مـروان الـجـرمـقـانـي

[مروان الجرمقاني]

شوكة العَكّوب
شو يبّسك ياشوكة العكّوب؟............... كرمال عينك شوقطعنا دروب.
ياما شواكك جرحت إدين الحبيب............... وياما بعيدانك حرقتي قلوب
ياما شواكك جرحت دين الحبيب............... ياما التقيت عالدرب ذاك الغريب
قديش ماكذبتي وحلفتي بالصليب............... تانلتقي عملتي الف أسلوب

شويبّسك ياشوكة العكّوب؟
هونيك كنا عالبيادر نلتقي............... بجنب العريشه الحجرمنها مابقي
نسيتي على طرعتنا شوكنتي تمرقي............... تعدي الساعات وتنطري الغروب
ماهمنا من حكيهم مهما حكوا............... ياما علينا للأهل راحوا اشتكوا
كنا طفالا وقتها وما بيدركو............... إن العمر مثل الثلج بيذوب
شويبّسك ياشوكة العكّوب؟
كبرنا وكبرالحب معنا وشاب............... وشمس العمر مالت على الغياب
ياريت نرجع بس ليله حباب............... بعتم الليالي والقمر محجوب

ضعنا ومدري العمر ضيّعنا............... أخذنا معو ماعاد رجعنا

ياما شقينا وشو تلوعّنا............... وياما ارتكبنا من الخطايا ذنوب
وحياة حبي وحبك وعهد الهوى............... ومن جمع القلبين ليحبو سوى
قيس يا ليلى ان تاب عن طرد الهوى............... عن حبكم حالف اني ما توب

شو يبّسك ياشوكة العكّوب؟

كلمات القصيدة: الشاعر ممدوح ريدان
ألحان و غناء: مروان الجرمقاني
أهديها لهذا المنتدى العظيم