[م. عمر بو نصر الدين]

بيني وبين قلبي

اليوم شفتا موردين خدودها
ونهودها فاضو عبوق
وعيونها فيهن سحر
صفو السما لون البحر
والردف ناضج والقد ممشوق
***
ولمحت بسمتها ورا الشباك
تنظر إلي بشوق وارتباك
والسحر ال فيها يجذبني
نظرة عينيها تجرحني
مرة غضب مرة عتب
وقلبي ال كان بلحظة معي
فر وخفق
عند الغسق ناداها بلهفي وبشفق
وقلي هذي الحلوي إلك
وقلي الطابي بملعبك
شوباك صافن حل عني وروق
***
قلتلو الطابي بملعبي
إنت اللي وقع يا غبي
وقعت ومعك وقعتني
وعا شفا هوي تركتني
إنت السبب في حسرتي
في لوعتي في حرقتي
مش إنت اللي نبهتني عا هالقمر
وفيقتني من غفوتي وقلتلي يالله عالسهر
بشباكها علقتني وبسهامها مزقتني
وبعدو جرحك ما شفي
من فراق الخل الوفي
حرمتني من راحتي والحق كلو صار إلك
وقلتلي عنك تا حل صرت السبب في وجعك
لك إنت حل عني بقى بمشاعرك المزوزقه
ولا بقى تدلني عاطريق
صرت تعذبني بعك ما كنت الصديق
شو هو ذنبي كنت عايش عالهدى
أقطف ورد ما زال عليه الندى
عالق وفايض منو أريج
جيت وقطعت صفوتي
دقيت وناحيتها دليت
إنت اللي كل ما الريم مر
لبكتني وزدت الخفوق
***
السهم اللي صابك صابني
مزق حشاك وهزني
فكرتني وذكرتني
والجرح بعدو ما اندمل
سالت على خدي دموع
دموع الذكرى والأمل
ونسيت أيام ال مضت
ما عاد بدي الهم والأحزا ا ا ن
أني رقت يا قلب
وإن كان بدك روق ...
.....