ماقيل في سلطان باشا من شعر......

[Ghada Saymoua]

القايد اللي ذكــــره بقلبنا حــي ***يا ما بيارق عــــزوتي رفـــــرفت له

والقايد اللي ناصره أحمر الزي *** يا ما عـــمايم إرهـجـــت وانتخت له

القايد اللي شعشع جـبينه الضي *** يا ما دروب مــــن السعد سانــعت له

القايد اللي صادق وما بــــه الّلي *** يا ما سمانا إرعـــدت وامطرت له

القايد اللي يــــرفض المال والغي *** يا ما مــنارات المــــجد نورت له

والقايد الناداه كـــــل مخلص ٍ بي *** يا ما عـــذاره بشوفته زغــردت له

والقايد اللي قال مــــن رادها حي *** عـــلى الجهاد جــموعنا ساندت له

واللابة اللي ماطرت مسلك السي *** إليا مشت تلقى البسيطه ارجفت له

يا وي عاذيك الغطاريف يا وي *** شوف السبايا توجدت واصهلت له

يا الله يا من جاعل النور والفي *** توقي ربوعي شرور ناس ٍ كمت له

تاريخنا وضّاح عالكون له ضي *** ضي الشمس لو الغيوم احجبت له

وسلطان باشا لو غدى داخل الطي *** قلوب النشامه والغياره احتوت له