نقاش حاد بين الشباب والصبايا!! [الأرشيف] - منتدى قرية عرمان السويداء جبل العرب الأشم

WiSaM R

10-09-2008, 10:44 AM

)_(مرحـــــبا يا احلى شباب و بنات )_(

http://cutie80.jeeran.com/ccbear13[1].gif

وهو عبارة عن حوار مثير بين فريقين

http://www.al-wed.com/pic-vb/1021.gif

فريق
[ الشباب ]

http://alhelallsyahoocom.jeeran.com/ValRosesblnk1.gif

فريق
[ البنات ]

وضعتها من باب المداعبة وتخفيف حدة التوتر بين الفريقين.

هناك أمور يكرهها الرجل في المرأه أو لا يستطيع فهمها

(( و ))

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب والافتراضيات.. حتى نستمتع و نخرج منه بنتائج إيجابية.

http://zamman.jeeran.com/bird_gift.gif

[ بداية الحوار ]

سيقوم فريق الشبـاااب بطرح تساؤل عن أمر معين لا يعجبه في البنــاات

وسيقوم فريق البنااات بالرد وتبرير الموقف

http://www.al-wed.com/pic-vb/1.gif

وبعد إعطاء الإجابات والمبررات الكافية يصبح فريق البنات في وضع الهجوم

ويطرح سؤال على فريق الشباب.....وهكذا يستمر الحوار

http://home.no.net/anyas/anyaflower428.gif

[ملاحظة]

يحق للجميع المشاركه وابداء الرأي ولكــن بعيدا عن التجريح

وبدووون استهزاء

http://www.al-wed.com/pic-vb/1.1.gif

يلا نبلش

راح اطرح سؤال على البنات:

1: ليش البنات بيحكو اكثر من الشباب؟؟

يلا يا صبايا جاوبو..

http://www.greeting-cards.com/images/images/004101w.gif
منقول

][ NOOR ][

10-09-2008, 06:22 PM

((( ليش البنات بيحكو اكثر من الشباب؟؟ ))

][][ اولا : حلوي الفكـــرة ... ثانيا : ردا على السؤال .. يمكن صح الكلام انو البنات بيحكو اكثر من

الشباب .. بس كثير بيصير العكس .. عادي يعني هي مو عيب او مشكله ... وهذا راي .. ^_^

MooN

10-09-2008, 09:16 PM

فكرتك حلوة كثير وسام
وبجاوبك عالسؤال مش بالضرورة البنات بيحكو أكثر
هذا الشي بيرجع لطبيعة الشخص نفسو
يعني اذا هادي أم لا

ملك الغرام

10-10-2008, 11:08 PM

فكرتك حلوة كثير وسام
وبجاوبك عالسؤال مش بالضرورة البنات بيحكو أكثر
هذا الشي بيرجع لطبيعة الشخص نفسو
يعني اذا هادي أم لا
انا بختلف في هي.. البنات بيحكو اكثر من الرجال وكان في دراسي على هل الشي في المانيا واكدو انو النساء بيحكو اكثر من الرجال ب10 مرات

ملك الغرام

10-10-2008, 11:12 PM

كان في نسوان ثنتين في السجن محكومين 40 سنه وخلص حكم وحدي منهم قبل الثاني واج الشرطي بدويطلعها وعند الباب قعدت تحكي مع وحدي جو السجن قلها الشرطي ياله خلصينا قالتلو بس لحظه وقالت لرفيقتها الي بعدها في السجن برجع بكمالك قالها الشرطي 40 سنه وما خلصتو

رهوم

10-14-2008, 09:58 AM

ملك الغرام

10-15-2008, 02:23 AM

معك حق البنات بيحكو اكتر بالفطره وبيحكو اكتر بكتييييييير

هلق بدي اطرح سؤال ع الشباب

ليش الشباب بيميلو للخيانه اكتر من البنات (سواء علاقه او خطبه او زواج )!!!!!!
جاوبو بصراحه
والخيانه ممكن تكون نضرات فقط وانتو طالعين
بشكرك على ردك بس انتي بعدتي عن الموضوع كثير وهيك طرح كان من الممكن تنزلي موضوع من غيري ما يكون رد
اولا الخيانه ما بنتطبق على الرجل وحودو كمان على البنات بس النظره ماش خيانه بعدين ليش تسميها خيانه ليش ما بتقوالي كان اختيارهم غلط لبعض

رهوم

10-15-2008, 08:30 PM

بشكرك على ردك بس انتي بعدتي عن الموضوع كثير وهيك طرح كان من الممكن تنزلي موضوع من غيري ما يكون رد

اولا الخيانه ما بنتطبق على الرجل وحودو كمان على البنات بس النظره ماش خيانه بعدين ليش تسميها خيانه ليش ما بتقوالي كان اختيارهم غلط لبعض

انتو حكيتو اي سؤال ومش محرزي نفتح موضوع عن الخيانه وازا بدك تحزف المشاركه او تنقلا عادي مو مشكله
تقبل مروري:):):):):):):)

الخلود

10-20-2008, 12:23 AM

ليش البنات تحكي كتير وأكتر من الشباب

لأن الشباب مابردوا عليهم بسرعة وبفقعوا القلب من شان هيك لازم ينعاد الكلام كتير لايفهم الشب عليها

الخيانة عند الرجل أكتر لانه مع الاسف يتمتع بأمتيازات وحقوق اجتماعية اكتر

الرجل اذا خان فهذه رجولة واما المرأة اذا خانت ستقتل لانها عاهرة

أما الخيانه اذا الرجل نظر الى امرأة تانية وخاصة جميلة لا اسميها خيانه

كتير مرات بكون مع زوجي وبشوف بنت حلوة بتطلع فيها اكتر منه وأقول له شوف شو حلوة سبحان الخلاق وهنا تسمى نظرات اعجاب مو خيانه

سوألي الان للشباب...... هل تتزوج ايها الشاب من فتاة لها ماضي....

