|
وسائل الاتصال بالإنترنت بالسويداء
تحية طيبة للجميع كل منا يدرك أهمية الإنترنت في زمننا الحاضر .. ولما لذلك من طلب ملح ، حبيت وضح كم فكرة: بما أن شبكة الهاتف شبكة ممدودة بين أغلب الناس بالحالة العادية ، تم استغلال هذه الشبكة والاستفادة منها بنقل البيانات ، كل منا بيعرف الموديمات وعملها اللي بيتمثل بتحويل المعلومات الرقمية لإشارات صوتية ممكن نقلا على شبكة الهاتف ... طبعاً هاي طريقة الاتصال المعروفة باسم اتصال الطلب الهاتفي. وبما أن المقاسم الهاتفية هي المتحكم الأول بالبيانات والإشارات المنقولة عبر الشبكة الهاتفية، فإن أنواعها تلعب الدور الأكبر في عملية نقلها للمعلومات وضمن محافظة السويداء ، والقطر إجمالاً ، يوجد ثلاث أنواع رئيسية للمقاسم الهاتفية: - المقاسم الألمانية : سيمنس - المقاسم السويدية: إيريكسون - المقاسم الكورية : سامسونج طبعاً النوع الأول هو الأقدم ، لكنه مستعمل كمقاسم ربط مثل صلخد ، السويدا ، ملح ... النوع الثاني ، أحدث ، وسعات كبيرة أيضاً مثل مقسم السويداء الثاني... النوع الثالث والأكثر انتشاراُ ، معروف باسم المقاسم الريفية ، مثل عرمان ، الهويا ، امتان ... هناك تنقيات النقل السريعة للبيانات ، مثل ISDN وهي معروفة باسم الشبكة الرقمية متكاملة الخدمة ، فائدتها بالدرجة الأولى إضافة خانة على الرقم واستخدام فاكس وهاتف وانترنت ... على نفس رقم الهاتف ADSL وهي الطريقة الأسرع حالياً لنقل البيانات ، سرعات نقل البيانات تصل فيها حتى 8 ميغا بت بالثانية لكن مع الأسف هاتين التقيتين لا تعملان على المقاسم الريفية والجدير بالذكر حالياً ، انتشار تقنية الجيل الثالث لاتصال الإنترنت ، وهي عبر وصل مودم من نوع خاص ، يركب فيه سيم موبايل ، بحيث يفتح سرعة اتصال تصل حتى 7.2 ميغا بت بالثانية ، لكنها مشروطة بوجود أبراجها الخاصة من الجيل الثالث ، وحالياً يوجد في السويداء حوالي الأربعة أبراج ، وقريباً في منطقة صلخد انشاء الله ... مع الإشارة إلى أنه لا يمكن بالحالة العادية وصل أكثر من حاسب على الخدمة الأخير ، إلا بوجود تفريع للشبكة ... بتمنى تكونو وجدتو الفائدة فيما ذكر ،، آملين التطور المستمر في تقانات الاتصال مع بالغ تقديري وتحياتي للجميع المركز المهني المعلوماتي بالسويداء |
اخى مرهف شكرا لك ع الافاده والمعلومات اللتى طرحت بنتمنى منك التواصل بكل جديد ومفيد يسلموو يدينك دمت..بخير |
مشكور اخ مرهف على هالمعلومات القيمة
يعطيك العافية شكرا لجهودك تقبل مروري |
شكرا الك مرهف ويعطيك ألف عافي
بس السرعة 7 _8 ميغا ما عم تكون حقيقية للمستخدمين هيي أقل بكثير من هيك والسويداء تحديدا معظم المناطق بيشتغلوا على 512 شكرا لك |
منورين
نورتي الموضوع اخت ورد السعودية ، ميت هلا هلا إيهاب منور الله يعافيك خيي منيار ، الحقيقة انو 512 كثير ناس بتاخذا ، بس كمان في ناس بتاخذ 1 و 2 ميغا بس طبعاً أكيد بموافقات رسمية ، لإنو هي أكثر من الحد المنزلي المسموح اللي هو 512 نورتو الموضوع ياشباب j7j7orman wbs والف شكر على المرور الجميل |
شكرا
شكرا أخي مرهف على الموضوع الرائع كلنا منعرف ان الأنترنت صار ضرورة و لازم الكل يمتلك خط لان وسائل الأتصال تتطور يوم بعد يوم نتمنى ان يتحسن حالة الانترنت بشكل عام في سوريا و في جميع المراكز الحكومية و الخاصة لتوفير الوقت و الجهد علينا  |
العفو خيي فراس منور
هلا فيك خيي فراس، اكيد انشالله منتمنى يصير وضع الانترنت احسن كونو صار كثير في عليه اعتماد بمجالات الحياة عامةً، والتعليم خاصةً تحياتي |
شكرا جزيلا لك أخ مرهف فعلا بالأرياف في مشكلة كبيرة يعني لا ADSL ولا إنترنت و قال ع أساس خدمة ال 3G تكون مغطية السويداء نهاية السنة الجاي و نحنا ما إلنا غير ندعي j7j7j7j7j7j7j7j7j7j7j7j7j7j7 |
| الساعة الآن: 07:46 PM |
جميع الحقوق محفوظة موقع بلدة عرمان