مواصفا ت المواطن السوري - منتدى قرية عرمان السويداء جبل العرب الأشم

Carla · 09-23-2008, 08:18 AM

بيفهم في الطب وبشخص المرض وبوصفلك الدوا وبيفهم في النقاش والكهرباء

وتصليح السيارات والطبخ والسياسة والطابة .

· بيحط الريموت كنترول في كيس نايلون حتى ما يتغبر .

· يقف بيتكلم على الباب نص ساعة بعد انتهاء الزيارة والسلام .

· في خزانة المطبخ عنده عشرين قطرميز مربى فاضي منشان اذا احتاج يستخدمها

ومازال مصر على جمع المزيد .

· بيجي بعد الموعد بساعتين دون أن يعتذر .

· بيتكلم بصوت عالي في المكالمة الدولية منشان التاني يسمعه .

· بيعتبر حاله أفضل واحد في الشراء والمفاصلة ثم يكتشف أن الشيء نفسه في

المحل اللي جنبه أرخص من غير مفاصلة .

· بيحتفظ بأكياس محلات اللبس والأحذية وورق الهدايا تحت الفرشة لسنوات .

· عنده صينية مكسرات مقسمة ل 3 أو 4 أقسام مشان المزاج لكن لا يستخدمها .

· يشتري قبل الافطار في رمضان مواد استهلاكية متوفرة عنده في البيت .

· عنده منقل شوي للرحلات يستخدمه مرة واحدة في العيد .

· بيشيل طابع البريد من على الظرف لو الختم ماكان عليه .

· بيفكر أن أي أحد بيشتغل في الخليج بيغرف مصاري غرف وأغنى واحد في الدنيا .

· بيكون مشغول بقيمة البخشيش طول العشا..... ياترى 5 ليرات ولا 10 ؟

· بيتخانق ساعة دفع الحساب بحرارة شديدة على أنه هو اللي لازم يدفع .

· بيفرش شرشف التخت على طقم الكنب منشان الكنب مايتوسخ ولما يجوا الضيوف بيترك الشرشف وما بقيمه .

· اذا ركب تكسي طول الطريق بيطلّع عالعداد .

· بيركض خلف المواصلات ليل نهار .

· وين مابتروح بتلاقي الابتسامة ما بتغادر وجهه بالسراء والضراء ولكن لماذا ياترى؟

· دائما' بعيش ضمن الحلم ولا يقبل بأن يخرج مما يحلم .

* لما بكون في جلسة كلامه كله غيبة ونميمة وبعد مايخلص حكي بيقول شوووبدنا بالناس .

· أكتر واحد عنده كرامة في العرب .