. بينما هي لاتحاسبك على ماضيك

تحياتي لكم

موضوع كتير حلو

يسلموا وسام

DooM-TeaR

10-20-2008, 09:44 AM

هلق بدي اطرح سؤال ع الشباب

ليش الشباب بيميلو للخيانه اكتر من البنات (سواء علاقه او خطبه او زواج )!!!!!!
جاوبو بصراحه
والخيانه ممكن تكون نضرات فقط وانتو طالعين

المعروف والسائد في الحب ان المرأه هي دائما من يكون أعلى درجة في الوفاء للمحبوب
ويقال طبياً أن دقات قلب المرأة أسرع من دقات قلب الرجل لذلك إذا أحبت تحب أكثر من الرجل وإذا كرهت أعوذ بالله
لذلك تعتبر خيانة الرجل للمرأه صدمه كبيره لها
بس صدقيني صدمة الرجل بخيانة المرأة أصعب بكتييير

DooM-TeaR

10-20-2008, 10:36 AM

سوألي الان للشباب...... هل تتزوج ايها الشاب من فتاة لها ماضي....

. بينما هي لاتحاسبك على ماضيك

الجواب بيتوقف على حسب الماضي بس رح جاوبك بالقول :
«المرأة كالزجاجة.. إن كسرت لا تصلح أبداً»
بس إذا خدشت ماعندي أي مانع

خالد وليد صيموعة

11-06-2008, 10:42 AM

مشكور لكل من شارك بهذا الموضوع المهم

وبشكر بالخصوص لاستاذتنا الاخت الغالية خلود

بس الي لاحظته كل المشاركات كانت بعيدة كل البعد عن مضمون الموضوع

وهو هل تتزوج او ترضى الارتباط يانثى كان لها ماضي ؟؟؟؟؟؟؟؟؟؟؟؟؟؟؟؟

ياريت منشارك مرة ثانية ووحابب اعرف اراءكم حول هذا الموضوع

المنى

11-11-2008, 10:10 PM

أصدقائي الأعزاء
بحب شارك معكم بهاد الموضوع لأنو بعتقد الموضوع بهم الجهتين

لما نقول حدا إلو ماضي هي الكلمة معناها كبير وبدل على شي مو منيح

فأكيد كتير صعب على الشب يقبل بهاد الشيj7j7ممكن البنت ما تفرق معا الأغلب طبعا مو الكل

بس أي شي غير هيك أكيد أمر عادي لأنو الشب والبنت بيتعرضو لكتير مواقف وتعارف وهاد الشي مو

عيب إزا كان ضمن الأصول وإزا بدو يصير تدقيق على البنت أكيد راح يصير تدقيق على الشب

لأنو التنين ما لازم يكون فرق بينهمات7ع

بشكركم على الموضوع بغاية اللأهمية بسرعة بسرعة عطونا رأيكم مشان أنا عندي أسئلة كتيرة للشباب

EHAB ALHALABI

11-11-2008, 10:29 PM

سوألي الان للشباب...... هل تتزوج ايها الشاب من فتاة لها ماضي....

. بينما هي لاتحاسبك على ماضيك

في مثل شعبي بيقول .. طنجرة ولاقت غطاها

انا هيك برأيي البنت يلي الها ماضي أكيد راح تتزوج شب الو ماضي وهيك ما حدا بحاسب الثاني

والشب يلي بيحترم حالو أكيد راح يلاقي البنت المحترمة يلي مافي الها ماضي متل ماقلتي بالسؤال

لانو هيك الدنيا ماشي ..

وبالنسبة الي ما بتزوج بنت الها ماضي .....

عاشق نزار قباني

11-11-2008, 10:40 PM

سوألي الان للشباب...... هل تتزوج ايها الشاب من فتاة لها ماضي....

. بينما هي لاتحاسبك على ماضيك

أكيد كما تدين تدان

بس بمجتمعنا هئ لأنو الديمقراطية بعدها مامعها أجار تكسي لذالك مضطرة تنتضر السيرفيس
وبس توصل لعنا بكون انا أخدت وحدي ما إلها ماضي ومتل ما قالDooM-TeaR «المرأة كالزجاجة.. إن كسرت لا تصلح أبداً»

انور الزغير

11-12-2008, 06:48 AM

ما في حدا ما بيغلط ياشباب اذا كانت بنت او شب

اذا الشب قرر يتجوز وحب بنت وهي البنت مرقت بتجربة قبل ما تعرفو وبعد ما عرفتو اخلصت لهذا الشب لازم ما ينظر للماضي الي مرت فيه لانو ما الو علاقة فيه

انا رايي انو غير مقبول ان تحاسب حبيبتك او خطيبتك على شئ صار قبل ما تعرفك لان الكل بيمرق بتجارب اذا كان شب او بنت

