عندما تحب الفتاة هل تعتبر خيانه للاهلها

[Carla]

عندمـــا يـ ح ـب الشاب ويصرح بذلك الحب لأهله او أصدقائه فلا أحد يستطيع ان يعيبه او يقول له خطأ ..

وبالمقابل ..

عندما تحب الفتاه لا تسطيع الافصااح عن حبها الا لفتاة مثلها اذا كانت لديها الـ ج ـرأه للإفصاح عن ذلك الـ ح ـب ..!

سؤالي لن يكون اعتيادي ولماذا التفرقه في مجتماعتنا ...

ولكن ...

مايدور بـ خ ـاطري../.. هل يعتبر الـ ح ـب للبنت جريمه بحق الاهل او نوع من الـ خ ـيانه ..؟وهل الـ ح ـب الشريف في مجتمعنا الشرقي عيب ..؟انتظر ردودكم واذا كنت تعتبر حب الفتاه خيانه لأهلهاارجو توضيح وجهة نـظـركتحياااتي

[الخلود]

من يظن ان وظيفة القلب وحدها لضخ الدم فهو غلطان

القلب لن يعمل الا بالحب الطاهر الشريف المحترم

القلب لايكون قلب من غير ان نعطيه حقه بالتدفق العاطفي وشلالات الحنان

انا كأم... كانت اكبر امنية عندي هو انتظار اليوم الذي تسرع به ابنتي الي قائلة

أمي.. أمي.... قلبي بدأ بوطيفته الاساسيه.... أنا عاشقة يا امي

وما زلت اذكر هذا اليوم مع ابنتي البكر.... ساعتها بكيت وقلت الحمدلله ابنتي طبيعية

تمارس حقها الوجودي بالعشق وتحس بأنسانيتها .. وكنت لها ولحبها الحارس الامين

الحب مقدس.. من قال انه عيب.. من حرمه.... هل هناك حديث او اية ربانيه تحرمه

انه الشرع الاجتماعي والخوف الاسري لآهل يعم فكرهم الجهل والخوف

دائماً هكذا يحصل.... نعطي كل الحقوق الانسانية للذكر ونمنعها عن البنت

كأنه ولد وبفمه ملعقة من ذهب وهي محرم عليها حتى الحب الشريف

كلها مفاهيم اجتماعية مريضة التي تتكلمين عنها

زمن مضى ايام كنا نخاف من الحب الطاهر.. اعتقد الان الكل يعشق

الكل يملك قلب يريد هويته والتنفس بشرعية اوكسجين الحب

الحب هو الحق الشرعي الاكبر لكم... مارسوه بأحترام وبقدسية

ولا تخنقوه ولا تشوهوا صورته

والام التي تبتعد نفسياً عن بنتها بهذه المرحلة ليست ام

تذكروا دائماً... ليس بالخبز وحده تكبر الاولاد

وانا اعدها اكبر اهانة لي كأم ان تركض ابنتي لصديقة تبثها لواعج شوقها وحبها وتخاف من الاعتراف لي

لماذا انا ام.. وماذا افرق بعد هذا عن امومة الحيوانات

كلهم يطعموا اولادهم ويحرسوهم

ولكن ليس كل الكائنات الحية تتمتع بعقل يحلل ويقدر

الحب ليس محرم ولا عيب اعطوه حقه وهويته

تحياتي لك وللطرح السليم

56hj

[رهوم]

انا ما بعتبرا خيانه بل نوع من الخصوصيه
يعني اغلب حالات الحب عم تصير بالمرهقه وهاي الفتره الي بيكون االشخص او البنت بالاحرى عم تثبت ذاتاومو عيب ابدا انو البنت تحب او تخبي عن اهلا انها بتحب
بس برايي انا انو الام لازم يكون عندا اطلاع ع الموضوع
وشكرا ع الموضوع

[Carla]

شكرا الكن يا ريت بسمع راي الشباب بالموضوع

[اقتصادي]

صحيح اني شاب ومالي شو ي علاقة بس راي انو البنت متل الشب حقا تحس بمشاعره بس لازم تحدد الي بيعرفو ويفضل اما تكون اول وحدةاذا كانت متفهمه لانو لازم تراعي المجتمع

[غياث حمزة]

هاي
هذا الموضوع بيفتاح أبواب كبير على المجتمع القرية (أوالشرقي)




هذا الموضوع يتعلق بأغلى ثروة تمثل نصف المجتمع ، وهي أيضاً تربي النصف الآخر فهي المجتمع بأكمله

.. أتمنى المشاركة من الجميع لخطورة هذا الموضوع

لابد من حل ينهي هذا الشذوذ ..ظاهره واقعية تنتشر كثيراً وفي معظم المدن.. .. القرى

ظاهرة الإعجاب بين الفتيات تصل إلى حد الشذوذ .. مالسبب؟؟
:
الظاهره::تعجب الفتاة بصديقتها أو مدرستها إما لجمالها

أو لمظهرها أو للبسها أو لمشيتها أو لأسلوبها ورقتها في الكلام ...

