مال الخطا في ساحة الظلم تبرير
لوجيتني تعض كف الندامه
ولاللخطاء في حق الأصحاب تفسير
إلاأنها من باب جرح الكرامه
الاوله يازين عدت على خير
والثانيه تبقى بوجهك علامه
لوتعتذر ماينفع المعاذير
كلن عرفنا قيمته وإحترامه
العام وضعك غير وأحبابنا غير
وطولت لك في مبر الحب قامه
واليوم هبت في سماك المعاصير
والجو عقب الغيث ثور عسامه
ماجاك من يمي خطيه وتقصير
والحب يالغالي منحتك وسامه
تلعب على شجرة غلاك العصافير
وتطير من غصن المحبه حمامه
ودلال شوقي في غيابك مباهير
وياما اتحرى رجعتك بالسلامه
وشلون تزرع في طريقي مسامير
يموت حب ولاتموت الكرامه
وأن كان للمظلوم ماجاء مناصير
ترى الوعد يازين يوم القيامه