وجل من لا يخطا واذا كان رب العالمين بيقبل التوبة الانسان ما بيقبلها هيك صار ظلم وخطا كبير

ومجتمعنا يا شباب ابن اللحظة يعني بيثور بسرعة وبينسى بسرعة وكم حادثة منعرفها وصارت منسية

ومثل ما قال المثل شاور الف وخالف الف وما تسوي الا الي براسك لانو على كلا الحاتين راح تلاقي مين يعارض على تصرفاتك

ومشكورين على الموضوع وناطر ردودكم وردودكن

WiSaM R

11-13-2008, 02:44 PM

الارتباط ببنت الها ماضي؟؟

بالنسبة الي هذا شي مستحيل

لانو الواحد بيسال على جدة جدتها قبل ما يقرب صوبها

الخلود

11-13-2008, 02:57 PM

الله الله.... يا لهذه اللانانية يا مجتمع الذكور

وكيف سيكون مستقبل انتم اشباله

هل تعتقدون يوجد فتاة او شب من غير ماضي

الا تدركون ان للقلب وظيفة اهم واكبر من ضخ الدم

الا تدركون ان كل قلب في قفصه الصدري يرتعش ويخفق ويحلق بعالم الحب

من يريد زوجة من غير ماضي ليخطف طفله بعمر عشر نسنين ويخبئها بقفص قزاز

ويمنع عنها نور الشمس وهواء الحب
والا كل البنات لهم ماضي ويعشقون ويرتعشون امام سهام العين ولمسات اليد وعبارات الحب

عندما نتكلم عن الماضي لانقصد ان تكون لها علاقات وسخه وماضي مجيد

ولكن مشاعر سامية في عالم الحب وتدفق المشاعر

ان كنتم تبحثون عن بنت ماباس تمها غير امها

هذا مستحيل ياعمري والبنت بشر وقلب ومن حقها ان تجرب الحب وتعيشه ولربما هو نفسه سيكون الحبيب زوج المستقبل اذا حافظ على مشاعرها وصان حبها

ولربما قتلت الظروف هذا الحب وتزوج كل منهما بأخر وكانت هذه تجربة قاسية وموجعة بعالم الحب

تحياتي للجميع
j7j7

EHAB ALHALABI

11-13-2008, 11:20 PM

WiSaM R

11-16-2008, 06:23 PM

الله الله.... يا لهذه اللانانية يا مجتمع الذكور

هي مش انانية ولا شي خلود
بس الشباب غير والبنات غير عندنا الغلط مسموح او فيكي تقولي متغاظى عنه
لكن عند البنات الغلطة بكفرة

من يريد زوجة من غير ماضي ليخطف طفله بعمر عشر نسنين

عندما نتكلم عن الماضي لانقصد ان تكون لها علاقات وسخه وماضي مجيد

والله شوفي اذا انا اجى ببالي اخطب او ارتبط ببنت انا كنت عارف انها كانت تحب واحد من نفس البلد ومتعلقة فيه ولكن الظروف ما شائت يتزوجو
ما برتبط فيها لو شو ما صار
لك كيف بدك اياني ارتبط ببنت كانت عاشقة شخص ثاني؟؟كيف؟؟؟

اذا الشاب كان بيعشق بنت ثاي ولكن ما ارتبطو مع بعض
انا بظمن انو اي بنت عادي تقدر ترتبط معه كونه هوي شاب وعادي ما فيها شي
ام شاب يرتبط ببنت كانت عاشقة شخص ثاني هذا مستحيل ببلدنا

ان كنتم تبحثون عن بنت ماباس تمها غير امها
انا عمدور على بنت ما باسها غير امها وعلى خدها مش عل ىتمها

هذا مستحيل ياعمري والبنت بشر وقلب ومن حقها ان تجرب

ما في شي مستحيل وصحيح انو الحب مو عيب
لكن كيفية التعامل مع الحب مش ارضاء غريزتنا وو

شكرا خلود لمناقشة hoh_55

المنى

11-20-2008, 02:16 PM

سيدة خلود كلامك صحيح ..... لكن ؟؟؟؟؟!!!!!!!!!!!!! 67i

سؤالي للبنات ..

شو بيكون موقفك من شب بدو يتعرف عليكي ... وما في مجال انو يحكي معكي غير انو كتب رقم موبايلو على ورقة وعطاكي اياها ......6ا6ا

بعتقادي إنو إزا حاولت ترجع تحكي معو هي

بتكون يلي عم تتعرف علي مو هوي

لازم يكون في مبادرة أقوى منو
7j67 لشو إسمو شب

الخلود

11-20-2008, 04:34 PM

بعتقادي إنو إزا حاولت ترجع تحكي معو هي

بتكون يلي عم تتعرف علي مو هوي

لازم يكون في مبادرة أقوى منو
7j67 لشو إسمو شب

أعتقد بعلاقات الحب الطاهرة الراقية ذات الابعاد السامية

لايوجد فرق بين شب وبنت بالمبادرة

مادام اعطاها رقم الهاتف معناه هناك اهتمام معين

ويخاف الاتصال لانه لايعرف ظروفها الخاصة

لهذا مافي مانع ان تبادر وتتصل معه وبعدها اذا كان مافي موانع كتير

ممكن يتصل بها اكتر ويتعرف عليها

ولكن عادي اذا اتصلت به الاول وتعرفت عليه مع الوقت

تحياتي للجميع

EHAB ALHALABI

11-20-2008, 10:37 PM

بعتقادي إنو إزا حاولت ترجع تحكي معو هي

بتكون يلي عم تتعرف علي مو هوي

لازم يكون في مبادرة أقوى منو
7j67 لشو إسمو شب

اي طبعا هيي يلي بدها تحكي معو .. لانو انا سؤالي انو مافي مجال يحكي معها هوي غير انو قدر يوصللها هالورقة

لكن ممكن يكون تفكير بعض بنات انو هالاسلوب غير لائق بحقها ....

