المساعد الشخصي الرقمي

مشاهدة النسخة كاملة : هل تقبل بفتاة لاتنجب...تقبلين بشاب لاينجب؟

هادي سلمان رشيد
12-17-2009, 10:36 PM
http://www.3ode.net/vb/uploader/25030_1220625003.gif

(المال و البنون زينةُ الحياة الدنيا )

فجميعنا نتمنى ان نرزق بأبناء..

لكن لو وجدت البنت شاب لاينجب واخلاقه عالية ولكن عيبه

الوحيد انه لاينجب تقبلين الزواج من؟؟

وكذلك السؤال موجه للشباب

هل تقبل الزواج بفتاة لاتنجب؟؟

واذا تزوجتم واكدت الفحوصات بأن احد الطرفين لاينجب فما

هي ردة الفعل؟؟؟

هل تهون عليكم العشرة طوال السنين الذي قضيتموها مع

بعض وتفترقا ؟؟

أم انك ايها الرجل تريد الزواج من امراة ثانية وبقاؤها

على ذمتك ام ماذا؟؟

وانت ايتها الإمرأة ماذا ستكون ردة فعلك ؟؟

هل ستطلبين الطلاق والانفصال او تبقين صابرة محبه

ومتعاونة وتحاولين ان تنسيه همومه ؟؟
EHAB ALHALABI
12-18-2009, 11:02 AM
سؤال صعب لانو أكيد موقف مصيري

بصراحة الانسانة الي بدي ارتبط فيها أكيد راح تكون كل شين بحياتي

ولما يكون الحب والتفاهم موجود .. اكي راح تكون القناعة موجودة

لذا مستحيل فكر انو اتركها مهما كانت الاسباب ...

ممكن يكون في فكرة تبني طفل مافي عندي مشكلة من هالناحية ..

شكراً موضوع حلو وممكن يصير مع أي انسان ..

.


.


.
عاشق نزار قباني
12-20-2009, 01:24 PM
بشكرك أبن العم على الطرح الرائع

متل ما اتفضل الأخ إيهاب موضوع صعب وكثير كمان

ممكن بالأول يكون الأمر عادي يعني ببداية العلاقة أو الزواج

انو نحنا بدنا نضل عايشين براحتنا بلا الواع والويع

بس بتجي لحظة منوقف عندها إنو لازم يكون في طفل يحمل أسم الأب

وقتها شو ممكن نسوي

وإذا متل ما حكى إيهاب إنو نتبنى ولد فهي أكيد بس بالأفلام أما كمجتمع هون بحياتها ما صارت

والحياة بلا ولاد أكيد رح تكون مظلمة وبدون طعم

وبما إنو في بنات قادرة على الإنجاب ليش لأختار اللي ما بتنجب وأكيد أني مجرد ما أعرف
إنها ما بتنجب رح إنسحب

أنا ما بحب ناقض كلامي لأنو في موضوع رديت عليه تبع الحب وهيك شي أنو مستحيل أنضر
للسيئات اللي بالبنت إذا كنت بحبها

بس هون اختلف الموضوع كان نقاشنا عن المال أما إنو ما بتجيب ولاد
فأكيد نقطة غير محبذة ومستحيل أخطو هيك خطوي

وبالنهاية هذا رأيي وما بعرف ممكن يكون صح

تحياتي قرابتي
حاتم العطواني
12-20-2009, 06:06 PM
اني بختلف عن ايهاب وعاشق

اني بعرف زوجين ظلو 18 سنة بدون اولاد بعدين الله طعمن ولاد (توم بنات) الله يخليهم

ولما انا بحب وحدي وبتزوجها والله قدر وكتب انو ما بتجيب أولاد أكيييييد مش رح اتخلى عنها بهذا الموقف لانو الأمر رباني مش بإيدها ولا بإيدي والحب والعلاقة الزوجية هي عبارة عن تضحية

ورح كمل مع البنت حتى لو انكتبلي عيش مية سنة ( الله لا يقدر )

والله كريم وعلى كل شيئ قدير ممكن يكون هالشي امتحان للزوجين واذا انسحب أحد الأطراف بيكون فشل بالامتحان

تقبلوا رأي واحترامي لآراء الآخرين


وسلامي للجميع
أنا الغالية
12-21-2009, 11:21 AM
أنا بتفق بالرأي مع حاتم ..
الحب والزواج تضحيه ...
ولو صار هالموقف معي الله لا يقدر .... ابداا ما رح يأثر على حياتنا ...بالعكس بنحاول وبنسعى سوى ... ويلي ربنا كاتبه ورايده بالنهايه بصير ....
يسلموااا هادي ....
teto_65
WiSaM R
12-21-2009, 01:04 PM
وبالنهاية هذا رأيي وما بعرف ممكن يكون صح



تقبلوا رأي واحترامي لآراء الآخرين



يا شباب شو اتفقنا؟!!!

