردني
وطبعا هو من الاكلات المشهورة عنا
يقدم بالاعراس والعزائم
وطريقة تحضيره سهل وبسيطة

ملاحظة : 1-المقادير حسب عدد افراد العائلة
2-ويوضع المنسف بسدر كبير دائري
3- الرز لازم يكون رز مصري مش رز حبة طويلة
4- اللبن لازم يكون جميد ينقع قبل بفترة (ساعة)
ويخلط ع الخلاط ويفضل ان يخلط باللبن الرائب

خلينا نبدا

اولا : ننظف اللحمة بخل وملح , ونضعها بطنجرة مع ماء وورق غار وحب هيل
ونضعها على النار حتى تستوي
انا بالنسبة الي بحطها بطنجرة ضغط لمدة نص ساعة
وكل ما كانت اللحمة مستوية اكتر كلما كان المنسف اطيب..

تانيا : ننقع الرز بعد النقع نصفي جيدا حتى يروح النشا منو
وبعدين نضعو بطنجرة ونحط عليه شوية عصفر(كركم) ونضع فيها شوية زيت قلي ونضع عليه
ماء اكتر بقليل من مستوى الرز ونضعه ع النار

تالتا : عندما يغلي بنوطي الغاز لاقل درجة
ونتركه يستوي ع مهله

الرز بعد الاستواء

نضع اللبن بالخلاط ونضع عليه ملعقة نشا ونخلطو جيدا
ثم نضعو بطنجرة
ونضع عليه ماء اللحمة بعد تصفيتها ونضعه ع الغاز
مع ملح ومع التحريك المستمر
(في حال عدم التحريك يفرط اللبن

بعد ان يغلي اللبن نضع عليه اللحمة ونوطي الغاز
ونتركه قليلا

[/IMG]

نضع خبز شراك في سدر التقديم
تم نضع عليه الرز بشكل مرتب ودائري

نقوم بوضع اللحمة في منتصف السدر ونضع عليها اللوز المقلي
ونرش عليها بقدونس مفروم ونصب عليه اللبن

وهيك بكون جاهز للاكل
وصحــــــــــــــــــــــــــــتين وعــــــــــــــــــــافية

المنى · 09-26-2009, 11:27 PM

الله ياغالية شو طيبة هالأكلة

بس عنا المنسف العربي مو رز برغل بس شو أكلة معتبرة

شكرا إلك

أنا الغالية · 09-27-2009, 02:41 AM

هلا وغلا .. نورتي منسفناااا ..
وصدقتي يا صديقتي .. المنسف بالبرغل كمان
هو بنعمل بالطريقتين .. ونحن وقت الأعراس بعملوه بالبرغل أو بالعيش هيك اسمه عنا وهو نفسه البرغل ..
تحياااتي لك .. ومن ناحيه الجوع كافر ايه والله.. أنا من شوي كنت جوعانه وعــ شوي باكل حازم والملك ونحن بالمحادثه ههههههه

j

Ghada Saymoua · 09-27-2009, 09:21 AM

والله جوعتينا ياغالية
كتير طيب انا اكلتو مرة
يعطيك العافية
سلمت يداك

أنا الغالية · 09-30-2009, 01:41 AM

صحتيين وهنا ع قلبك غدوده ..
منوره منسفناااا ..
تحيااااتي لك.. hoh_55

ام الريان · 10-02-2009, 10:30 AM

منظر بشهي ممممممممممممممه والله جوعتيني الله يسامحك ههههههههه تحياتي الك ياغالية

أنا الغالية · 10-03-2009, 03:59 AM

يخسى الجوع .. حبيبتي أم الريان
أحلى منسف لأحلى غاليه متلك ولووو .. تكرم عينك
وشكراااا كتير لمرورك ..
منورهـــــ