منورة .

EHAB ALHALABI

11-20-2008, 10:42 PM

أعتقد بعلاقات الحب الطاهرة الراقية ذات الابعاد السامية

لايوجد فرق بين شب وبنت بالمبادرة

مادام اعطاها رقم الهاتف معناه هناك اهتمام معين

ويخاف الاتصال لانه لايعرف ظروفها الخاصة

لهذا مافي مانع ان تبادر وتتصل معه وبعدها اذا كان مافي موانع كتير

ممكن يتصل بها اكتر ويتعرف عليها

ولكن عادي اذا اتصلت به الاول وتعرفت عليه مع الوقت

تحياتي للجميع

منورة سيدة خلود برأيك
دائماً بيكون رأيك بمحلو ...

لكن بدي شوف رأي باقي الصبايا من هالموقف ...mgdagadf

المنى

12-17-2008, 02:31 PM

بما إنو ماحدا حاول يرد على الموضوع

عندي سؤال للشباب

هل يمحو الحب الكذب وهاد السؤال سألتو لرهووم بغير موضوع

بس هلأ حابي اعرف رأي الشباب

هل تثق بمرأة أخفت هويتها عنك

هل تستمر بحبها بعد معرفتك الحقيقة

هل يمحو الحب الكذب

EHAB ALHALABI

12-17-2008, 05:38 PM

هل يمحو الحب الكذب وهاد السؤال سألتو لرهووم بغير موضوع

بس هلأ حابي اعرف رأي الشباب

هل تثق بمرأة أخفت هويتها عنك

هل تستمر بحبها بعد معرفتك الحقيقة

هل يمحو الحب الكذب

هلق الكذب غير مرغوب بأي علاقة شو ما كانت

ورد على سؤالك .. اذا هيي قالتلي الحقيقة وانا اقتنعت بسبب

اخفاء هالحقيقة ممكن تستمر العلاقة

لكن اذا انا اكتشفت هويتها لحالي .. لا مستحيل تستمر العلاقة ...

بشكل عام حب وكذب ما بيلتقوا ...

خالد وليد صيموعة

12-17-2008, 07:06 PM

كيفك يا المنى وشو اخبارك

ديما ذوق بكل شي

بكتاباتك

باختيار عبارتك

بطريقة طرح مواضيعك

انا عندي راي بالنسبة لموضوعك

اذا كان الكذب نوع من انواع اخفاء الحقيقة للحفاظ على خصوصيتها وسمعتها مومشكلة

لان للاسف مجتمعنا شرقي ضيق ومن لاشيئ بيعملو قصة

هي من ناحية

ومن ناحية تانية مع احترامي لاغلبية شبابنا مابقدروا قيمة علاقة الصداقة في حال رفضت او امتنعت عن الكلام معه او لقاؤه بصير يستخدم معرفته فيها كسلاح ذو حدين ضدها

باختصار على قول المثل عينك ميزانك

اذا كان موضوع اخفاء الحقيقة هويتها لصالح سمعة وخصوصية الانثى ماعندي مانع ما افكر ابدا في موضوع اخفاءها حقيقتها بس بشرط مايكون الموضوع اللي تم اخفاءه وتم اكتشافه بعدين انه لها ماضي او شي يمس سمعتها بالسوء

مع احترامي لكل الاراء والاخوة والاخوات

بما إنو ماحدا حاول يرد على الموضوع

عندي سؤال للشباب

هل يمحو الحب الكذب وهاد السؤال سألتو لرهووم بغير موضوع

بس هلأ حابي اعرف رأي الشباب

هل تثق بمرأة أخفت هويتها عنك

هل تستمر بحبها بعد معرفتك الحقيقة

هل يمحو الحب الكذب

المنى

12-21-2008, 10:14 PM

بشكل عام حب وكذب ما بيلتقوا ...

شكرا ايهابوو على رأيك المهم

اذا كان الكذب نوع من انواع اخفاء الحقيقة للحفاظ على خصوصيتها وسمعتها مومشكلة
وليد أهلا بك مجددا
انت دائما مميز بردك ورأيك أيضا مهم وواقعي
ولو كل الناس بتفكر تفكير صحيح ما كان حدا غلط أبدا

حاتم العطواني

12-24-2008, 01:56 PM

المنى هلق برأيي أنا انو الكذب هو اللي بيمحي الحب لانو كنو الشب ولا البنت ما عندن مبرر للكذب
ولشو بيحبو بعضن اذا رح يخبو ويكذبو مهوي لازم يحلو مشاكل بعض برأيي
بس ببعض الاحيان في كذبة بيظاء متل ما ممنقول واذا انعرفت الحقيقة ما بتأثر على العلاقة

