مشاهدة النسخة كاملة : محبوب قلبك بالهوا سميتني ..............
Ghada Saymoua
12-06-2009, 01:32 PM
محبوب قلبك بالهوى سميتني ......من بعد ما سميتني سميتني
عليتني عجوانحك عالي بالسما .....من بعد ما عليتني عليتني
عليتني عجوانحك فوق السما.....وصرت تحكي بالاشارة وبالوما
جريتني من الظلم بي ميل العمى...من بعد ما جريتني جريتني
عوتني اقضي حياتي بالسجون.........لا عطف صافي ولا قلب يخفق حنون
سليتني بلغة جفونك والعيون ........من بعد ما سليتني سليتني
.يا ريت ما جيت زرتك بالمزار.........وذكرتني بأيام ما كنا صغار
خليتني لبحت بكل الاسرار.........ومن بعد ما خليتني خليتني
يل ريتنا بامتان ما سهرنا سوا........وغنيتلك نغمات قلبي وشو طوى
جليتني تاصرت اعلى من الهوى........يا ريت ما جليتني وجليتني
كنا نقضي الليل ضحك وتكتكي.....قلبي احترق يا صاحبي وقلبك بكي
مليتني لمز وصفا وغمز وحكي...........يا ريت ما مليتني ومليتني
أسم قائل هذه القصيده
الشاعر سلمان نفاع من قرية إمتان
الذي لقب بشحرور الجبل
WiSaM R
12-06-2009, 04:59 PM
شكرا غادة والله قصيدة حلوة كثير
يسلم هالايدين
Ghada Saymoua
12-07-2009, 08:16 AM
اشكر مرورك الوحيد اخ وسام في صفحتي المتواضعة
على الاقل في احد يشاركني
لانو من الملاحظ ان الاعضاء يمكن مو عاجبهن المواضيع التي اطرحها لذلك صار لي اسبوع بنزل مواضيع ولاالقى التجاوب والمشاركة او ممكن في تحيزلاعضاء
اشكر مرورك وحسن استماعك مع خالص احترامي وتقديري لشخصك الكريم
WiSaM R
12-07-2009, 09:39 AM
والله يا غادة خليني قول الصراحة وهي قدام الكل
المنتدى قبل كان اقوى بردوده وبمواضيعه لانو
كل واحد بيدخل بقول رائيه واما هلق لا
فعميدخل ليقول كلمة شكرا ويطلع وهوي مو قرا الموضوع
غادة
انا ما بحب رد بكلمة شكرا للموضوع مثل ردي هوني
بس قلت انا برد عليه منشان ياخذ فرصتو بالرد من الجميع
خلينا نكون يا جماعة صريحين بردودنا خلي المنتدى يشتعل خلي ردودكم شوي بنقاش ومو بس بكلمة شكرا وغيروو
وخلينا نلغي كلمة شكرا من ردودنا
حازم صيموعة
12-07-2009, 09:58 AM
أول شي بقدم تحية كبيرة لبنت العم غادة ....
ولمشاركاتها المميزة ....
وتحية للصديق وسام المشرف العام....
يمكن تناقشنا كثير قبل بهالموضوع ......
طبعا أكيد حكيك صحيح يا وسام والمنتدى قبل كان فيه حماس أكثر وكان أقوى بردوده وبمواضيعه كمان .....
من وجهة نظري وما بعرف اذا بتتفقو معي ......
المشكلة موجودة بالكمية الكبيرة من المواضيع
يعني انا لما ادخل وشوف في عشر مواضيع جداد لنفس العضو ــ مو بشي بس نفسيا ــ أنا ما بيعود عندي رغبة رد عليه ....
ومع احترامي للجميع أغلب الأعضاء هيك بيعملو ....
وطالما انو ما بيكفي كلمة شكرا بالرد فلازم يكون الموضوع حلو لحتى اقدر ناقش فيه ....
أو لازم يكون معي وقت لحتى اقراه منيح واحكي رأيي فيه ....
بس أكيد ما بقدر ادخل واقرا عشرين موضوع جداد ورد على الكل رد مرتب وخرج الموضوع ....
بدخل لحتى اقرا المواضيع الجديدة بقوم بضيع بينها وبتصير كلمة شكرا هي الرد الوحيد ....
من شان هيك بطلع من الموضوع بدون رد .... لحتى ما رد رد يقلل من قيمة الموضوع ....
يمكن طولت عليكن بكلامي .... بتمنى تكون وصلت وجهة نظري ....
تحياتي وتقديري للجميع .......