يعني كل واحد ما عميعطي رايه الخاص وكانو عميقول رايه منشان نحنا نعجب فيه وهوي مو واثق برايو او ما بيعرف انو صح ولا غلط

قولو رايكن وبدون هالعبارات

ما كتبنا موضوع كبير ولو وقلنا بدون شكرا وتقديرا وما بعرف شوووو؟؟؟
حاتم العطواني
12-21-2009, 01:11 PM
يعني كل واحد ما عميعطي رايه الخاص وكانو عميقول رايه منشان نحنا نعجب فيه



تحياتي وسام

بس للتوضيح انا بعبارتي هذي :

تقبلوا رأي واحترامي لآراء الآخرين

ما فرضت رأي على حدا بالعكس انا أبديت احترامي لآراء الشباب اللي علقو قبلي







وهوي مو واثق برايو او ما بيعرف انو صح ولا غلط


أنا بحياتي ما عطيت رأي ما كنت واثق فيه والموضوع هذا ما بدو نسبة صح أو خطأ لانو القرار ينبع من منطلق شخصي تابع للشخص اللي بالموقف يعني بتختلف المواقف حسب اختلاف الاشخاص لانو مش كل الناس نفس التفكير وما فيك تحكم على رأي ولا رأي ايهاب ولا عاشق انو صح أو خطأ لانو كل واحد إلو رأ] مختلف ومنطلق مختلف للحياة


حبيت أوضح فكرتي خي وسام

تحياتي
عاشق نزار قباني
12-21-2009, 01:34 PM
يا جماعة اني معكن باللي عبتحكو

يعني إذا اتزوجتها وبعدين أكتشفت إنها ما بتجيب ولاد بعرف إنو هذا قدرنا
أكيد أني ما رح أنخلى عنها

أما أعرف إنها ما بتجيب ولاد وإتجوزها

ومنشان الأخ وسام

ملاحظ إنك عم تقيد الأعضاء بكتاباتهن ؟؟؟؟

خلينا نكتب على راحتنا
\
أول مرة بشوف هيك تدقيق على الكتابة حاسس حالي بالمدرسة يا رجل
WiSaM R
12-21-2009, 07:43 PM
اكيد حـــاتـــم فاهم منيح وانا قصدت بردي بس مجرد تذكير بالاتفقنا عليه والي انتو كلكن قبلتو كل شي كتبتو وما كان عنكن اي اعتراض على الشروط وانا عمنفذ الشروط والموضوع معليش من دون تحسس مني شباب وانا والله مو قاصد اي شي لردك انت حاتم
وعاشق نزار قباني وبالعكس عجبني ردودكم وفيها كثير واقعي

بس معليش كلمة لعاشق نزار لانو ما عندو فكرة ليش هيك رديت وبتمنى يفهم شو قصدي من هالرد

عاشق نزار قباني


ومنشان الأخ وسام

ملاحظ إنك عم تقيد الأعضاء بكتاباتهن ؟؟؟؟

خلينا نكتب على راحتنا
\
أول مرة بشوف هيك تدقيق على الكتابة حاسس حالي بالمدرسة يا رجل


يعني هالكلام مو الي انا بتعرف ليش

لانو لو فعلا صحيح ما عمخلي الاعضاء يقولو رايهن ما كنت انا اول واحد بالمنتدى بشد على الكل منشان المناقشات والردود القوية والي الها معنى والكل بيعرف هالشي انو انا اول واحد كنت عمدور على الردود الي فيها نقاشات وانا عمبحذف كل الردود الي ما يها نقاش ابدا
ولو فعلا هيكي مثل ما عمتقول عم اتشدد عليكم

كنت يا حبيب القلب حذفت اهداءك الي فوقhttp://www.greensmilies.com/wp-includes/images/smilies/smiley_emoticons_wink2.gif والي انت غلطت فيه لانو ما حدا بيعرف انو قصتك بالحب وردك بموضوع العشق اكيد فهمت قصدي
وانـــا تركت اهداءك وما عملتلو حذف

وشغلي اهم شي بسرعة فوت لهوني للموضوع هذا

رسالة خاصة هام للجميع (http://ormanland.net/forum/showthread.php?goto=newpost&t=5476)

واقرا كل شي وكل الردود لحتى تعرف ليش هيك رديت
وعلى فكرة انا كنت ما عمشارك بالمنتدى ابدا كنت بس عمزبط فيه وبس لانو الكل صار يشتكي ويرسلولي وحازم صيموعة وغادة والغالية وكل الاعضاء صارو يقولو
وسام هالردود مملة ما حدا عميرد على مواضيعنا لانو بعض الاعضاء عميعملو تحيز بالرد على المواضيع وفعلا صار المنتدى كثير ناشف كله كلمات شكرا للموضوع وما فيه نقاش ابدا .... المهم بناء على طلبهن انا عملت هالموضوع ولازم اتقيد بالموضوع الي الكل رد هونيكي وووافقوني عليه وانا جاهز لاي اعتراض او مناقشة على اي شرط بالموضوع هونيكي واهلن فيك
وما عاد بدي اسمع شي ..مرة ثاني مثل هالرد