موضوع حلو وانتو أحلى تمنياتي بالتقدم والنجاح دائماً

حازم صيموعة

12-24-2008, 02:33 PM

الحقيقة موضوع حلو كثير ومفيد شكراً يا وسام على هالطرح الحلو

هلق غالباً نحنا الشباب متهمين بالقسوة ( ما بعرف ليش) ومتهمين كمان بانو مشاعرنا غامضة أو غير معلنة بشكلها الحقيقي ومتل ما قالو بأحد الأسئلة انو الشب بيخون أكثر من البنت ؟؟؟؟؟؟ مع اني بعتقد انو ما في فرق بالمستويات يعني ما حدا بيقصر وهون لازم نشغل أكثر من مقياس يعني مش بس مقياس عددي للخيانة كمان المقياس الكيفي وهون يمكن شوي تتعادل النتائج بشكل أكبر
وبالنسبة للبنت اللي الها ماضي مافي بنت ما إلها ماضي بس ماضي عن ماضي بيفرق طبعاً مع احترامي للجميع ...
يعني البنت اللي الها ماضي وعلاقات محترمة غير البنت اللي الها ماضي وعلاقات مش ولا بد يعني
وما عندي مشكلة ارتبط ببنت كان الها علاقات طبعاً شرط انو تكون علاقات بريئة وهذا شي بيسمحلها تشرط علي نفس الشروط لانو بالنسبة الي علاقات الشب كمان لازم تكون محسوبة ودقيقة لانو كمان الو سمعة ولازم يخاف عليها

بالنسبة لسؤال المنى طبعا الحب ممكن يمحي الكذب متل ما الكذب بيمحي الحب وهون لازم نكون منطقيين شوي بالحكم على الموضوع يعني في شغلات ممكن تتخبى وفي شغلات لا يعني ما في انسان ما عندو أشياء بيكذب فيها حتى على أقرب الناس الو بس في شي مش ممكن الواحد يتغاضى عنو وشي لا
وبالنسبة للمرأة اللي بتخفي هويتها برأيي انو هذا أحد أشكال الخيانة وصعب إني سامح بهالموضوع خاصة إذا كانت العلاقة متطورة يعني فعلا وصلت لدرجة الحب أو حتى الارتباط وهذا شي كمان بتوقع أي بنت ما بتسامح فيه

آسف على الإطالة بس جيت على الموضوع متأخر....

وهلق عندي سؤال للصبايا وهوي:
وهون برجع لفكرة المقدمة
كيف ممكن البنت تقتنع انو فعلاً هالشب بيحبها وكيف ممكن توثق بكلامو يعني شو لازم يعمل لتصدق انو اللي بيحكيه هوي مشاعره الحقيقية ومش لعب

minyar

12-24-2008, 04:07 PM

شكرا وسام فكرة رائعة
ممكن الشباب بخونوا بنسبة اكثر بس ما ننسى انو في صبايا كثير بخونوا بالنهاي بترجع لطبيعة الشخص وكيف بينظر لهيك امور
وان كان بيقبلا على نفسو او لا

بالنسبة لسأل الاخت خلود
يمكن صعب شوي لانو مجتمعنا ما بحب ينسى حتى لو حاول الشب ينسى
سؤالي:ليش البنات بيعتمدوا عالمظهر والجمال للتميز باغلب الاماكن .....الدراسة العمل والمناسبات..........الخ؟

المنى

01-02-2009, 03:51 PM

شكرا لكل على الرد تبعن مشان الكذب
وانا بحترم رايكم جميعا
وهلأ اكيد راح نبلش بسؤال حازم
كيف ممكن البنت تقتنع انو فعلاً هالشب بيحبها وكيف ممكن توثق بكلامو يعني شو لازم يعمل لتصدق انو اللي بيحكيه هوي مشاعره الحقيقية ومش لعب
التجربة أكبر برهان ياحازم لهالشي
كل طريق طويل يبدأ بخطوة..وكل أمل عظيم يبدأبحلم...
وكل مايبدو مستحيل يهون بالعزم والإرادة
واليأس ممنوع في الحب
وسؤال منيار
ليش البنات بيعتمدوا عالمظهر والجمال للتميز باغلب الاماكن .....الدراسة العمل والمناسبات..........الخ؟

لأنو بوقتنا هاد الشب والبنت بتهمن المظاهر
الحياة آدم وحوا فإزا التنين ما لفتو نظر بعض مشان شو الناس بتطلع وبتروح وبتجي
الاناقة مطلوبة والجمال مطلوب للفت نظر الطرفين مو بس البنت والشب كمان
وعلى فكرة المظهر الخارجي يدل على داخلية الشخص براي

مجرد رأي بتمنى نسمع رأي الكل أيضا شباب وبنات

شكرا

osama

05-24-2009, 05:25 PM

الله يمسيهم بالخير صبايا و شباب جميع:
ردا على سؤال الأخت منى هل تسمر بحب شريكتك بعد معرفة هويتها الحقيقية ان صح التعبير.
أعتقد بأنه لا يوجد شخص انثى أو ذكر مكشوف لابد من وجود أشياء مخفية في حياته لايمكن لأيا كان معرفتها.
لكن هذه الأمور خاصة جدا لا تتعلق بالهوية فالهوية أمر لابد أن تكون مكشوفة خاصة لمن فيه أمل بشراكة الحياةالمستقبلية.
لذلك لا يمكنني الاكمال مع شخص أخفى عني هويته أيا كانت الأسباب.
- أما بالنسبة للمظهر شيء طبيعي الانسان يحب المظهر اللائق ولكن كل شي زاد عن حدو قلب ضدو.
- عذرا لكن برأيي المظهر أبدا لا يعبر عن ماهية الانسان ممكن يعبر عن ظروف معينة يمر بها لكن كما ذكرت باعتقادي لا يوجد أحد لايحب أن يظهر لائقا.

