قصيدة للشاعر حسين عيد من قرية ملح يرثي فيها بنتو:

[هادي سلمان رشيد]

يا رابعة يا رابعة يا زهرة بيضا ناصعة ** كثر الندا مابو حدا
قال الصدى لا تندهوا مش سامعة
******
لا تندهوا لي وتتعبو تبكو علي وتندبوا ** شفت الطفالى يلعبو
قرب الاجل رحت بعجل كان الامل العب يا بيي وراجعة
******
ما كان بدي ازعلك وعن كل شغلة اسالك ** وبذينتي صاح الملك
هيا اسرعي لا تفزعي من غير وعي وانزلت ونو واقعة
******
دخلك يا بيي تشوفني بايديك هم وحوفني ** كثر المرض لا تعوفني
وقت القدر مافي حذر ربي أمر واني لامرو طايعة
******
سلم يا بيي عالاهل عقد رملات السهل ** قلا لامي تحتمل
كثر الدمع مابو نفع ياما وقع غيري بنفس الواقعة
******
قلو لجدي ادعيلها ب امن حنونة تشيلها ** طيفي عليك يجيلها
آن السفر طلع القمر قلبي شعر والعين نزلت دمعا
******
سلم ع ستي وقل ليها لا تحزني العمر انتهى ** وعمتي الحنونة منتهى
شو دلولو واتولعو واتودعوا والدمعة ماهي نافعة
******
عمتي الحنونة صالحة اسمعتا يا بيي صايحة ** يا رابعة وين رايحة
لا تشتكي قومي اضحكي سمعت الحكي ويا ريتني مش سامعة
******
سلم يا بيي ع اخواتي فرق عليهن حسرتي ** لا تحزنوا ع فرقتي
يقنع ليكم بولادكم ما فادتكم الا النفوس القانعة
******
هانت علي دياركم من جور بعض جواركم ** قلبي انتلى باسراركم
وين الصبر ما في كظر شفت القبر دنيا جميلة وواسعة
******
******
يا رابعة يا رابعة يا زهرة بيضا ناصعة ** كثر الندى مابو حدا ** قال الصدى لا تندهوا مش سامعة

[حاتم العطواني]

اشهر من نار على علم

وابدعت في نقلها اخي هادي الغالي

تقبل مروري

وصح لسان الشاعر ويد الناقل

[هادي سلمان رشيد]

لقد نورت الموضوع خي حاتم


وأسعدني مرورك الكريم

[هادي سلمان رشيد]

أولا بعتذر منك أبو أمير لتأخري على الرد

بس والله يا أبن العم نورت الموضوع وصاحب الموضوع

بطلتك الحلوة

دمت بخير

[أنا الغالية]

دخلك يا بيي تشوفني بايديك هم وحوفني ** كثر المرض لا تعوفني
وقت القدر مافي حذر ربي أمر واني لامرو طايعة
******
سلم يا بيي عالاهل عقد رملات السهل ** قلا لامي تحتمل
كثر الدمع مابو نفع ياما وقع غيري بنفس الواقعة

قصيدة مؤثرة جداااا ..
كلماتهاااا تدمي القلب والله ..
ولكن القضاء والقدر .. سبحان الله
قال سبحانه وتعالى ..
(وما كان لنفس أن تموت إلا بإذن الله كتاباً مؤجلاً)(الأعراف/145).

يسلموااا دياتك أخي هادي ..
تقبل مروري مشكور ..

[هادي سلمان رشيد]

أهلا بكي

وشكرا لمرورك