عرض مشاركة واحدة
قديم 04-01-2009, 01:53 PM   #1
عاشق السويداء 1
عـضـو مـحـظـور
 
تاريخ التسجيل: Mar 2009
الدولة: سوريا السويداء
المشاركات: 222
معدل تقييم المستوى: 0 عاشق السويداء 1 is an unknown quantity at this point
من مواضيع عاشق السويداء 1 الحب في نظر العظماء
نظرت الاديان في التقمص
برنامج ريال بلير
قصيده اعجبتني
اسبانيه واجمل صورها
ابكي يامهد الاحرار

الباشا سلطان الاطرش ....مهما كتبنا ومهما قلنا عنه لانكافيه حقه لانه انسان وقائد يفتخر به ويقتدى بطيب اخلاقه



ابكي يامهد الاحرار وصبي الدمع بغير ثمان
ع فقد اليث المغوار خساره يالباشا سلطان خساره يابني معروف ع فقد اليث الغاوي
سلطان بفعلو معروف ياما ركع اعادي
بوقعه تل الخروف مش لاازم نعطي شهادي
لكن راح نرمز بحروف ليزيد العقد قلاادي
تركيا غرقت بالطوف يومن غارت ع بلاادي
جيش فرنسا ذاق الخوف قواتو خافو زيادي
النا نركع مش مألوف لكن في عنا عادي
نهجم ع العسكر بسيوف نعمل لحمو زوادي
وعادتنا اليث الملهوف ومن أدهم خوذ العنوان
***************
من أدهم خوذ العبره قصه أدهم مبخوني
جانا وبقلبو الحصره قال الامان عطوني
جبنالو مي وسفره بيت مأثث مع موني
خيل مجرب مع مهره سيف شفارو مسنوني
والباشا بصدر الحضره قلو تفضل يا عيوني
بين اللفي والقطره كل حقوقك مضموني
فرنسا المره ع المره قالت أدهم عطوني
جاوبنا فرنسا بنبره وقلنا للحرب قومي
شعلنا نار الثوره ضد فرنسا الملعوني
وحرمنا القهوه المره لو أدهم عاود منهان
**************
عطينا أدهم خنجر وعن كلمتنا ما حدنا
جتنا فرنسا بالعسكر واستولت ع بلدنا
ما فينا واحد قصر ولا ع الذل اعتدنا
شعبا ع الخمر بيسكر ونحنا ع الدم اعتدنا
من بعد سنين المهجر عدنا للجبل عدنا
مع قولت الله اكبر رجعنا حقوق الاوطان
وبكي يا مهد الاحرار
بعد فرنسا والاتراك شيشكلي جار علينا
ياشيشكلي آمناك بمحرابك صلينا
ع سوريا نصبناك وصرت الريس علينا
لكن غروك الاتراك وجيت بجيشك تغزينا
الظاهر جدك ما وصاك قلك أوعى تعادينا
حيث الموحد ما بيخشاك لازم تعرف ماضينا
الباشا قرر يتحداك وحنا من خلفو مشينا
ونواف بغربه خلااك تتعشى فيك الغربان
*************
بعد الشيشكلي ما مات وصفا ع الغبره ملقوح
عشنا اخوان وخيات ردت لسوريا الروح
ماكانت عنا نيات تجدد فينا الدهر جروح
فجأه هزتنا النعوات صاح الصايح ع السطوح
خساره سبع الجبل مات خساره يالوجه السموح
وانصاب الجبل بالذات والعالم صفى مجروح
بشهاده أهل اللفات مرحومي ياذيك الروح
و ع الخلد الباشا فوات موعود بجنه رضوان
وابكي يامهد الاحرار
*****************
وسلامتكم ................انشالله تنال اعجابكم




عاشق السويداء 1 غير متواجد حالياً   رد مع اقتباس