ابكي يامهد الاحرار.. وصب الدمع بغير ثمان
ع فقد اليث المغوار ... خساره يالباشا سلطان
..............
خساره يابني معروف..... ع فقد اليث الغادي
سلطان بفعلو معروف...... ياما ركع اعادي
بوقعه تل الخروف ...... مش لازم نعطي شهادي
لكن راح نرمز بحروف ...... ليزيد العقد قلادي
تركيا غرقت بالطوف..... يومن غارت ع بلادي
جيش فرنسا ذاق الخوف..... قواتو خافو زيادي
إنا نركع مش مألوف ...... لكن في عنا عادي
نهجم ع العسكر بسيوف....... نعمل لحمو زوادي
وعادتنا غيث الملهوف...... ومن أدهم خوذ العنوان
.............
من أدهم خوذ العبره..... قصه أدهم مبخوني
جانا وبقلبو الحصره........ قال الامان عطوني
جبنالو مي وسفره....... بيت مأثث مع موني
خيل مجرب مع مهره...... سيف شفارو مسنوني
والباشا بصدر الحضره...... قلو تفضل يا عيوني
بين اللفي والقطره...... كل حقوقك مضموني
فرنسا المره ع المره...... قالت أدهم عطوني
جاوبنا فرنسا بنبره....... وقلنا للحرب قومي
شعلنا نار الثوره........ ضد فرنسا الملعوني
وحرمنا القهوه المره....... لو أدهم عاود منهان
......
حمينا أدهم خنجر ..... وعن كلمتنا ما حدنا
جتنا فرنسا بالعسكر...... واستولت ع بلدنا
ما فينا واحد قصر...... ولا ع الذل اعتدنا
شعبها عالخمر بيسكر.... ونحنا ع الدم اعتدنا
من بعد سنين المهجر...... عدنا للجبل عدنا
مع قولت الله اكبر...... رجعنا حقوق الاوطان
.......
بعد فرنسا والاتراك....... شيشكلي جار علينا
ياشيشكلي آمناك......... بمحرابك صلينا
ع سوريا نصبناك......... وصرت الريس علينا
لكن غروك الاتراك ..... وجيت بجيشك تغزينا
الظاهر جدك ما وصاك........ قلك أوعى تعادينا
حيث الدرزي ما بيخشاك...... لازم تعرف ماضينا
الباشا قرر يتحداك......... وحنا من خلفو مشينا
نواف بضربه خلاك .......... تتعشى فيك الغربان
....
بعد الشيشكلي ما مات..... وصفى ع الغبره ملقوح
عشنا اخوان وخيات......... ردت لجبلنا الروح
ماكانت عنا نيات.......... يجدد فينا الدهر جروح
فجأه هزتنا النعوات........ صاح الصايح ع السطوح
خساره سبع الجبل مات...... خساره يالوجه السموح
وانصاب الجبل بالذات......... والعالم صفى مجروح
بشهاده أهل اللفات ..... مرحومي ياذيك الروح
و ع الخلد الباشا فوات........ موعود بجنه رضوان