أفكار شباب

[فادي angel]

أعزائي أعضاء المنتدى والزوار الكرام
اسمحو لي بطرح افكار تراودني كحلول لبعض المشاكل التي يعاني منها محيطنا
hoh_55hoh_55hoh_55hoh_55
نحنا هلق عايشين بمجتمع مثل فلم الرعب بكون في وحش قاتل بيقتل الكل ويمكن يظل واحد يقتله ويمكن ما يظل حدا. وبكون الحل مغطى بقشة للتخلص من هالوحش
من هالمشاكل مثلا ظاهرة التصحر اللي عمتزحف علينا ونحنا بنتفرج ونقول يا سبحان الله وين كنا وين صرنا طيب في حلول كثير بنظري منها التشجير يا جماعة في شجر ما بيحتاج منا غير الغرس فقط مثل الاشجار الحراجية بدكن تسألو عن التكلفة وعناء الحصول عليها اني عندي فكرة
اذا منجمع من كل بيت 50 ليرة مثلا واختيارية وبنطلب من صاحب العلاقة أنه يسمحلنا نزرع كم شجرة حوالي ارضه اذا كان عندة انا اكيد انه ما رح يقول لأ بالعكس اذا فكر صح بدو يساعدنا وفلاحينا واعين ومدركين للاخطار اللي عبتواجهنا ورح يشدو على ايدنا
وبالتالي بنخفف من التصحر وبنجذب الأمطار و بنلون بلدنا وشوارعنا باللون الخضر لأنو مش بس الاراضي الزراعية بتتشجر الشوارع كمان
شوفو دول الخليج العربي الامارات مثلا الموصوفة بالحرارة والصحراء وقلة الموارد زرعو الصحرا وصارت مزارع وحدائق وكل سنة بيزيد نسبة هطول الامطار بالاضافة للشكل اللي جذب السياح والمستثمرين ووووووووو..........الخ والله هو المعطي

هذا رأيي وحسب أرجو منكم مناقشة سلبياته وايجابياته والمشاكل والحلول
واسمحولي كون أول المتبرعين لنمشي بهالمشروع
يمكن في ناس كثير سبقتني على هالفكرة لكن انا طلبي::::

القول والفعل

[روح عزام]

اسمحلي بالتعليق

والفكرة رائعة كون هالمشكلة يمكن تتأزم فبالأحرى معالجتها قبل فوات الأوان

كل الشكر و

تحياتي

[فادي angel]

شكرا لمرورك أختي وييييييييين الشباب والصبايا
وبتمنى الكل يشاركنا برايو مش بس بكتابة وصياغة الموضوع بل بالمشكلة وحلولها

[WiSaM R]

عجبتني الفكرة كثيررر

بس ما بتلاحظ انو انت كثير هيكي!!!!!

نحنا عنا ارض بالجبل والحمدالله كثير حلوة
فقلت للوالد

انو ازرع شجر سرو وصنوبر وهي الشجر الزينة الحلوة اكيد عرفتوها

قلي مستحيل بتخربلي التفاحات!!!
هلكت وانا اقنع فيه واخر شي اقتنع وقال بدو ينصبلي شجرتين بس انا لما انزل ما راح اقبل غير حوليها لكل الارض

بنظري انا انو مستحيل حدا يوافق على الفكرة خي فادي مع انها كثير حلوة وسهلة وما فيها اي مشاكل

شكرا الك وبتمنى تزورنا ولو انا عارف انو قطعتنا انت منشان عدم الردود على مواضيعك بس هي مشكلة المنتدايات

[haidarjamileddin]

اخي فادي فكرتك كثير حلوة واللي احلى انو
سما بلادنا بتغل بالامطار ومن زين بلدنا بالخضار
بس ياترى بيسمحولنا هالكبار
مثل مقال الاخ وسام انو والده قال بتخربلي الاشجار (التفاح)
واني اكيد والدي رح يقول بالمثل وكل الزلم الكبار
اما لشباب الجيل الصاعد مثلي ومثلك ومنا كثار بتمنى انو ياخذو الموضوع عنجد وانا مشارك بالموضوع معك وبايدك


تقبل مروري وشكراااااا الك

[فادي angel]

احلى شباب والله أنا اسف للانقطاع عن المنتدى الغالي لاسباب قاهره
أخوتي الاعزاء يمكن فهمتوني غلط
أنا ليش لازرع شجر بالجبل اللي مليان شجر خلينا نزرع الشجر بوجه التصحر مطرح ما في شجر
وهذا رايي الشخصي بتمنا الكل يناقشني فيه ويعطيني رايه لأنه المستقبل النا مثل ما كان الماضي لاباءنا وجدودنا

[pink-panther21]

صديقي معك بكل كلمة قلتها....بس وين التنفيذ وبعدين أنت خارج البلد وهيك شغلة بدها واحد متفضي ليمشي الحال...وكمان شغلة مهمة كثييييير أنو كيف نضمن أنو الرعيان وغيرن ما يلعنو عرض الشجر ويقلعو؟؟؟
صديقي أكيد بتعرف قرية عريقة ...فيها مقام عمار بن ياسر وهو موجود على تل فزرعو شجر عسفح التل من حوالي 5 سنين ونصن راح و وانقلع !!!!!!

يا أخي أنا بتمنى يصير هالشي وياريت نقدر نلاقي حل!!!!

[الأسمر]

فكرا كثير حلوة ونحنا محتاجينا كمان
شكرا لك