10-19-2010, 05:26 PM
|
#14
|
|
مشرف
تاريخ التسجيل: Apr 2008
الدولة: وسط قلب حبيبتي
المشاركات: 349
معدل تقييم المستوى: 17 
|
لجلك شرب دفتري من صافي احباري
ولجلك هويت السهر والليل وسكونــــه
يامنتهى رحلتي في الحب واسفـــاري
عراوي القلب فـي يمنـاك مرهونــــــه
أسهر على صورتك وأستنزف اشعاري
وانخى لك الهاجس اللي فاض مخزونه
مشاعري تتجه لـك دون مااختــــــاري
شمال المشاعـر مالهـا دونـــــه
غيثك على مهجتـــي مـا بلـل قفـــاري
عطشــان وصلك يبا يشربـك بعيونـــه
صوتك مزاجي وشوفة وجهك سكاري
اسكر على شوفة المزيـون ولحونــــه
باحت سدودي على طاريك واسـراري
إسمك يدكدك سدود الحب وحصونـه
بانت عليّه مـواري حبـك الجــــــــاري
وسط العروق احتمى والقلب ماعونـه
عزاي في غيبتك مراكـي ووجــــاري
والدله اللـي علـى مرفـاه مركونــــــه
هذي علومي بعـد فرقـاك واخبــــاري
أن كان تنشد عن المشتاق وش لـــونه
__________________
 ابوي علمني على سـ6ـت :
1- لا تمْد كفّـــــكْ للكفوْف الرديّه
2- ولا تسوق رجلكْ للذي ما يدانيك
3- وخَلّك خُـوِيٍّ ما يخلّي خويّه
4- وافزعْ لمنهو جاكْ بالضّيقْ ناخيك
5- وخلّكْ كريمٍ وافيٍ بالعطيّه
6- والطّيبْ والاحسانْ آول مبآديك
أبــ نجم ــ مأمون ـــــ زوبع ــــو
|
|
|