المساعد الشخصي الرقمي

مشاهدة النسخة كاملة : قصيدة فن بعنوان غربة

سمير غالب فليحان
07-03-2008, 05:42 PM
شو هالحاله يا اخوان شو عمل فينا الزمان
الغربه نارا عبتزيد وحرقنا شوق الاوطان
=======
كيف العمل والتدبير صار السفر صنعتنا
تعودنا نسافر ونطير نجوم السما الفتنا
بين الشقا والتعثير الزمن ماشي بغفلتنا
فينا كبير وفيناصغير وفينااللي نبارح خلقان
=======
اللي تارك اهلو كبار ليل نهار بيدعولو
حلمو يعمرلو شي دار واحلامن يفرحولو
عايش معهن عالتذكار وكم كلمه بيبعثولو
محروم يعيش المشوار مع الاهل والخلان
=======
امااللي خاطب ياحيف شونفع الخطبة من بعيد
بيتذكر ايام الصيف والتمشاي الايد بأيد
الخطيبه بعيونو طيف محروم وشوقو بيزيد
الغربه عالمحبه سيف الغربه بتقسي الانسان
=======
واللي تارك عيالو بين النغصة والحسرة
محفورين بخيالو عيشه بّّّتعذيبا وصبرا
ما بيروحو من بالو لقمتهن حلوه ومره
بغيابو ربيو طفالو وشو هالحاله يا اخوان
عاشق نزار قباني
08-04-2008, 07:26 PM
مشكور يا غالي والله يرجعك سالم غانم

وتقبل تحياتي من أراضي عرمان الكرم
رهوم
10-03-2008, 09:22 PM
مشكور ع الموضوع والله يرجع كل المغتربين ع بلادن سالمين غانمين

والله بلدنا حلوي بس اخ ا خ
Carla
10-04-2008, 12:59 PM
انشالله يرجع الكل بالسلامه ونوصل للوقت اللي الناس تسافر على بلدنا لتشتغل
شكراا اعلى الكتابات كتير حلوين
ملك الغرام
10-04-2008, 04:11 PM
اخي الكريم الغربي للرجال والله بيعينوتراجع بخير انت وكل شباب الجبل
الخلود
10-15-2008, 07:54 PM
هلا وميت هلا..... بأخي الغالي سمير لباس العبا

شو هذه الصدفه الحلوة.... نلتقي بعد غياب وبمنتدى عرمان

عم شوف اسماء الاعضاء الان ولاقيت اسمك يا صديقي الغالي

وهذه هي مساحات عرمان بعد السويداء تجمعنا على المحبة

رائع كل ماتسطره وتعبر عنه ولم نقرأ لك الا كل ما هو شفاف ورائع

اتمنى لك كل حب وتوفيق وتحياتي لك ايها الغالي
زهرة الليلك
10-15-2008, 08:42 PM
الأخ سمير فليحان

أولا ...أهلا بك ومرحبا على أرض عرمان الغالية

بين ناسك وأهلك وخلانك

ثانيا وجعت قلبي اكثر ما هو موجوع على هالكلام الرائع والحزين

الذي يتمثل دائما في اخوتنا واقربائنا واصدقائنا المغتربين

بلاد ما بتحمل ناسها

وما في غير هالحل

لكن اتمنى من كل قلبي ان يردكم الله بالسلامة

الى اهلكم واحبائكم

دمت بكل الخير

تحياتي لك
سمير غالب فليحان
10-08-2009, 08:30 AM
أشكركم جميعاً على مروركم الطيف على كلماتي وأعتذر لغيابي طيلة الفترة الماضية .....واسمحوا لي أن أشكر باسمكم وبإسمي الأخت الغالية الراثعة خلود التي دخلت كل مضافاتنا عبر الشبكة فراشة توزع الحب والأمل والدفء وتشحن الأرواح بالتواصل المميز ..أشكركم من جديد وأتمنى التوفيق للجميع
Ghada Saymoua
10-08-2009, 05:16 PM
شكرا لك اخ سمير
على الكلمات الرائعة
والله يرجع كل غايب على وطنو
تحياتي لقلمك
تقبل مروري
المنى
10-09-2009, 12:18 AM
الكلمات رائعة
شكرا لك أخ سمير
اقتصادي
10-09-2009, 02:15 AM
شكرا الك اخي سمير واشكر المنى التي اعادت احياء هذه الكلمات التي تمس كل انسان فينا
وقد جمعت الجميع شكرا اللك ودوما اتحفنا من روائعك
والنتدى بيكبر بشاعر واديب متل حضرتك
سمير غالب فليحان
10-09-2009, 07:54 AM
شكراً لمروركم أصدقائي ..وفقنا الله من أجل رفعة هذا المنتدى .. عرمان تستحق منا الكثير وهي ولادة للمبدعين .