للنقاش نعمة ولا نقمة

[عمر عادل صياغة]

الله يجعل أوقاتكن كلها خير..
اليوم حضرت نقاش بين شخصين وحبيت أنقلكن يا لشوف شو رايكن؟
أول واحد كان عبيحكي بطريقة عصبية و مش طايق حالو وأول شي فهمت من تصرفاتو وصوتو كأنو صاير كارثة بعدين فهمت إنو هالكارثة هي إنو برامج الشاتاللي على الموبايل ( ebuddy - mig - nimbuzz ...) معش عبتشتغلوكأنو محجوبة من الشبكة ..
و الثاني كان عبيناقرو ويشمت في بحجة إنو صارت السهرات و الروحات والرجعات و القعدات مجرد أشخاص مجتمعين بمكان واحد وماسكين الموبايلات وعلى هذه البرامج وما حداعبيتواصل مع حدا بس ممكن يكونو عبيحكو مع بعضن بنفس القعدة بس عالشات وممكن يكونو مابيعرفوإنن عبيحكو مع بعضن والصدفة جمعتن بنفس غرفة الشات
( اللي عبتكون بمعظم الأحيان وما بدنا نعمم منشان ما نظلم حداغرف فاسدة عبتشد الناس بدون مايحسو بهالتجاه )
هذا إذا ماكان كل واحد منن مسجل على إنو بنت مثلا وعبيحكي مع بنت ثاني و آخر شي بيكتشف إنو البنت الثاني كمان هي شب وبعدين بيطلع مافي ولا بنت بتستعمل الشات وكل الجنس اللطيف اللي عالشات شباب و يالطيف .حبيت آخذ رايكن و لو بكلمة أو بتصويت عن هالشي مشكورين
أخوكم.

[حازم صيموعة]

أول شي بحب اشكرك خيي عمر على الموضوع ( المهم )
طبعا إلغاء هالبرامج ممكن يكون نعمة ونقمة بنفس الوقت ....
نعمة انو ممكن يخفف شوي من تضييع الوقت على أمور ما منها فايدة .....
ونقمة على بعض الناس اللي كانت تستفيد من هالبرامج بالتواصل مع أشخاص بعيدة وبتكلفة أقل من الاتصال ....
وطبعا وضع الناس الاقتصادي معروف وأكيد توفير هيك طريقة للتواصل كان إنقاذ لبعض الناس....
بس بكل الحالات ....
موضوع الالغاء ما بيستاهل كل هالضجة اللي سمعناها ....
وانتبه لشغلة كثير بتقهر ....
انو الزعل الكبير جاي من اللي كانو يضيعو وقتن بهيك مجال...
أما اللي كانو يستفيدو من هالبرامج بتشوفن ما بيقولو غير الله بيعين ....
وهلق كمان منقول الله بيعين ......
وأكيد ما بيطلع بايدنا نحكي شي ولا نعمل شي .....
وأحسن شي نعمل متل ما قال الشاعر ....

يا قوم لا تتكلموا ........ إن الكلام محرم
ناموا ولا تستيقضوا ......... ما فاز إلا النوم

[عمر عادل صياغة]

صدقني اليوم من الصبح عبردد هالبيت بيني و بين حالي
مافاز إلا النوم

[Lama]

يعطيك العافيه اخى الكريم

موضوع رائع

برأيي اى تقنيه بوقتنا الحاضر هى سلاح ذو حدين للمستخدم

نعمه لمن يحسن استخدام مثل هذه البرامج او هذه التقنيه ونقمه لمن اسأ استخدامها

وللأسف فى وطننا العربى بصراحه نسبه سوء الاستخدام اعلى من نسبه توظيف هذه الخدمه فى مكانها الصحيح والآمن ...


خاصه انها اصبحت سهله التناول على فئات المجتمع المتعدده بيد الصغير والكبير والغنى والفقير وو..



شكرا جزيلا لك ..

[غريب]

حلو كثير الموضوع

التحول الأول كان دخول التلفزيون على كل بيت فضاعت نكهة المضافة وطعمتها بمجتمعنا

واليوم هون بداية تحول جديد وبعد النتائج ما بينت كلها

والله يستر

حتى الأهل بالبيت كبير وصغير الكل مشغول عن الثاني بهيك أمور

يسلمو



!

[Ghada Saymoua]

بالفعل هيي نعمة ونقمة وانا بعتبر نقمتها اكتر من نعمتها بس وين بدك تلاقي يلي يستخدمها بااحترام اكيد اقلية
شكرا ...