ياطيربرسل معك بعض المراسيل
.
لاهل الوفاء واهل الكرم والحميه
..
اهل المراجل ممنين المداخيل
.
واهل الشجاعه والعزوم القويه
..
ادلالهم حيه من البن والهيل
.
اونارهم ماتنطفي دوم حيه
..
سلم عليه ومد صافي الفناجيل
.
وخذ معه في العلم روحه وجيه
..
واعطه جزيل العلم واعط التفاصيل
.
واعطه علومن في ضميري خفيه
..
وان صارلك في العلم ياطير تطويل
.
قوله ترى ايدينك تمد العطيه
..
تعطي الذهب والماس والسيف والخيل
.
وتمد بيدينك بصفوات نيه
..
ونا ولد فارس وشهم الرجاجيل
.
معرب الجدان صنت الوصيه
..
تبقى الوصيه جيل متوارثه جيل
.
جيل الفخر جيل الطبوع الوفيه
..
جيتك وابي ابلغك بالمراسيل
.
من صوب رجالن علومه تقيه
..
انا انتظر رد الليالي المقابيل
.
والنفس بالمكتوب نفسن رضيه