راح العمر
راح العمر و بعدو القلب عبيخفق بطاريك
يا حسرتي طال البعد ما لك علينا رجوع
تمنيت لو إني طفل و تظمني بإيديك
تسهر علي للصبح لو كنت أني موجوع
يا ما كنت إلعب معك يا ما كنت ســـلـّيك
كان العمر يزهى لنا و كان الزمان يطوع
نقعد تحت ضو القمر حتى يصيح الديك
إنس و سمر يحلى السهر و غير النظر ممنوع
زوّادتي لقمي بلبن آكل أني و طعميك
و قلها يا إمي كثري يمكن حبيبي يجوع
لأقعد على جنب اللحد تحت الثرى ناغيك
لابني على قبرك قبب و أضوي عليها شموع
ويش رايكم يا أهل الهوى هيك الحبايب هيك؟
كل الدروب مسـهـّلي إلاّ طريقي طـلـوع...