الحاظر الغريب

[عهد]

يالحاظر الغايب وصالك علي دين
لو أن قلبي هجر الأحباب ضامه

غذّيت سمعي صوتك الدافي سنين
حتى لسانك ملّ سمعي كلامه

وجوّعتني شوفك ولقياك بالعين
وقلبي عن وصالك مواصل اصيامه

(اضمى وصل) (اروى هجر) وأنت يازين
فالحاتين الوضع عندك سلامَه

أن كان هذا سَلمكم يالمحبين
قلبي يبلّغ للمحبّه سلامْه

ياليت ربي حط فالجوف قلبين
واسلم من ظروف الزمن وانهزامه

قلبٍ بحطه للرجال المسمّين
ماهوب ينبض دم ينبض قرامه

يضمى على قول ارحبوا ياميامين
ويروى على شوفة رجال الشهامه

وقلبٍ يصارع لوعة الشوق والبين
يعني على حبك ببرمج نظامه

وأنت وظميرك لو يذوق الأمرّين
حاول معه حتى توفّي مرامه

أمّا سلمت وعشت عيشة هنّيين
وألا عشيقٍ مات سبّة غرامه

[سعيد معذى المغوش]

كيف العمل لا غاب خلٍّ عن العين====وأمنع زمانك شوفته أو سلامه
طيفٍ يواسي قلب أتعبه الأنين====عيّا يخلي الذاكرة من غرامه
اللي غرامه مثل هيف الفناجين===شفّة...يهدّي الراس تسكن آلامه
ما بهّره غيري ملوك وسلاطين===ولا ذاق طعمه غير أنا من الأناما
الشوق نار وأسعرت بين ضلعين==وحطوبها لحم الحشا والعظاما
تِقطعت كل الوصال وشرايين=====وعيني مفارقها لذيذ المناما
اساهر الليل ال-تدلّى على جبين==كنه بدر ليل اربع طعش تماما
ماهمني برد وشتا في كوانين===مادمت أكتب للوليف ومقاما
وان صار غطّت عين بالحلم تاتين==مثل المَلَك فوق الخليقة تسامى
مانام ليلي دام عالبال تغزين== مثل الشهب يومٍ تخط السهاما
هي يالخفوق الماخذك أريش العين=اركد عن دروب الهوى والرياما

[عهد]

شكرا على الرد الجميل

[اقتصادي]

والله حلوين الكلام والرد ويسلم الي كتب والي قال

[عهد]

شكرا لردك