osama

05-24-2009, 05:46 PM

أوقفتني حادثة اليوم ونحنا طالعين من الشغل أني و معي واحد ضيّفنا أحد الشباب رغيف خبز عربي من خبزات أمو.
أخذنا الرغيف و صرنا ناكل منو على الطريق وهذا طبعا شيء نادر هنا.
و دار النقاش حول موضوع الخبز العربي و كيف اماياتنا بعجنوا و بيخبزوا و شو الفرق بين الخبز العربي و الخبز الفرنجي و هل من الممكن اليوم انك تلاقي بنت تحب انها تتعلم تعجن و تخبز الخ........
لا أريد الاطالة و لكن السؤال الذي أريد أن أطرحه على الصبايا و أرجو الاجابة بصراحة:
هل أنت على استعداد تعجني و تقلقي كل الليل من شان ما يفورو العجينات و تسري الصبح تخبزي و يقوم جوزك معك يصبلك مته حد التنور على الصبح.
حبذا لو كانت الاجابة مع التعليل.

ابو فيصل

07-27-2009, 10:44 AM

كثير من الاحاديث لايشترك الرجال مع النساء منها أحاديث نسائية نسائية فلا يوجد عند الرجال مثلها لعتبارات كثيرة كذالك الامور المنزلية وأمو الطبخ وهي غير موجودة عند الرجال كذالك امور رعاية الطفل والاولاد وهي غير موجودة عند الرجال والاكسسوارات والمكياج كذالك غير موجودة عندا الرجال ولو استعرضنا جميع هذه الامور وابقينا على الامور المشتركة بينهما لوجدنا ان الرجال بتحكي أكثر من السيدات 0000000 والشباب يميلون للخيانة مش صحيح لورفعنا عن كاهل البنات الأرث الاجتماعي الموروث لكانت مختلفة والنظرة الاولى لاتعتبر خيانة ام الثانية اعتبرهاخيانة

المنى

09-01-2009, 09:22 PM

أخ أسامة يمكن الموضوع انترك لفترة بس حابي اليوم جاوب على سؤالك

بهي الأيام ما بتوقع بنت بتتحمل المعاناة يلي كانت إمها تعانيها

طبعا هي المعانات كانت مفرحة إلهم ومو متدايقين منها

بس اليوم صارت أعمال شاقة حتى للأم كمان

لأنو حتى الكبار صاروا يختصروا التعب

صار في شي مريح ليش التعب بعدين ليش لخلي فلانة من الناس أحلى مني

وهي نظرة الأغلب عندنا صارت وهاد شي مزعج على فكرة لأنو راحت أيام البساطة

والتواضع وعدم الخجل من الشغل والخبز وما شابه

بالنسبة إلي بحب إتعلم بس يمكن ما فيني قاوم متل إمي أو جارتي

شكرا أسامة على السؤال آسفي للإطالة ما راح قدم ولا سؤال للشباب

إزا كان في تفاعل من جديد للموضوع برجع إسأل سؤالي

ابو فيصل

09-04-2009, 07:24 AM

لا احد يضحك على نفسه مافي شجرة ماهزها الهوى وتجربة الفتاة والشبان لابد منها فهيا تمنح اصحابها خبرة في الحياة تجعله ا و يجعلها على دراية كيف يتعاملون مع الحياة مع نفسه ومع اولاده في المستقبل

المنى

10-29-2009, 03:53 PM

حازم صيموعة

11-04-2009, 09:51 AM

اليوم حابي جدد الموضوع يا جماعة

( ما كانت الدنيا هم أحد إلا لزم قلبه أربع فقر لايدرك غناه
وهم لا ينقضي مداه
وشغل لا ينفذ أوله ....وأمل لايدرك منتهاه ) .
ناقشوني بهيك كلمات الكل
بتمنى التفاعل من جديد

المنى.....
لك كل التحية على إعادة إحياء هذا الموضوع المميز.....

بالنسبة للكلمات التي طرحتها...
وهي كلمات جميلة لعمر ابن الخطاب رضي الله عنه وتستحق النقاش وفيها الكثير ليقال....
سأحاول أن أبدي رأيي بها باختصار....

ما كانت الدنيا هم أحد إلا لزم قلبه أربع فقر لايدرك غناه
وهم لا ينقضي مداه
وشغل لا ينفذ أوله ....وأمل لايدرك منتهاه

أي أن الإنسان الذي يعمل لدنياه وليس لآخرته سيبقى الفقر مصاحبا إياه مهما علت درجاته وكثرت أمواله.....
وفقره هنا في دينه وعمله وعقله ......
وسيبقى الهم يلازمه والشغل يعانده والامل يهرب منه.....

فالعمل يجب أن يكون للآخرة وليس للدنيا .....
فكل ما عليها فان ولا يبقى إلا وجهه الكريم...
ولن يبقى للإنسان إلا عمله ودينه ......

أتمنى أن أكون قد وفقت في أيصال وجهة نظري ....