لا تجالس إلا هذه الفتاة، ولا تتكلم إلا معها

وتقوم بتقليدها في جميع شئونها !!

وقد يتطور ذلك الإعجاب الى مايسمى بالحب ومن ثم يتطور حتى يصبح عشقاً وغرام .

تنتشر هذه الظاهرة في المدارس وبشكل ملحوظ وكبير خاصة في المراحل المتوسطة..

من مظاهرها الرسائل الغراميه ..تبادل الهدايا.. و الورود الحمراء و العناق الحار الذي لايصدر من فتاة لفتاة

لا.. بل كأنه من رجل لإمرأة..

كذلك تبادل القبلات في كل وقت بدون داع , والمكالمات الهاتفية الطويلة

وأحيانا تصل إلى حد أن يتفق الفتاتان بعدم الزواج حتى لايفرقهما أي شيء ..

وهنا أتسائل :

* لم هذا الشذوذ بين الفتيات وهل يوجد بين الشباب ؟

* هل للتربية علاقة فى ذلك ؟

هل يفتقد أحد الطرفين الحب والحنان

أذا هذا الحب أصباح جريمة وأني ضد هذه الحماقةangry_1
مع الأسف اذا آسئت الإداب
أرجو أن تتقبلي ردي

[غياث حمزة]

مرحبا أني كثير اسف على الرد كان بل الغلاط
ما في مشكلة أذا الادأرة حذف الموضوع مع الاسف على الرد

[Carla]

عادي يا غياث الموضوع اللي طرحتو اكيد مهم ومنتشر
وانا بحترم رأيك
بس انو مش ها موضوع نقاشنا بتمنى اسمع رأيك ضمن اطار الموضوع اللي عم نناقش فيه

[غياث حمزة]

أول شي بعتذر مرة ثانية على الغلط اللي صار بس هذا الرد كان على موضوع بمنتدى ثاني ونزل هون بالغلط وما اكتشفت هالشي غير بعد ما بعثت الرد بيوم



وبالنسبة للموضوع الأساسي


أول شي أني مش ضد انو البنت تحب (حب شريف )

أما انو البنت تحب لمجرد إنها تقول للناس أني بحب فلان وفلان بيحبني يعني للتباهي بين رفقاتها فهذا شي مش مقبول بنظري ويمكن كثار بيشاركوني الرأي


ومن ناحية ثانية علاقات الحب بمجتمعنا صارت تفرق بين الناس بدل ما تجمعهن يعني ثنين بيحبو بعضن بعد فترة بيختلفو لسبب ما وبيتحول هذا الحب لكره وبيصير الحبيبين أعداء وما بيخلو ستر مغطى على بعضن

وأكيد هذا شي ماحدا بيحب إنو يصير وهذا بالضبط عكس الحب الحقيقي اللي مش ممكن يتحول لكره مهما كانت الأسباب والحب كلمة كبيرة وبدون الحب بتصير الحياة بلا معنى وأشبه بالغابة


وبالنسبة لموضوع خيانة الأهل فالبنت اللي بتطلع عن إطار الأخلاق والأدب بهالحالة صارت خيانة لأهلا ولثقتهن فيها وهذا شي بتوقع انو ما رح نختلف عليه


وبالنسبة للحب الشريف متل ما قلتي فأنا مش ضدو طالما انو شريف فعلا وبيظل داخل إطار الأخلاق وخاصة كمان إذا كان في حدا من الأهل عندو علم بالموضوع وهذا أكيد مش خيانة واللي بيقول غير هيك يسمحلي أني بخالفو الرأي



وبالنهاية بشكرك على الموضوع الحلو والحساس اللي طرحتيه

[غياث حمزة]

مرحبا يااااا فرند teto_65


هذا الطرح بيتعلق بمشكلة في عالم الشباب ياريت تكون في متبعا أكثر من بقي الاعضاء مع الشكر الى الجميع .........

