ضرب البلطجي باب القهوة برجله 
فوقف جميع رواد المقهى خوفا من البلطجي الا شاب كان يجلس وهو شارد الذهن ينظر الى كوب الشاي الذي أمامه
فاتجه اليه البلطجي وأخذ كوب الشاي من أمام الشاب وشربه مرة واحدة ثم ألقى الكوب فارغا وقال للشاب ادفع أنت ثمن الشاي
بكى الشاب بكاء مريرا
البلطجي: بتعيط عشان خمسين قرش وعامل لي راجل
الشاب: أنا بعيط عشان ماليش بخت في الدنيا ددي كل ماروح شغلانه أفشل فيها ويطردني صاحب الشغل
اشتغلت قهوجي وقعت الشاي والطلبات على الزباين
اشتغلت مكوجي حرقت هدوم الزباين
اشتغلت محاسب في شركة طلعت شركة نصب والبوليس قفلها
سافرت السعودية طلع العقد مضروب ورجعت ترحيل
رحت العراق حصل الغزو وراحت فلوسي ورجعت ماشي
بصراحة أنا انسان فاشل في كل حاجة أعملها
البلطجي: ياه دا انت فاشل خالص
الشاب: امال لو عرفت اللي حصل الشهر اللي فات ، كنت رايح شغلانة جديدة فصحيت الصبح متأخر فنزلت بسرعة وركبت عربية جارنا اللي حططها قدام البيت ورحت الشغل برضه متأخر
فطردني صاحب الشغل لاستهتاري بمواعيد العمل فخرجت من الشركة فاكتشفت ان حرامي سرق العربية فاتهمني جاري بسرقة العربية وقبضوا علي واتسجنت 6 شهور ولسه خارج النهارده
حتى الانتحار فشلت فيه
البلطجي: ازاي
الشاب: رحت للبقال واشتريت منه أقوى سم وجيت القهوة وحطيت السم في الشاي عشان اشربه اموت واخلص من حياتي فجيت انته وشربت الشاي بتاعي اللي فيه السم
الله يرحم البلطجي كان طيب والله