حماااااصنه

[Ghada Saymoua]

في مدرس سأل طالب حمصي
بكرى انت لما تكبر شو بدك تصير

قلو ختيار




مرة واحد حمصي اتصل بالاستعلامات

قلها عطيني رقم الاطفاء

قالتلو 999

قلها يعني تلات تسعات

قالتوو اي

قلها اي انا ما عندي غير تسعة وحدة

قالتلوو بالله مانك حمصي

قلها مركبي كاشف يا ملعوني



حمصي قال لصديقه: بتشرب قهوة

قال صديقه : اذا شربت قهوة ما بقدر نام

قال الأول: أنا بعكسك تمام بس نام ما فيني اشرب قهوة



مرة وحدة وقفت شوفير تكسي حمصي

وقالتلو : نادي الشباب

قلا : ناديلون انتي



حمصي يفتح البراد على مهله ليه ؟؟؟

عشان يعرف مين بيشعل الضو



حمصي سال رفيقو : ليش نشره الاخبار طويلة

قال : يمكن اليوم اخر حلقة



راح شامي لعند بياع فلافل حمصي

قاللوا عاطيني 3 ساندوتشات فلافل بدون مخلل
قاللوا البياع : ما عندي مخلل ، ساويلك ياهن بدون بندورة


: في ضابط بالجيش عم يقول للمجند الحمصي
لك هي ثالث مرة هالشهر عم تطلب مني إجازة

و كل مرة بتقول أنو جدك رح يموت

قام قال له المجند الحمصي : أيه و الله يا سيدي

و أنا كمان بلشت شك أنو جدي عم يكذب



في واحد حمصي سأل أبوه

قلوو ابي ابي : أيمت بدنا نوصل على أميركا

قلوو بابا خراس وسباح




: حمصي بسأل رفيقو

عمرو دياب أخو محمد فؤاد

رد عليه : لا يا أهبل تشابه أسماء


حمصي وقع عالدرج

عطاه الدكتور مرهم وقللو بتدهن محل ما وقعت

راح الحمصي دهن الدرج



حمصي اتهموه بالذكاء
طلع براءة


واحد حمصي اتفق هو ومرته الحامل

إذا إجالون ولد يسموه مبروك

قام وقت ولدت المره

طلعت الممرضة عبتقولو ألف ألف مبروك

قال : أوف وين بدي أروح فيون هادول كلون


في واحد ماشي بالشارع

شاف واحد قاله : وين الرصيف الثاني
قالو : هنيك مقابلينك

قالو : سألت هنيك قالولي هون




في واحد حمصي اشترى سيارة

حديثة BMW

لما فتح الراديو سمع: هنا لندن

قال : يفضح عرضها ما اسرعا



ليش الحمصي الصغير أذكى من الحمصي الكبير ؟؟
لأنو ما صرلو زمان حمصي



قال في مره حمصي بدو يعمل عملية انتحارية
قام فات على مطعم وضرب حالو بالسكين
قام ماتو تلاته من كتر الضحك



في طالبين وصلو المدرسة متأخرين
سأل الأستاذ واحد منهم وهو غضبان : وينك لهلا
قاله وهو عم يبكي : في ليرة ضاعتلي وكنت عم دور عليها
وما معي غيرها مصروف

وسأل التاني : وأنت وينك لهلا ليش متأخر؟؟

: قال له

كنت داعس عالليرة



ليش الحمصي بيلبس جرابات خضر ؟؟
لأنو خضر بيلبسلو جراباتو



في حمصي معه موز قاعد بالباص

بيقشر الموزة وبيغطها بالسكر وبيرميها من الشباك

كرر العملية أربع خمس مرات

سألوه الناس ليش هيك عم تعمل ؟؟

جاوب ببساطة أنا ما بحب الموز بسكر



مرة واحد وجعه ضرسه

قام راح إلى طبيب حمصي

قام الدكتور خلعله كل أسنانه عدا الضرس المنخور

صعق المريض وقاله شو عملت

قاله إي خليه مثل الكلب لحاله



تسعة حماصنة سموا أنفسهم الابطال الثلاثة


واحد حمصي لحق حرامي فسبقه


مرة واحد حمصي أحول طلّق مرت أخوه


ليش الحمصي لما ينام يضع تحت راسه خيارة
الجواب لأنو إذا حط بندورة بتنفعس



مرّة كان في واحد حمصي مسافر بالقطار وقعد جنبه واحد
فقال اللي جنب الحمصي:
انا بردان من الشباك
فقاللو الحمصي : تشرفنا وانا حمدان من حمص