[minyar]

الحب واقع ما بيقدر حدا يمنعو لا مجتمع شرقي ولا غيرو واحساس بيتكون عند اي انسان
ولما البنت بتحب معظم الاحيان بيتعارض مع الاهل بس تكون بعدها بعمر صغير يعني خايفين عليها
وكثير منشوف بنات بعدن بسن صغير عايشين بحالي بقناعتن انها حب وهذا اكيد غلط
اما لما نحكي عن حب ناضج فأول ناس لازم يعرفوا هن الاهل او على الاقل الام لحتى يقوموا بدور التوجيه مش الالغاء وبمجتمعنا تحديدا قلال الاهل يلي بعارضوا بدون سبب مقنع
وشكرا الك عالموضوع

[لميس]

شكرا الك عالمضوع بالفعل مهم
كرد على أسئلتك أني برأي الحب مش عيب ولا غلط اذا شب أو بنت عن شرط يكون صادق مش مراهقة وبسku1ykukku1ykuk
ومش كل الأهل بيفهموا مشاعر البنت وحتى لو اتأكدوا من صدق مشاعرها لأنن بيعتبروا انوا غلط البنت تتعلق بالشب وتعلقوا فيها
طبعا بعض الأهل مش الكل hoh_55وأكيد لازم نصارح أهلنا بهالشي ساعتها بعدش في أي شي غلط
السبب الأساسي هوي انوا مجتمعنا صعب كثير انوا يفرق بين الحب الشريف والمراهقة لأنوا بيعتبرن نفس الشي:(
هذا رأي ما بعرف كنوا صحيح أو لأteto_65

[عماد الزغير]

انا رايي بها الموضوع وياريت تقبلو وجهة نظري

من اساسيات هذه الدنيا التي خلقها الله عز وجل هو الحب

بداية الانسان على وجه الارض كانت علاقة بين آدم وحوا ء وهذه العلاقة ثمرة حب

العلاقة بين كل فرد واخر زوج وزوجة اب وابن بنت وامها بنت وابيها اخ واخت .....................................الخ

الذي يربط بينها هو الحب

فبدون حب لاتستمر الحياة

فلماذا لايحق للبنت ان تحب اليست فرد من هذا المجتمع

كما تحب اخيها وتحب ابيها وتحب امها من حقها ان تحب الشخص الذي ستبني اسرة معه ومن حقها ان تختاره

ولكن يا اصدقائي يجب علينا ان لاننسى ان الله كما خلق قلب لنا نحب به خلق لنا ايضا عقل نفكر به

فيجب على البنت ان تفكر بعقلها هل هذا الشاب يحمل صفات جيدة هل سيسعدها هل يحبها ايضا

وهل الوقت مناسب للتفكير بالحب

واخيرا لااعتقد انه يوجد اب ولا ام تكره ان تكون ابنتها سعيدة

الموضوع واسع جدا للشرح هذا رايي باختصار

وشكرا لكم

[حاتم العطواني]

فرند موضوع حلو وحساس وفعلا نحنا بحاجة للنقاش بهيك مواضيع
انا برأيي :

الحب مش عيب بس طالما هو بالطريق الصحيح وضمن الحدود للشب وللبنت ..بس بكونو مجتمعنا شوي متصلب و مصعب الامور شوي البنت بتظطر تخبي حبها حتى لو كان ماشي بطريق صحيح وهالشي بينعكس عليها بعدين

واني بعرف انو مخزن أسرار البنت هي الأم ....... وأصلا العلاقة بتصير أحلا وأجمل لما بتصير تحت إشراف حدا أكبر منا وأوعى منا ومنشان إذا صار في شي سوء فهم أو اختلاف أو غلط هني بيساهمو بمساعدتن


بس قد ما حاولنا مجتمعنا رح يظل يرفض الفكرة .... ورح يظل متعصب من ناحيتها
وهالشي بينعكس على البنت وبيأثر على حياتها .... يعني معلش خليني أطرح مثال وآسف إذا كان الطرح خارج عن النطاق شوي

الإمارات : (دولة إسلامية) .... كل شهر تسجل ما بين 3 إلى 5 حالات اغتصاب نتيجة عن نقص عند الشباب ,,, سنويا يصل معدل هروب الفتيات مع أشخاص غرباء إلى دول أجنبية إلى 33% من الشعب
انتشار مرض الإيدز

ليش لانو شعب مكبوت وفاتو عليه الأجانب صار بدن يعيشو متليهن ونتيجة البنت محبوسي دائماً يمكن كل شهر بيسمحولا مرة تشوف ضو الشمس هههه ,,,, والشب نفس الشي محكوم من قبل أهلو ليصير عمرو 30 وأكثر وهذا غلط وهذا ممنوع وهذا ما بيجوز

وكانت النتيجة شو انو توقع العلماء بعد 200 سنة رح يصير المواطن الخليجي عملة نادرة


بمجتمعنا لازم البنت والشب تكون تربيتن صحيحة التفهم من قبل الاهل دائماً ,, الوقوع بالغلط بيعلمنا الصح




شكرا على الموضوع الحلو يا فرنـــــــــــــــــــــــــــــــــــــــــــــــ ـــ شكراــــــــــــــــــــــــــــــــــــــــــــــ ـــــــــــــد


