صرخة محب

[osama]

سمت هالقصة و عجبتني و حبيت انقلها لكم لا أدري زمانها و مكانها بس أكيد قديمة لأنو اليوم ماعاد في من هالحكي و اليكم القصة:
كان في شب من عيلة فقيرة معثر و درويش على قد حاله بحب بنت من صغره وهي بتحبو وكمان من عيلة فقيرة و على قد حالها و لما كبرو سافر الشب حتى يقدر يعمل شي و بغيبتو اجا شب غني على البلد عبيدور على عروس فدلوا عليها (ولاد الحلال كثار) فبيروح بيشوفها بتعجبو بيطلبها بيوافق ابوها طبعا بالرغم عنها و عطى كلمة مثل ما بيقولوا و مشي الحال بيوصل الخبر لحبيبها بيجن جنونو و بيجي يركض ليشوف شو صاير فبيلاقي الخبر صحيح و ما عاد بيقدر يسوي شي بيقوم بيروح بيحضر الخطبة و بيقول كم كلمة موجهة الى خطيب حبيبته وبيطلع الزلمي ابن أصل وبيتركها للبنت و اليكم ما قال له:

اسمع كلامي يا شهم و انساها ..... لاهي الك ولا انت لها
لا هي الك و لا انت ولفها ..... يا داري سالف هم بياتي و لفها
هي لها حضن حضنها و لفّها ..... و من الصغر عالوفى رباها
و من الصغر عالوفى دلالها ..... و عيونو كانو بالعتم دلالها
بحياة ربك يا صحيّب دللها ..... بحياة عينك لا تهين صباها
بحياة عينك لا تهين حبابي ..... ام الخدود موردين حبابي
طول عمرو قلبها حنييّن وحباب ..... يرحم أبوها عالوفى رباها
يرحم أبوها بالحياة و الموت ..... عافراقها شفت الضنى و الموت
ياريتني جاني البلى و الموت ..... ولا شوف حضن غيري صار مثواها
ولا شوف حضن غيري صار الها سكن....ياحبها جوّا القلب حط و سكن
داويت أني جروحي وألمها ماسكن....زاد الألم يا ناس عافرقاها
زاد الألم يا ناس لما علّموا ..... بخطبة الغالي عاقلبي علّموا
يا حيف يا رمّان بعدوا عاأمو ..... يقطفك غيري يا قمر مساها
يقطفك غيري يا قمر حبيبي ..... و من بعد خالقنا انت حبيبي
بالله يا صحييّبي تنادي حبيبي ..... لودعو بنضرة دمع ما اثناها
و سلامتكن ...................

[osama]

عذرا على الخطأ الاملائي (سمت) = سمعت