زفت .. مزفّت ؟؟؟؟؟؟؟

[EHAB ALHALABI]

جايبلكون موضوع عن الزفت اللاصق,وعن كل شي اسمه زفت..

"اخر الابتكارات ,الزفت اللاصق العجيب,بيلزق على كل شي"

صحيح شر البلية ما يضحك..

هدر المال العام ونهب مؤسسات الدولة,صارت كلها امور عادية وعلى عينك يا تاجر..والشاطر بشطارتو..



التزفيت شغّال ,عالغبرة, عالوسخ, عالمي ,كلو بيمشي..وترقيع يا معلم,على اساس جايين يزبطو الطريق ويلغو

الجور,بيطلع بعد التزفيت عندك مطبات

أنا بصراحة أول مرة بشوف هالطريقة بالتزفيت طريقة فريدة من نوعها غير موجودة غير ببلادنا ...

وعينك تشوف سماكة الزفت والنوعية..بحص ملوّن,ما في زفت سائل تحته,شتوي وحدة ويعطيك العافية...

خلاصة الحديث,بتصرف الدولة مبالغ طائلة على هيك امور,منشان التحسين,بيروح قسم منها للمتعهد,وقسم للحاشية

والقسم الباقي وما بيطلع من الجمل ذينتو للمشروع,وكل سنة هيك لا حسيب ولا رقيب..

وخضرا يا بلادي خضرا...

[حازم صيموعة]

أول شي شكرا ايهابو على الموضوع اللي فعلا بيستاهل نقاش وبيهم كل الناس ....

وبالنسبة الموضوع الزفت اللاصق لازم نكون تعودنا عليه لأنو مش جديد يعني صح نحنا مش بالبلد بس عارفين الوضع لأنو هذي صارت شغلة روتينية وكل سنة بتكون أقطع من اللي قبلها .....

وبالنهاية ورغم كل التقصير وقلة المسؤولية بتجي لجنة تقدر العمل بيطلع معن انو تنفيذ الخطة كان أكثر من مية بالمية ....كيف ما بعرف


وآخر شي ما فينا نقول غير الله يعيننا ...
وندعي انو السنة الجاي ما تكون اسوأ من اللي قبلها بكثير

تحياتي للكل .....

[مرهف الحلبي]

والله ياخيي إيهاب هذي بلادك هيك ماشي ...

في محاولات للإصلاح ، بس مع الأسف ما عبتكون كافية ,,,
ومثل ما تفضل خينا حازم ، كل سنة عبتكون أسوأ من اللي قبلها بالأمر هذا ...

لكن اللي بحب قولو ،، إنو كل شي سلبي ممكن الإنسان يتجاوزه بالمواقف الإيجابية والثابتة من هيك أمور سلبية ... طبعاً عند القدرة عليها ...

وغير هيك ما فينا نقول غير الله يعينا ... وعلى قولتك خضرا ...

تحياتي

[EHAB ALHALABI]

منحكي , منأشر بأصابعنا , منعيط , منحتج : بس ما في فايدة

يمكن لإنو نحنا من الدول النامية ومن سمات الدول النامية انو تضل الورشات عم تشتغل

أو من شان يضلو عم يرقعو ويشتغلو وهيك بيكونو عم يكافحو البطالة ..

ياريت حدا بيتكرم من ( كبار المسؤولين عن الطرقات ) يتفضل لهون ويشوف لإنو الشغلة صارت عيب وعيب كثير كمان ..

شكراً أصدقائي على تفاعلكم مع الموضوع ..

على أمل أن يصل الصوت ...

[المنى]

صديقي لا حياة لمن تنادى

شوارعنا مأسسة للسير عليها على الأقدام

بس شرط وانت رافع رجلين البنطلون مشان ما ينتلي بالمي بالشتا

لك حتى بالصيف بدك ترفع رجلين البنطلون لأنو كل سنة عندن مشروع

شي تمديد مي شي تمديد كهربا
شي تمديد تلفون لك شي بحير إيمت بدها تخلص كل هالشغلات

الناس طلعت على القمر ونحنا بعدنا عم نعارك بالشوارع

وبالتخطيطات الفاشلة
بدها طولة بال على كلا ولا بد ما تفرج