كان في واحد حمصي وضع يده في برميل من حمض الكبريت

فعندما سحبها لم يجدها

فأدخل رأسه حتى يدوّرعليها



اثنين حماصنة كانوا عم يلعبوا شطرنج
من قد ما طولت المباراة معهم مات الملك بجلطة


حمصي راح لعند رفيقه يشكيله همه
قالو : إني ما عم اعرف غازل خطيبتي

قالو : اليوم روح معي وسماع أنا شو بقول لخطيبتي وتعلم

وتاني يوم راح هو وخطيبته عالبحر بالليل

قلها : شايفه القمر

قالت له : أيه

قالها خطيبة رفيقي أحلى منه



ليش الحمصي بكون غبي لما يكون خارج حمص ؟
لأنه بكون خارج نطاق التغطية



حماصنة سمعوا انو جاية عاصفة على حمص
فكتبوا أول حمص
درعا ترحب بكم



شو الشئ المشترك بين الديناصور والحماصنة الاذكياء؟؟
الاثنين انقرضوا


في أربعة حماصنة كانوا عم يلعبو على الأوتستراد
فاتفقو الي بيندعس أربع مرات بيطلع برة اللعبة



في واحد حمصي اتصل بالإطفاء

وقال شو إذا ما في حريق ما منشوفكن؟؟



حمصي قال للشامي : واجعيني عيوني

وعم شوف طول النهار نقط سودة بعيوني
قله الشامي : شفت شي دكتور عيون؟؟
قله الحمصي : لأ شفت بس نقط سودة

في ياباني فات على بقالية بحمص

بدو يشتري عشر علب كولا

: وقال للبياع
كوميهاني سيبه كولا
: قام رد البياع الحمصي

بدك عشر علب شو



حمصي سمى ابنه على اسم أبوه

بابا


حمصي راح لعند ضابط بوزارة الداخلية قله
بدي اترشح لرئاسة الجمهورية

قله الضابط إنت مجنون شي ؟

فأجاب الحمصي : هو شرط يعني



حمصي راح يشيع بجنازة
سأل واحد : شو بيشتغل الميت

قال : يحفر قبور

: قال الحمصي

سبحان الله من حفر حفرة لاخيه وقع فيها



في صحفي سأل حمصي : كم نسبة البطالة في حمص ؟

الحمصي : والله حمص كلها ابطال



شو بيكون مكتوب داخل أحذية الحماصنة ؟؟

الأصابع أولاً

[مرهف الحلبي]

في واحد حمصي سأل أبوه
قلوو ابي ابي : أيمت بدنا نوصل على أميركا
قلوو بابا خراس وسباح

عقبال ما يصلوا بالسلامة
قال الآنسة سألت التلميذ:
عطيني ثلاث حيوانات تعطينا الحليب
قال
ثلاث بقرات ..
تحياتي الك اخت غادة
سلامي الك

[Ghada Saymoua]

والله وانا متلك مرهف مت من الضحك بس قرأتن اكيد عجبوك .
شكرا على مرورك........ منوافيك بالافراح.........

[Ghada Saymoua]

ممكن اعرف ليش كلمة شكرا ما عم تظهر صار لي فترة عم لاحظ هالشي .

[ام الريان]

الله يسلم هالأيدين ياغادة _2ضحكت لنزلو دموعي الله يعين هالحماصني علينا واحد حمصي جالس هو وابنه عاتلفزيون رن الجرس قال الاب لابنه قوم فتاح الباب لامك الولد لا روح انت هي مرتك صاح الاب يااامرى قالت نعم ..قالها انت طالق (قوم ياولد فتاح الباب لامك نشالله تعجبك وتقبلي مروري واحترامي

[مرهف الحلبي]

لا هي عبتطلع لكن عم يتم استبدالها بصورة ، بس أحيان تحميل الصورة بياخذ وقت زيادة كون الصفحة البركة غنية بالصور الباقي ، بس ممكن إنتي تعملي
right click on the image's place and select show picture
وهيك بيرجع برنامج المتصفح بيطلب بس الصورة هاي بدون باقي محتويات الصفحة
تحياتي الك ..

[أنا الغالية]

_2ههههههههه كتير حلويين غاده والله حششت ضحك عليهم .. بس شو مساكين هالحماصنه أديشهم بتحملواااا .. متل الطفايله عنا بالأردن ..((طفيلي قال لمرته الليلة بدي رومنسية .. بنتهاااا سألتهاااا شو يعني رومنسية .. قالت ما بعرف بس احتياطا انقعي رز ..))هههههههههه_2

[Ghada Saymoua]

مشكورة على مرورك يام الريان والله ضحكتيني بها النكتة انت اخت غالية ............

[Ghada Saymoua]

هلا و الله بانا الغالية وتشرفت بمرورك الكريم والطفيلي يلي عندكن بالضبط متل الحماصنة ههههههههههههه.........
_2