Ghada Saymoua
12-07-2009, 10:13 AM
معك حق اخ وسام كان المنتدى اقوى بالردود والمشاركات كانو الاعضاء مالون نفس على المشاركة والمناقشة وكل واحد عم بيفكر بنفسو لابالجماعة لان المنتدى بيكبر بالجماعة وليس بزيادة عدد المواضيع وبالمرور بكلمة شكرا نحن نريد التفاعل لانجاح هذا الصرح العظيم الذي يحمل اسم بلدتنا الحبيبة والغالية على قلوبنا جميعا
شكرا لك وسام على حسن استماعك واشكر الاعضاء الكرام على حسن اصغائكم واتمنى ان نكون يدا واحدة
احترامي وتقديري للجميع
Ghada Saymoua
12-07-2009, 10:26 AM
بشكر مداخلتك ابن العم حازم وكلامك مئة بالمئة صحيح لازم يكون عدد المشاركات معينة خلال اسبوع مثلا لايتجاوز ٣ او ٤مشاركات لك عضو بالاسبوع ليتسنى للجميع المشاركة
تحياتي واحترامي لك ابن العم حازم
قصيدة رائعة جدا اخت غادة
يعطيكي الف عافية يا اميرة
WiSaM R
12-07-2009, 01:29 PM
أول شي بقدم تحية كبيرة لبنت العم غادة ....
ولمشاركاتها المميزة ....
وتحية للصديق وسام المشرف العام....
يمكن تناقشنا كثير قبل بهالموضوع ......
طبعا أكيد حكيك صحيح يا وسام والمنتدى قبل كان فيه حماس أكثر وكان أقوى بردوده وبمواضيعه كمان .....
من وجهة نظري وما بعرف اذا بتتفقو معي ......
المشكلة موجودة بالكمية الكبيرة من المواضيع
يعني انا لما ادخل وشوف في عشر مواضيع جداد لنفس العضو ــ مو بشي بس نفسيا ــ أنا ما بيعود عندي رغبة رد عليه ....
ومع احترامي للجميع أغلب الأعضاء هيك بيعملو ....
وطالما انو ما بيكفي كلمة شكرا بالرد فلازم يكون الموضوع حلو لحتى اقدر ناقش فيه ....
أو لازم يكون معي وقت لحتى اقراه منيح واحكي رأيي فيه ....
بس أكيد ما بقدر ادخل واقرا عشرين موضوع جداد ورد على الكل رد مرتب وخرج الموضوع ....
بدخل لحتى اقرا المواضيع الجديدة بقوم بضيع بينها وبتصير كلمة شكرا هي الرد الوحيد ....
من شان هيك بطلع من الموضوع بدون رد .... لحتى ما رد رد يقلل من قيمة الموضوع ....
يمكن طولت عليكن بكلامي .... بتمنى تكون وصلت وجهة نظري ....
تحياتي وتقديري للجميع .......
هلا حازم وغااادة
هالكم يوم بدي حط موضوع ولما اعمله راح ارسله للجميع وبدي رايكم فيه لنشوف
واكيد بتمنى يعجبكن وهالشي الي راح يزيد من تفاعلنا مع بعضorman wbs
Ghada Saymoua
12-08-2009, 11:04 AM
اشكرك اخ وسام على حسن استماعك
واشكر جهودك المبذولة لانجاح منتدانا وتطوره نحو الافضل
ونحن ننتظر موضوعك بفارغ الصبر
احترامي وتقديري لشخصك الكريم
Ghada Saymoua
12-10-2009, 09:28 PM
شكرا لكي حبيبتي اريج على مرورك الرقيق
دمتي بودي
Ghada Saymoua
12-10-2009, 09:30 PM
شكرا لك اخ سامر على اهتمامك بالشعر القديم
لانو يلي مالو قديم ماالو جديد
وللاسف الناس كلها هلق عم تتوجه للجديد ونسيت احلاااا كلمات وشعر اصيل
تحياااتي واحترامي لك
ابو حمزة
08-01-2010, 09:42 AM
مشكورة أخت غادة على القصيدة بس الأروع منها رد الشاعر نجم العباس عليها وقريباً انشالله بنزل الرد مع تحياتي
Ghada Saymoua
08-04-2010, 03:55 PM
شكرا على مرورك اخ ابو حمزة
واجب علينا أن نقدم أفضل مالدينا من قصائد نذكر بها شعرائنا من أجل الجبل
وأحياء تراثنا الجميل لكي يبقى دائما مثلنا
ولكي يعرف العالم بأسره من نحن وما قدمنا من أجل وطننا
موقـــع قريـــة عرمـــان 2008