المساعد الشخصي الرقمي

مشاهدة النسخة كاملة : مع سلامه دام مابه سلامه

المهند
10-14-2009, 07:13 PM
لاصرت بايعني أشوفك على خير
مع السلامه دام مابه سلامه!!

قلت: انتهينا؟ قلت لك: خير ياطير!
ماني بـأول شخص يخسر غرامه

محذرك من قبلها الف تحذير
لاعفتني بيعيف قلبي هيامه

مانيب ميّت لا ولا احتاج تبرير
صح الله لسانك ووفّر كلامه

بأسمعك حبكه وفكره وتصوير
وافهم عدل يامدعي الفهامه

وجه الشعر ابيض ويحتاج تغيير
ودي تزين هالقصيده علامه

ماضيك الا سود با أذكره دون تقصير
كذا يكون بخد هالشعر (شـآمه)!!!

يصدق معي تعبير ويخون تعبير
ياضيعة الشاعر بوقت انسجامه ؟!

يمكن خطا ادونك بالشعر مير ؟!
لو ما احترمتك للغرام احترامه


ماكان حبك غير بس طعنتك غير
علمتني معنى الندم والندامه

ماجاك مني اي زله وتقصير
كل ماخطيت اعاتبك بابتسامه

حسبي على الذكرى اذا هبت عصير
ماعاد تنفع شرهتي والملامه

البال ضامي وقتها والحزن بير
والهم انا اول من كسب اهتمامه


والليل فازع لك كذا؟! جاني مغير
ظلمتني واكثر ظلمني ظلامه؟!

وفزيت كل ضيفان اقوم بمقامه
وليا عزم هالليل ضيقه وتفكير

قلي بربك كيف بقدر أنامه ؟؟
مافيه داعي للعتب والمعاذير

الغدر(خال) الجرح واطيب (عمامه)!!
أمــا يجيب الله مطر.. تالي وخير
Ghada Saymoua
10-15-2009, 06:40 AM
قصيدة غاية في الروعه والجمال
يعطيك الف عافية
اخ المهند
تحياااتي
المهند
10-15-2009, 06:18 PM
لا يساعني إلا أشكرك أخت غاده

شكرا لكي لمرورك الطيف
دمتي برعايت الله
الحزين
10-17-2009, 05:30 PM
شكرا أخي المهند على هذا القصيده الحلوي
تقبل مروري
المنى
10-17-2009, 06:27 PM
قصيدة جميلة أشكرك على خطها لنا
شكرا المهند
المهند
10-18-2009, 05:06 PM
شكرا لموركم الر ائع والجميل أخي الحزين ولأخت المنى وتقبلو مني كل لود ولأحترام