أما بالنسبة لسؤالي فهو :

إذا أقبلت الدنيا على امرئ... ألبسته محاسن غيره....
وإذا أدبرت عنه.... سلبته محاسن نفسه......
إلى أي حد تعتقد أن هذا الكلام صحيح .....؟؟

تحياتي للجميع.....

المنى

11-05-2009, 08:38 PM

حازم سؤالك مهم و منتشر جدا وخاصة في بلادنا
هذه المقولة لم اجد لها تفسير غير أن هناك
شخص ناجح في عمله ولكنه لا يأخذ تعبه
بل يأخذه المدير الذي لا شيئ لديه غير
الجلوس وراء كرسي ينتظر الثنآت على الإنجاز الذي يحققه له عماله
هذا الشخص ضحكت له الدنيا باوسع أبوابها
وهذا الرجل المسكين العامل النشيط سخرت منه الدنيا
بكل متطلباتها
هذا أقرب وصف استنتجته
اما بالنسبة لصحة هذه المقولة فهي 60%
أعتقد انها تصل لهذا الحد من الصحة
والله يجيرنا من الدنيا حين تجور على الإنسان
شكرا حازم ما راح وجه ولا سؤال بلكي حدا من المشاركين بحبو يجابو ا على سؤالي وسؤالك

WiSaM R

04-11-2010, 07:15 PM

خلينا نجدد الموضوع مع انو بعتقد انو مااااااااات

اسقلا ايام الردود القديمة اقرو الردود بالله باول الموووضووع

سؤالي 11\4\2010

كيف تتعامل مع شريك حياتك اذا كانت مشاعره وتصرفاته باردة ومع ذالك يحبك حب كبير؟؟

حاتم العطواني

04-12-2010, 06:51 AM

كيف تتعامل مع شريك حياتك اذا كانت مشاعره وتصرفاته باردة ومع ذالك يحبك حب كبير؟؟

شكراً وسام لاحياء الموضوع من جديد و سؤال مهم اللي طرحته :

أنا من وجهة نظري :

هون بيصير الدور عليك لانو انت لازم تبادر بإعطاء الأمان لهذا الشريك بس يحس بالأمان معك رح يصير يصارحك و يظهر مشاعرو و لازم انت تحفزو وتشجعو من خلال طريقة كلامك ومعاملتك إلو
خصوصاً إذا كان بيبادلك نفس المشاعر ( الحب ) ,, يعني اذا حكيتلو كلام حلو أكيد رح يرد عليك بكلام حلو واذا أظهرت مشاعرك رح يظهر مشاعرو ,, لازم ما نرمي كل المسؤولية على الطرف الثاتي لازم نتقاسمها نحنا الثنين ,,

تقبل رأي ومنشوف الصبايا والشباب شو عندن

أنا الغالية

04-14-2010, 02:31 PM

كيف تتعامل مع شريك حياتك اذا كانت مشاعره وتصرفاته باردة ومع ذالك يحبك حب كبير؟؟

يسلمواااا أبو السوس ..
سؤال حلوو ومهم ....
يعني أأنا لسا ما عندي شريك بحياتي .... بس لو انئردت وطلع هيك عندوو هالبرود هاد ... بحاول معوو بطريقه( النقاش والحوار) ... لأعرف السبب ليش هوو هيك ..
ولووو ما شفت نتيجه مرضيه .... ساعتاااا رح أبعد عنووو وبنفس الوئت أستفزووااااا بطريقتي وأسلوبي الخاص .... لحتى يتحرررك
ولوو ما نفع برضواااا هيك ... رح اسلم أمري لله ...
وووووووأعمل بالمتل يلي بحكي ...
طنش .... تعش .... تنتعش
بتركواااا متل ما هوو وخلص بحاول اني اتئقلم ع هالوضع (مع انو بفئع ألبي من هيك ههههههه )... لحتى هو يحس ع حالووااا انوو مئصر ويتغير .... لإنووو بجد( الحب) بموت بين أي تنيين لوو ما عبروااا عنوو وأظهروااا لبعضن ..

ما بعرف هاد رأي ... من خلال نظرتي الحاليه لحياتي .... يمكن أتغير بعد ما يصير شريكي موجود .. الله اعلم ku1ykuk

Ghada Saymoua

04-14-2010, 05:55 PM

كيف تتعامل مع شريك حياتك اذا كانت مشاعره وتصرفاته باردة ومع ذالك يحبك حب كبير؟؟

شكرا لك اخ وسام على احياء الموضوع....
بالنسبة الي مادام مثل ماقلت انو الزوج بيحب زوجتوا حب كبير فهيي لازم تحس بها المشاعر ,ولازم يكون في حوار متبادل بين الاثنين, وبرأيي الزوجة ممكن تبادر بابداء المشاعر لانها بالنسبة الي هي الاساس لانو الزوج عندوا مسؤوليات اكثر منها مع انو بوقتنا هذا صارت مسؤولية الزوجة تقريبا متلها متل الرجل ,واذا مابادرها المشاعر بعد كل هالمحاولات اكيد لازم يكون في مشكلة ولازم تدّور عليها بذكائها وتحاول تحلها يعني بالمناقشة معه
الموضوع جميل ومتشعب وله اراء كثيرة وهذا رأيي
تحياتي لك

