عذب ................الكلام

[ملك الغرام]

خوي الدرب عمري ما خذاني دونـه النسيـان
وأنا يا أهل الملامه مارغبت العيـش وحدانـي

أبي لي مهرةٍ ما عسفت صغيرة وبنت حصـان
ابوها اللـي يفـك المشكلـة ويزبّـن الجانـي

اخوها لاتعزوى باسمهـا فـزّوا لـه العربـان
يحق لها الفخر فـي قولـة آل فـلان جدانـي

أبيها فـي بحـر عشريـن لازودٍ ولا نقصـان
أبيها اقصر طويله والوصوف أشكال وألوانـي

أبي الجبهة كما الصبح وكما القوس أسود الحجّان
أبيهـا ناعسـات ونرجسيـه سـود الاعيانـي

أبي رمشٍ كما ريش يغطـي الثلـج بالاوجـان
وأبي جفن يشيل الرمـش طربـانٍ وكسلانـي

أبي خدٍ كما ورد تنمّى فـي طـرف ربستـان
وأبي خشم صغير و ومثل حد السيف شامانـي

أبي البسمة كما البرق وثناياها كمـا المرجـان
وشفاهـا جمرتيـن وفمهـا خاتـم سليمـانـي

أبي شعر مثل ذيـل الفـرس لاطبّـت الميـدان
أو الشلال لا من بـات ليلـة بيـن الامتانـي

أبي جيدٍ سـواة إبريـق فضـة ناتـق مليـان
وصـدر كنـه مرايـه عليـه طلـع رمانـي

أبي ظهرٍ كما الجدول وقدٍ مثل غصـن البـان
وخصر مثل مجدول الاعنان وجسـم رويانـي

أبيهـا نابيـة ردف وبطـنٍ ضامـرٍ جوعـان
أبيها مدمجـة سـاق وقدمهـا لسـان ثعبانـي

أبيها بنت عـز مـن رغدهـا ينعـم الفستـان
أبي الرقه وأبي الدقـه لهـا بأطرافهـا شانـي

أبي المشيه كما اللي طالع من المعركه كسبـان
وأبيها ترش مع خطواتهـا مسـكٍ وريحانـي

أبي صوتٍ الا مني سمعتـه كـن فيـه ألحـان
يدغدغ مسمعي ويثير كـل السحـر بأشجانـي

أبيها حب وإخلاص وهواجيس وفرح واحـزان
أبيها مثل ما دكتور أهالـي العشـق وصّانـي

أبيهـا لوحـة مـا صورتهـا ريشـة الفنـان
أبيها جوهرة مـا جابهـا قاصـي ولا دانـي

أبيها تنتصرلي مـن زمـان حطنـي نيشـان
وتبشر بالغلا اللي ما لفـا ربـه واحـدٍ ثانـي

مهرها قلـب وشعـر يهـز القلـب والوجـدان
وألبسها القصيـد وتصبـح أوزانـي وقيفانـي


أبي اللي فات واللي فات صعب ومن لقى العنوان
يرد العلم ولا إني أفضل أبقى أعيـش وحدانـي