نكت حلوووووووووووووووووووة2 - منتدى قرية عرمان السويداء جبل العرب الأشم

اقتصادي · 01-01-2009, 10:21 PM

واحد حمصي صار معو حادث وأصابيعو تكسرت. راح للدكتور قام الدكتور حطلو إيدو كلها بالجبس وقللو: لازم ما تحركها لمدة 10 أيام!

الحمصي: يعني ممكن بعد 10 أيام إعزف عالبيانو يا دكتور؟

الدكتور: بالتأكيد!

الحمصي: غريبة مع إني عمري ما عزفت من قبل!

ولد سأل أبوه: بابا شو الفرق بين القضاء والقدر والمصيبة؟

الأب: تخيل لو رحنا سوا أنا وأنت وأمك عالبحر ونزلنا نسبح قامت أمك غرقت... هادا قضاء وقدر. بس المصيبة لو طلعت إمك بتعرف تسبح!!!!

وربح باليانصيب 10 ملايين ليرة. راح لعند مرتو وهو طاير من الفرحة حتى يخبرها. المسكينة من شدة الفرح قلبها ما تحمل الخبر قامت ماتت. قال لحالو: سبحان الله الخير لما بيجي بيجي كللو مرة وحدة !!!

الزوجة: حبيبي أديش بتحبني؟

الزوح: كتير.

الزوجة: يعني إذا متت شو بيصير فيك؟؟

الزوج: والله بجن!

الزوجة:يعني ما رح تتزوج بعدي؟

الزوج: والله المجنون ممكن يعمل أي شي...!!!!!!

شيخ قبيلة جمع أفراد قبيلته وقلهن: شوفوا يا شباب لازم نكون قبيلة متميزة مشان هيك قررت إني أعمل اختبار ذكاء وكل واحد بيفشل بالاختبار رح نعدمو.

جاب أول واحد وسألو: شو حاصل جمع 9 و 8؟؟؟

قللو: 17

قام صرخ أفراد القبيلة كلهن بصوت واحد: عطيه فرصة تانية...عطيه فرصة تانية!!!!!!!

واحد ندل أنقذ واحد كان عم يحترق. قام قررت بلدو تكرمو وتعطيه وسام الشجاعة. اجتمعوا الناس وإجا مندوب التلفزيون وسألو عن السبب يللي خلاه يخاطر بحياتو فجاوبو: الحقيقة أنا أنقذتو لسببين: الأول لحتى ما يموت شهيد، والتاني لحتى يعيش مشوه!