WiSaM R

04-18-2010, 05:13 PM

,, يعني اذا حكيتلو كلام حلو أكيد رح يرد عليك بكلام حلو واذا أظهرت مشاعرك رح يظهر مشاعرو ,, لازم ما نرمي كل المسؤولية على الطرف الثاتي لازم نتقاسمها نحنا الثنين ,,

تقبل رأي ومنشوف الصبايا والشباب شو عندن

هلا فيك والله

طيب حاتم انا معك انو اذا حكيتلو كلام حلو لازم يرد عليك اوكي صح واكيد كمان

بس هوني المشكلة؟؟

طيب كلو انت بدك تقول كلام حلو للطرف الاخر
طيب ما انت كمان حابب تسمع كلام حلو منو ويكون هوي الي يبادرك هالشي مو انت
ما هوني القصد ببرودة المشاعر ومش قصة انو اذا انت قلتلو كلام حلو برد عليك

لان هي شغلي مفروض منها

WiSaM R

04-18-2010, 05:19 PM

WiSaM R

04-18-2010, 05:27 PM

شكرا لك اخ وسام على احياء الموضوع....

بالنسبة الي مادام مثل ماقلت انو الزوج بيحب زوجتوا حب كبير فهيي لازم تحس بها المشاعر ,ولازم يكون في حوار متبادل بين الاثنين, وبرأيي الزوجة ممكن تبادر بابداء المشاعر لانها بالنسبة الي هي الاساس لانو الزوج عندوا مسؤوليات اكثر منها مع انو بوقتنا هذا صارت مسؤولية الزوجة تقريبا متلها متل الرجل ,واذا مابادرها المشاعر بعد كل هالمحاولات اكيد لازم يكون في مشكلة ولازم تدّور عليها بذكائها وتحاول تحلها يعني بالمناقشة معه
الموضوع جميل ومتشعب وله اراء كثيرة وهذا رأيي

تحياتي لك

اوكي
الزوجة هي الي لازم تبادر بهالمشاعر كونو على الزوج عليه مسؤوليات وغيرووو

طيب لامتى الزوجة راح تطيق او تقدر تتحمل هذي الحالة؟؟؟ ما راح يصيبها هيكي كمان برودة مشاعر لانو كمان هي بتحب انو الرجل يبارد بمشاعر الحب ويعبر عنه والزوجة بتحب هيكي اكثر من الزوج

Ghada Saymoua

04-18-2010, 05:44 PM

اوكي
الزوجة هي الي لازم تبادر بهالمشاعر كونو على الزوج عليه مسؤوليات وغيرووو

طيب لامتى الزوجة راح تطيق او تقدر تتحمل هذي الحالة؟؟؟ ما راح يصيبها هيكي كمان برودة مشاعر لانو كمان هي بتحب انو الرجل يبارد بمشاعر الحب ويعبر عنه والزوجة بتحب هيكي اكثر من الزوج

والله مابعتقد انو بتقدر تعمل شي اذا كل المحاولات باءت بالفشل لانو ما رح تخرب بيتها وخصوصا اذا كان في اولاد ولا شو رايك اخ وسام ؟؟؟؟؟

أنا الغالية

04-22-2010, 07:18 PM

يسعد مساك .. أبو السوس
يعني هو المووضووع هيك بجد صعب ... يعني لما بتوصل الزوجه لهي المرحله .. وإنووو ما بتفيد كل محاولاتاااااا وطبعه الزوج هيك .... رح تعود حالها ع هيك خلص ..
أنا عندي رفئات متزوجات وبجد فيه منن بعانووو هيك .. من هالبرود .. بس بتحكيلي شو بدي اعمل خلص طبعه هيك بدي اجي معووو المهم اني بعرف انو بحبني ومو مئصر معي بشي ....
وفيه منن بضلوااا يلحوو ويعملو ويغيروااا ويزبطوو ع أمل انو بيوم من الأيام يتغير هالشي وهالبرود هاد يختفي ..

يعني الله يعينن وما يبلااانا بهيك شي . لإنوو فعلا شي صعب والتعامل معوو بصير أصعب .. لإنوو بصير ضغط نفسي ع الزوجه وبدها تتحمل هالشي كرمال بيتااا ..

ويا ريت لو بنسمع آآآرااء أكتر من ناس متزوجين ببئى عندهم خبره بهيك شي

ويعطيك العافيه ... وسام
تحيااتي

WiSaM R

04-25-2010, 03:19 PM

والله مابعتقد انو بتقدر تعمل شي اذا كل المحاولات باءت بالفشل لانو ما رح تخرب بيتها وخصوصا اذا كان في اولاد ولا شو رايك اخ وسام ؟؟؟؟؟

انا رأي:

بس نقول حب يعني تضحية

والي بحب لازم يضحي لانو لازم يكون عارف انو شريكه هذا طبعه صعب يغيره
وووشوووو فيها اذا الطرف الاول كانت مشاعره ورومنسيتو فوق الخيال ليش ما يعطي حبيبو من هذا الحب وما يحرمو منها وهوي على ثقة من انو شريكه بحبو حب كبيررر شرط يعني يبادرو شريكه بمشاعر نفس المشاعر وهوي من الاساس عارف مشاعره وشو مكانتو بالقلب!!!

-----------------
وهذا ردي انا الغااالية على ردك......... وانتي الي ذووق على مناقشتك الحلوة

تحياتي الك الغااااااالية :)