ومن عندي كمان قصيدة بس بصراحة ما بعرف مين الشاعر
ابكي يا مهد الأحرار صب الدمع بغير ثمان
عا فقد الليث المغوار خسارة ياالباشا سلطان
خسارة يا بني معروف عافقد الليث الغادي
سلطان بفعلو معروف ياما ركع أعادي
بوقعة تل الخروف مش لازم نعطي شهادة
لكن رح نرمز بحروف ونزيد العقد قلادة
تركيا غرقت بالطوف يوم أن غارت عبلادي
جيش فرنسا ذاق الخوف قوادو خافوا زيادة
إنا نركع مش مألوف لكن في إلنا عادة
نهجم عالعسكر بسيوف نعمل لحمن زوادة
عادتنا نغيث الملهوف من أدهم خوذ العنوان
من أدهم خوذ العبرة قصة أدهم مبخوني
جانا وبقلبو حسرة قال الآمان عطوني
جبنا زوادي وصفرة بيت مأثث مع موني
رمح مجرب مع مهرة سيف شفارو مسنوني
والباشا بصدر الحضرة قلوه تفضل يا عيوني
بين اللفة والقطرا كل حقوقك مضموني
فرنسا الحرة هالمرة قالت أدهم عطوني
جاوبنا فرنسا بنبرة قلنا للحرب قومي
حرّمنا القهوة المرة لو أدهم عاود منهان
وحمينا ادهم خنجر عن كلمتنا ما حدنا
جتنا فرنسا بالعسكر واستولت عبلدنا
ما فينا واحد قصّر ولا عالذل اعتدنا
شعبا عالخمر بيسكر نحنا عالدم اعتدنا
الباشا الثورة فجّر كان خيرة قائدنا
الله عجبينو مصور اسمو مزين معبدنا
مع قولة الله اكبر رجعنا حقوق الوطان
بعد فرنسا ةالأتراك الشيشكلي جار علينا
يا شيشكلي امناك وبمحرابك صلينا
يلي بيسوانا بيسواك حيث أنك منا وفينا
وعاسوريا وليّناك وصرت الريس علينا
لكن غروّك الأتراك جيت بجيشك تغزينا
الظاهر جدك ما وصاك وقلك أوعى تغزينا
بأرض المهجر طلبناك دم ما صعب علينا
نواف بطلقة خلاّك تتعشى فيك الغربان
وبعد الشيشكلي ما مات وصفى بالتربة ملقوح
قلنا الماضي كلو مات والحاضر حالو مصلوح
عشنا اخوان وخيات وردت لسوريا الروح
فجأة هزتنا النعوات وصاح الصايح عالسطوح
خسارة سبع الجبل مات خسارة يالوجه الصبوح
عالجنة الباشا فوات موعود بجنة رضوان
لك كل الود والاحترام
أخي هادي