تقبلي مروري

[Ziad Nahem]

Thanks for this sensetive issue,
i think that love is an emotion that is embedded in the body that cant be removed no matter whether the person is a MAN or WOMAN.

its only in our cultures that we differntiate, and that is becuase our great, great, great ancesstors have taught us and has been passed on untill this day.

anyway to cut this short, .
NO a Woman can have this emotion (>LOVE) as long as limits are not crossed.

thanks

[المنى]

لا أحد من الاهل ينكر حق البنت في الحب
ولكن ياترى هل كل البنات تقبل حق الاهل بمعرفة حبها
في هذا الوقت أصبحت الفتاة تحب مرة واثنتين وثلاث فكيف لها ان تخبر امها وهي لا تعرف حتى التفرقة بين الحب والإعجاب وووو؟؟
بالنتيجةالاهل يخافون على البنت فيحاولون منعها ليس من الحب ولكن من الاشخاص الذين حولها
أما عن الحب الشريف فلا احد في العالم يستطيع الوقوف امامه ولا احد يمانع شرط ان يكون شريفا
خائفا على سمعة البنت وعلى سمعة اهلها
لا أعرف شعور الامهات تجاه هذا الامر ولكن شعوري انا أنه من واجبي إخبار أمي بكل شيئ بحياتي قبل الزواج وبعده ( الأم تخاف على ابنتها من الوقوع في الخطأ وتخاف في الوقت نفسه على مشاعرها لو صدمت في بداية حياتها وهي لاتزال لاتعرف شي عن الحياة ومشاكلها)
هذا هو شعور الاهل بالنتيجة خوفهم على أولادهم يسيطر على عقولهم ولكن دور الاولاد في تخفيف الخوف عليهم وإثبات حبهم الشريف أمامهم وأمام الناس
أما الفتاة نصيحة من أعضاء المنتدى الذين هم بأعمار مختلفة ويقدمون نفس النصيحة (لا سر لك إلا عند أمك )
التي لو ساءت كل الامور عندك وفشلت في حبك من المستحيل ان تعطيكي نصيحة ليست بمحلها
أخيراأقول( خاتمة الم العواطف عندما ينتقل الحب من القلب إلى العقل)

تقبلي مروري وعذرا على الإطالة بالكلام شكرا

[المنى]

لا أحد من الاهل ينكر حق البنت في الحب
ولكن ياترى هل كل البنات تقبل حق الاهل بمعرفة حبها
في هذا الوقت أصبحت الفتاة تحب مرة واثنتين وثلاث فكيف لها ان تخبر امها وهي لا تعرف حتى التفرقة بين الحب والإعجاب وووو؟؟
بالنتيجةالاهل يخافون على البنت فيحاولون منعها ليس من الحب ولكن من الاشخاص الذين حولها
أما عن الحب الشريف فلا احد في العالم يستطيع الوقوف امامه ولا احد يمانع شرط ان يكون شريفا
خائفا على سمعة البنت وعلى سمعة اهلها
لا أعرف شعور الامهات تجاه هذا الامر ولكن شعوري انا أنه من واجبي إخبار أمي بكل شيئ بحياتي قبل الزواج وبعده ( الأم تخاف على ابنتها من الوقوع في الخطأ وتخاف في الوقت نفسه على مشاعرها لو صدمت في بداية حياتها وهي لاتزال لاتعرف شي عن الحياة ومشاكلها)
هذا هو شعور الاهل بالنتيجة خوفهم على أولادهم يسيطر على عقولهم ولكن دور الاولاد في تخفيف الخوف عليهم وإثبات حبهم الشريف أمامهم وأمام الناس
أما الفتاة نصيحة من أعضاء المنتدى الذين هم بأعمار مختلفة ويقدمون نفس النصيحة (لا سر لك إلا عند أمك )
التي لو ساءت كل الامور عندك وفشلت في حبك من المستحيل ان تعطيكي نصيحة ليست بمحلها
أخيراأقول( خاتمة الم العواطف عندما ينتقل الحب من القلب إلى العقل)

تقبلي مروري وعذرا على الإطالة بالكلام شكرا

[zezo]

موضوع حلو كتير
برأي انو مو غلط انو البنت تحب اي شخص بس طبعا الشخص المناسب مع علم على الاقل الام لأنو الام اقرب للبنت من الاب و اكيد رح تقدر تتفاهم معها بشكل اسهل
بس عنا بمجتمعنا الشرقي الاغلبية بترفض هالفكرة و السبب الاكبر هو الخوف من الوقوع بالغلط
كل واحد عندو وجهة نظر بتختلف عن التاني
شكرا مرة تانية لطرح الموضوع